عرض للطباعة
السلام عليكم
انا كنت حاجزه بونتو ايفو قبل ما ادخل علي نايل موتورز واقرا الشكاوي من الاعضاء
بس عايزه حد يكون مهاه العربيه ويقولي هي عامله ايه معاه علشان انا كان عندي حوار قبل كده مع شيفروليه افيو واكتشفت ان فيها عيب صناعه وطبعا تولدت عندي العقده وخايفه تحصل مشاكل مع الايفو
مفيش عربية صنعها إنسان بدون مشاكل يعنى لو دخلتى عل منتدى bmw هتلاقى شكاوى عجيبة
ده مش معناه إن العربية وحشة اما بالنسبة للإيفو ان معايا العربية بقالها 11 شهر والحمد لله مفيش منها مشاكل معايا ودى متنفعش تتقارن بعربية كورى زى افيو
العربية اخدى من احسن تصنيفات فى اوروبا ومبيعاتها جامده وبدأت تنتشر فى مصر وانا متوقع إنها هتنتشر لأن احسن عربية فى الفئة دى بس لو مكنوش غلوا سعرها كانت بقت فل توكلى على الله ومش هتندمى
بلاش
انا شايف الايفو مش وحشة بالعكس ..... وفي الاخر حاجة ترجعلك بس لاتقاااااارن بالافيو ..... لو تعرفي تزودي وتدخلى في الالماني اوكش ..... لاكن العربية انتشرت ومش وحشة ,,, ممكن في شوية مشاكل في التوكيل بس ده في كل التوكيلات
( stay far away from ( om-atra !
انا معايا العربية من 11 شهر و صدقني لحد النهاردة لما باركبها باحس اني راكب عربية جديدة و مستمتع بكل امكانياتها و مميزاتها
أنا عارف اني في شكاوي من أوماترا بس انا الحمد لله لحد دلوقتي ما اتعاملتش معاهم غير في الصيانات الدورية و بس و هما كويسين معايا (لحد دلوقتي)
و بالنسبة لو كان حد اشتكي من عيب صناعة ..ده شيء ممكن يحصل حتي في المرسيدس و البي ام..المسألة نسبة و تناسب....يعني كم واحد معاه عربية صناعة اوروبي اشتكي من عيب فيها في أول سنة و كم واحد معاه عربية كوري اشتكي منها في اول سنة؟
بس برده أحب أوضح ان من أهم اسباب اختياري للايفو هو سعرها...لان من سنة كان سعرها ارخص 10 الاف من دلوقتي
العربيه معايا من شهر 3 ....العربيه جميييله جدا جدا "التوكيل مش اوي" بس العربيه ممتازه
لو سعرها الجديد ماشي معاكي....توكلي على ربنا و هاتييها
و لو الفلوس معاكي تمام هاتي الباكج 2....هتخدي كذا حاجه زياده اهمها مثبت السرعه و الكار كيت وmemory player AUX & Flash
مانيوال او اوتو دي حاجه ترجعلك
لو عايزه زيادات ممكن تشوفي موضوعاتي هن العربيه
ومبرووك مقدما
العربية حلوة وما دام انتي حاباها سيبك من اي حاجة تانية
لكن لو لسه محتارة ممكن تجيبي الاكسنت rb او نيسان تيدا علشان منتشرين وشكلهم حلو وصيانتهم سهلة واعادة بيعهم حلوة
انا كنت بفكر في البيجو ٢٠٦ بلس بدالها
بس فكره التوكيل دي مش فارقه معايا علشان جربت اوحش توكيل في مصر منصور
بس انا بتكلم علي جوده عربيه فشكلي كده هجيبها واتكل علي الله
اجمل واشيك عربية فى مصر فى السعر ده هى الايفو ...
أعلى فئة ب118900 فيها كل حاجة فى العربيات اللى ب160 ألف و طالع
مافيش عربية فيها مثبت سرعة + بلوتوث+ usb + مالتى فنكشن + ايرباج + abs+ebd + كاسيت محترم + جنوط سبور و غيره من الاوبشن فى الاوروبى أو اليابانى أقل من 158000
و لا أعتبر الاكسنت منافس لأن الاوبشن أقل هية مجرد سيارة واقعية عشان اعادة البيع
المنافس الوحيد الحقيقى هايكون الكيا ريو 2012 بس ده لو تقدرى تستنى لغاية بعد شهر 6 2012
أما حاليا فبأخذ الاوبشن فى الاعتبار بالنسبة للسعر يبقى الايفو لا ينافسها سيارة
+1111111111اقتباس:
المشاركة الأصلية كتبت بواسطة aalim
بالنسبة للتوكيل انا مشفتش مشاكل معاهم فى المرتين إلى روحتهم فى الصيانة الدورية واول مجبتها قبل مرخصها واحد ربنا يسمحه كسرى الفانوس الأمامى رحت جسر السويس إشتريته وركبته بره ومفيش مقارنة بينها وبين هويونداى ار بى انا إتفرجت على الإثنين قبل ماأشترى فرق الأوربى يكسب وممكن تلاحظ الفرق فى الخامات المستخدمة وجودتها مثال بسيط شوفى عربيى كورى بقاليها سنتين شكلها إيه دلوقت وقارنيها بأى عربية اوربى بقالها عشر سنين
الاوروبي يا جماعة احسن في كل دول العالم .. لكن هنا الموازين مقلوبة في الانتشار واعادة البيع والاعتمادية وقطع الغيار
وكل دول متفوق فيهم الكوري .. لو عايزة ركوبة بجد ومش شايلة هم المصاريف ولا الخسارة في البيع اكيد البرافو احسن .. لكن انا بتكلم في عربية حلوة وفي نفس الوقت منتشرة وقطع غيارها سهلة وفي كل حتة يبقى الكوري اكيد