الموضوع: تجذير من سوق السيارات فى العشر

السلام عليكم ...
واحد زميلى باع سيارته فى سوق العاشر وبد قبض الثمن وهو مروح يركب فوجىء باثنين راكبين موتوسيكل خطفوا منه الشنطة وجرجروه بالموتوسيكل وهو ماسك الشنطة مش عايز يسيبها الى ان خارت قواه وسابها وده كله قدام الناس كلها المهم الشنطة فيها موبايله واوراقه والفلوس طبعا اتصل بنمرته رد عليه واحد وسخر منه فى التليفون وقال له هاتلاقى الشنطة فى المكان الفولانى وفعلا راح لقى الشنطة فيها متعلقاته بس طبعا من غير الفلوس الغريب انه راح قسم شرطة مدينة نصر وعمل محضر ورئيس المباحث جاب له صور مسجلين واتعرف عليهم والأعجب انهم جابوهم ولكنهم انكروا تماما واخلت النيابة سبيلهم لأن مافيش شهود على الواقعة طبعا ماحدش رضى يشهد اطلاقا فرجاء الاحتراس وربنا يستر وعلى فكرة انا ماعرفش ايه النصيحة ايلى ممكن اقولها غير ان احنا نحترس والباقى على الله .

شكرا جدااااااااااا علي النصيحة وربنا يسترها في الايام اللي احنا بنمر فيها دي

دي اخره القانون يامعلم فعلا محتاجين قانون الطوارئ

والله في النهايه الشرطه طلع عندها حق

............................................

انذار ووقف اسبوع لمخالفة القاعدة 12
يرجى مراجعة قواعد المنتدى
1:24pm 28/10/2011
م.ع.10

المشاركة الأصلية كتبت بواسطة wesam_salom

انا مش حاسس انى حرامى او بلطجى
ومش محتاج ضرب بالجزمه
طالما دى مشكلتك الشخصيه اتكلم عن نفسك بس
لو سمحت اتكلم عن نفسك بس ومتاخدناش بذنبك

اه والله انت جبت المفيد ، معرفش مال المصريين ، مستخسرين فى نفسهم الكرامه مثلا ولا ايه ، ما ايام المخسوف ايامه ، كان البلطجيه ماليين الشوارع ولا عمر البوليس عمل لهم اى شىء ، اخر سنوات فى ايام المخلوع ، كان كل الناس بتشتكى من البلطجه والنتشار السرقات ، وان البوليس بيبقى عارف الحرامي وميعملش اى شىء ، وان فيه امناء شرطه بيبقوا مقاسمين الحراميه دول
فجأه كل ده اختفى وبقت الثوره هى السبب ، مش السرقه بتاعتهم هى السبب
بصراحه يا اخونا اللى نفسه ينضرب بالجزمه يعمل موضوع واهو تبقى رابطة لمحبى الضرب بالجزم ، وكارهى محاربة الفساد ، وبلاش تتكلموا عن الشعب المصرى

المشاركة الأصلية كتبت بواسطة egypt_slave2000

اه والله انت جبت المفيد ، معرفش مال المصريين ، مستخسرين فى نفسهم الكرامه مثلا ولا ايه ، ما ايام المخسوف ايامه ، كان البلطجيه ماليين الشوارع ولا عمر البوليس عمل لهم اى شىء ، اخر سنوات فى ايام المخلوع ، كان كل الناس بتشتكى من البلطجه والنتشار السرقات ، وان البوليس بيبقى عارف الحرامي وميعملش اى شىء ، وان فيه امناء شرطه بيبقوا مقاسمين الحراميه دول
فجأه كل ده اختفى وبقت الثوره هى السبب ، مش السرقه بتاعتهم هى السبب
بصراحه يا اخونا اللى نفسه ينضرب بالجزمه يعمل موضوع واهو تبقى رابطة لمحبى الضرب بالجزم ، وكارهى محاربة الفساد ، وبلاش تتكلموا عن الشعب المصرى

يا استاذي الفاضل الحراميه طول عمرهم موجودين وهيفضلوا موجودين بس الفكره تحجيم الموضوع

انت قبل الثوره كان بينزل امين شرطه ملوش لازمه منطقه كامله (هوه اه كان ممكن متامدين شويه في الموضوع بس مش ب الصوره المبالغ فيها من قبل الاعلام) وكان الامين اللطيف ده يقدر يجيب بطلجيه منطقه كامله من بيوتهم محدش يقدر يقوله بم النهارده عشان تجيب متهم محتاج قوه شرطه ومعاهم قوه من الجيش شوفت انت مسخره اكتر من كده لا وايه كمان يضرب عليهم نار من شويه عيال مالهاش لازمه ومستحرمين فيهم الضرب في الاقسام


ومحدش يقدر يقول ان حال الداخليه كان سيء للدرجه وكان قمه الافتراء لا في انظمه كتير برا اعتى من هنا بكتيير هما اه الضباط في نسبه من الضباط واخدين في نفسهم قلم بس برضو
الوضع كان طبيعي انا عمري ما شوفت حد محترم اتشد ظلم في حاجه اناعن نفسي انا عمري ما اتحطيت في موقف سيء مع الحكومه سواء كمين مباحث مرور او قسم اخرهم بطاقتك رخصك اتفضل امشي مستحيل تبقى انت محترم ويقووم ملبسك قضيه ده اقسم بالله انا ضباط كتير كانت بتهزر معايا وعديت كتير من كماين بدون رخص بالضحط والكلمه الحلوه

وحاليا ضباط الشرطه الي بتفهم نفسهم في التكنولوجيا الي تخلي الشعب يعرف ان اكتريتهم مظلومين وهي ان تكون في كاميرات في الكماين والعربيات تسجل الي بيحصل وهيموتوا عشان الحوار ده يحصل

واتمنى منكم تحطوا مكانكم مكن الراجل الي فلوسه اتسرقت ده وحصل معاه الموقف ده