الموضوع: سلك الكيك داون !

السلام عليكم يا عصابه
واحشنىىىى جدا جدا و المنتدى كله بصفه عامه
طبعا نظرا لان وقتى الايام دى بقى ضيق جدااااااااا
و الجامعه شده حيلها علينا السنه دى
فقد قررت
اصلح عربيتى بنفسى
لحد م ربنا يفرجها من عنده و الاقى يوم فاضى الحق اوديها لاى ميكانيكى يصلحها
و طبعا زى م حضراتكوا عارفين ان سلك الكيك داون عندى مفكوك و
صوت العربيه و هى بتنقل مش عاجبنى
فقد قررت برضو
انى اركبه بنفسى

بس مش عارف :(

مالاقيش عندكو فيديو او صور او اى حاجه تبين طريقه تركيب سلك الكيك :)

و شكرا مقدما
و كل سنه و انتوا طيبيين بمناسبه عيد الاضحى و
مااااااااااااااااء ( سميل خروف عمال يمءمء من الصبح و صدعنى )

المشاركة الأصلية كتبت بواسطة semsem kane

عمر باشا عامل اية ربنا يكون فى عونك ويعديها على خير

دلوقتى بالنسبة لتركيب السلك هتلاقى فى نهايتة طرف دة يتوصل ببكرة الاكسراتير هتلاقى مكانة زى فتحة صغيرة وتركب الطرف دة بالعرض وبعد كدة تلف السلك على بكرة الاكسراتير وتشد شوية بمفتاح عشرة وبعد كدة تطلع تجرب وتشوف هينقل معاك امتى واظبطة على الوضعية اللى عاجباك

هحاول اشوفلك فيديو

الحمد لله رب العالمين على كل شىء
انت عامل ايه يا سمسم ؟ و كالعاده تاعبك معايا

انا فهمت حوالى 50 - 60 % بس كده و الباقى لازم يبقى العربيه قدامى و انا بقرا الكلام ده علشان افهم

و ياريت لو لقيت فيديو تبقى خدمتنى جامد