عايزه اشتري فيات بونتو ايفو وقلقت

**Relsebahy** · 23-10-2011 10:53 PM

السلام عليكم

انا كنت حاجزه بونتو ايفو قبل ما ادخل علي نايل موتورز واقرا الشكاوي من الاعضاء
بس عايزه حد يكون مهاه العربيه ويقولي هي عامله ايه معاه علشان انا كان عندي حوار قبل كده مع شيفروليه افيو واكتشفت ان فيها عيب صناعه وطبعا تولدت عندي العقده وخايفه تحصل مشاكل مع الايفو

**tarabily** · 24-10-2011 12:14 AM

مفيش عربية صنعها إنسان بدون مشاكل يعنى لو دخلتى عل منتدى bmw هتلاقى شكاوى عجيبة
ده مش معناه إن العربية وحشة اما بالنسبة للإيفو ان معايا العربية بقالها 11 شهر والحمد لله مفيش منها مشاكل معايا ودى متنفعش تتقارن بعربية كورى زى افيو
العربية اخدى من احسن تصنيفات فى اوروبا ومبيعاتها جامده وبدأت تنتشر فى مصر وانا متوقع إنها هتنتشر لأن احسن عربية فى الفئة دى بس لو مكنوش غلوا سعرها كانت بقت فل توكلى على الله ومش هتندمى

**Ghamrawy** · 24-10-2011 02:12 AM

بلاش

**ahmadmidop** · 24-10-2011 02:58 AM

انا شايف الايفو مش وحشة بالعكس ..... وفي الاخر حاجة ترجعلك بس لاتقاااااارن بالافيو ..... لو تعرفي تزودي وتدخلى في الالماني اوكش ..... لاكن العربية انتشرت ومش وحشة ,,, ممكن في شوية مشاكل في التوكيل بس ده في كل التوكيلات

**Medo.Malek** · 24-10-2011 03:26 AM

( stay far away from ( om-atra !

**wael17** · 24-10-2011 12:58 PM

انا معايا العربية من 11 شهر و صدقني لحد النهاردة لما باركبها باحس اني راكب عربية جديدة و مستمتع بكل امكانياتها و مميزاتها
أنا عارف اني في شكاوي من أوماترا بس انا الحمد لله لحد دلوقتي ما اتعاملتش معاهم غير في الصيانات الدورية و بس و هما كويسين معايا (لحد دلوقتي)
و بالنسبة لو كان حد اشتكي من عيب صناعة ..ده شيء ممكن يحصل حتي في المرسيدس و البي ام..المسألة نسبة و تناسب....يعني كم واحد معاه عربية صناعة اوروبي اشتكي من عيب فيها في أول سنة و كم واحد معاه عربية كوري اشتكي منها في اول سنة؟

بس برده أحب أوضح ان من أهم اسباب اختياري للايفو هو سعرها...لان من سنة كان سعرها ارخص 10 الاف من دلوقتي

**wama1903** · 25-10-2011 03:19 AM

العربيه معايا من شهر 3 ....العربيه جميييله جدا جدا "التوكيل مش اوي" بس العربيه ممتازه

لو سعرها الجديد ماشي معاكي....توكلي على ربنا و هاتييها
و لو الفلوس معاكي تمام هاتي الباكج 2....هتخدي كذا حاجه زياده اهمها مثبت السرعه و الكار كيت وmemory player AUX & Flash

مانيوال او اوتو دي حاجه ترجعلك

لو عايزه زيادات ممكن تشوفي موضوعاتي هن العربيه
ومبرووك مقدما

**mody3on** · 25-10-2011 03:34 AM

العربية حلوة وما دام انتي حاباها سيبك من اي حاجة تانية
لكن لو لسه محتارة ممكن تجيبي الاكسنت rb او نيسان تيدا علشان منتشرين وشكلهم حلو وصيانتهم سهلة واعادة بيعهم حلوة

**Relsebahy** · 25-10-2011 10:09 AM

انا كنت بفكر في البيجو ٢٠٦ بلس بدالها
بس فكره التوكيل دي مش فارقه معايا علشان جربت اوحش توكيل في مصر منصور
بس انا بتكلم علي جوده عربيه فشكلي كده هجيبها واتكل علي الله