ياجماعة انا قربت يجيلى انهيار عصبى من اسعار العربيات اللى عماله تزيد كل شويه لما الواحد قرب يعض الارض. انا مش عارف ايه اللى بيحصل داه.
عرض للطباعة
ياجماعة انا قربت يجيلى انهيار عصبى من اسعار العربيات اللى عماله تزيد كل شويه لما الواحد قرب يعض الارض. انا مش عارف ايه اللى بيحصل داه.
يا عزيزى كل حاجة عمالة تغلى :_Alshmokh08[1]:اشمعنا يعنى العربيات اللى عوزنها كلنا اسعار تنزل:majd(4): او تقل :arab:
ممكن الاسعار لو سمحت وصلت كام
اكتر سعر بجد استفزنى فى السوق لانسر بومه 2009 عامله 50 الف عداد اسبوراتيه هى وطالب 110 قولتله ياباشا ديه 2009 قالى منا عارف ده سعرها :_Alshmokh08[1]::_Alshmokh08[1]::_Alshmokh08[1]:
قولت الناس اتجننت خلاص والا ايه
بالعكس السوق مريح جدا
المعروض كتير وماحدش بيشترى
خلى اللى يطلب يطلب وفى الاخر لما يزق من قلة البيع هايضظر انه ينزل فى سعر عربيته
دى اسعار الزيرو و لا المستعمل
سوق المستعمل فعلا مريح جدا محدش بيشترى دلوقتي كلة بيبيع وطالب فى العالي
طيب بيطلعوا فى العالى لية طالما مفيش حد بيشترى غريبة قوى !!!
وربنا يسهل لعبيدوا
بالعكس انا شايف ان اسعار المستعمل فى الدمار خالص ده لو حد حسبها بالورقه والقلم هيلاقى ان قطع الغيار اغلى من العربيه يعنى لو جيبت العربيه حتت هتكلفك اكتر ما تشتريها مستعمله!!!!!!
يعنى ابقى شارى عربيتى مثلا ب 56 الف جنيه واخسر فيها 18 او 20 الف جنيه وانا ببيعها مستعمله مثلا 6 سنوات ازاى؟ على الرغم ان الزيرو عمال يغلى اصلا يعنى الزيرو غالى مش رخيص
فاكرين حملة خلوها تصدى، هى نجحت ايامها ولا ايه؟ وممكن تتعمل من تانى؟
المشكله ان الجنيه مبقالهوش قيمه وسعر اليورو زاد ومفيش عمله صعبه في البلد زي الاول علشان المستثمرين خايفين يضخوا فلوس في نظام غير مستقر وطبعا معظم العربيات بتيجي من بره متقفله واللي حتي بتتقفل هنا بتكون قطع غيارها جايه من بره ..
كل حاجه غليت ده ناقص يخلوا الهوا بفلوس ..المقاطعه مش هاتخلي الناس تبيع ولا تشتري الا المحتاااااااااج فقط للسياره او المحتاج لفلوسها
فعلا الكلام صح فى حاجه غلط العربيات المستعمله سعرها بقى غبى يعنى بالميت ممكن تلاقى العربيه ام 40 الف بقت بقدرة قادر ب 45 و ب 50 كمان ما اعرفش ليه و علشان ايه
انا خلاص حاتجنن و تعبت من البحث عن سياره بنت حلال من واحد ابن حلال
انا مش فاهم عقليه الناس دى ايه
واحد عارض فى قسم البيع عربيه 128 موديل 77 طالب فيها 17 الف
ربنا يهديهم :smartass5::smartass5:
السوق محدش عارف لة حاجة
وحتى العربية الواحدة بيختلف سعرها من محافظة لاخرى
غلو الزيرو- وكمان ضعف خدمات مع بعد البيع والاستغلال فيها - وكمان اسعار البنزين ال 90 وطالع - خلا ناس كتير تفكر فى المستعمل تانى - مع انخفاض قيمة الجنيه
كل ده خلى اللى معاه عربيه مستعمله يفكر قبل ما يبيعها
بس فعلا فى ناس بتبقى بتغالى - بيع غناوه - انما الجاد فى البيع - بيوزن اموره ويقبل بالمعقول
الذ حاجه يقول لك - اصل العربيه حاله - ده لو قديمه- ولو جديده شويه ومدهوله يقول لك دى 2009 مثلا عايز انزل فيها كام يعنى
واحد مره كان بيبيع بيجو 79 وطالب 60 الف - وبيقول لى العربيه حاله - قلت له لو هى 79 وكانت فى جراج من يوم انتاجها - حالتها ما تعملش اكتر من 35- الناس ضحكت عليه ساعتها
تقسيط البنوك هو الى مغلى اسعار الزيرو, المستورد عارف انك لو مقدرتش تاخدها كاش هتاخدها قسط (كده طده هو هياخد فلوسه كاش و القسط مع البنك)....
تصوروا كده لو تقسيط البنوك وقف ---- هتلاقوا سعر العربيات فى النازل عشان يزودوا سرعة الدوران و ميخسروش .....
اخوتى الاعزاء دى حالة جشع وطمع من تجار العربيات ( الوكالات)
الوكلاء بيكسبو كتير فى العربيات ورغم كدا ميهمهمش الزبون اد مايهمهم المكسب ( تخيلو بعض الوكلاء بتبيع عربيات موديلات 2009 و2010 زيرو لانها لم تباع فى سنتها والى الان اسعارها غاليه
2- البنوك فوائدها مرتفعه جدا تخيلو فى الخليج البنوك فوائدها بين 3.99% الى 4.55 والى الان فى مصر 12% و15% وكل بنك بمزاجه
3- اسعار غريبه للمستعمل العربيه تكون اتبهدلت من شوارع مصر اكتر من 5 سنين والاستاز صاحب العربيه يطلب فيها ثمن اقرب الى اللى هوا دفعه ايام ماشتراها واللى يقولك قابريكه واللى يقولك حاله شازه وخد من ده كتير
دلوقتى اللى عاوز يشترى عربيه يعمل ايه يتكوى بنار الجديد وتقسيطه ولا يتكوى بنار المستعمل اللى بيدفع فيه اكتر من قيمته واى وقت ممكن يدخل دوامة التصليح وعيش فى الملعب
عند البيع بيفرق السعر اكيد
ياجماعه فى حاجه خدوا بالكوا منها بالنسبه للمستعمل اللى انتوا عاوزين سعره ينزل عن كده
حد يحسب العربيه المستعمله قطعه قطعه(كل حاجه لوحدها بسعرها)
يعنى مثلا التابلوه بكام والكراسى والموتور والمساعدين وكده
هتلاقى مثلا العربيه اللى بتتباع مستعمله ب 20 الف جنيه هتكلفك 30 الف لو هتجمعها كقطع غيار يعنى الواحد يفك العربيه ويبعها حتت احسن مايبيعها مستعمله
قفلة زي قفلة الكهربا بالظبط
واحد قريبى راجع من الكويت
بيقولى السيراتو زيرو بـ 2000 دينار
ياعنى حوالى 40 ألف جنيه مصرى
ومش عاجبة الكويتيين
بيقولوا بتسسيح من الشمس
الناس بتاكل فى بعضها
الشعب المصرى شاطر اوى فى الاغانى الوطنية بس
ده حتى التجار معندهمش جشع على قد ما شوفت من اصحاب العربيات فعلا
عمري ما هنسى راجل كبير كان بثيبيع عربيته كرولا 2002 مانيوال متبهدله من برا الكلام ده من 3 شهور
بقوله بكام قالي 90 قولتله ليه يعني قالي اصل دي الغاليه
انا الى منرفزنى ان عربية زى الكيا بيكانتو الجديدة توصل ل96 الف جنيه
ليه يعنى علشان حبة لعب فى الشكل و شوية سحب و شوية سوك و كله فى الاخر مع اقل خبطة بيتعجن
بجد حرام الى بيتعمل فينا ده