تجربة جديدة amd

السلام عليكم الاول


كنت عايز احدث في جهازي
عزمت النية ونزلت دورت علي بروسسور محترم واسعار
مش عايز اقول اني سمعت في بروسسورات الانتل اسعار خيالية
المهم
فكرت في بروسسور ال amd لاني كنت لسه مع واحد زميلنا في المنتدي كان بيجيب الجهاز وبجد استفدت منو جدااااااااااااا
جبت ال amd phenom 2 x2
ب 560 جنية وللعلم البروسسور ده الكاش بتاعو 7 ميجا
المهم جبتلو بوردة جيجا بايت 87
ب 360
ورامات 4 جيجا ddr3
ب 150 جنية

وكارت شاشة


power color radeon hd 5450 1 giga
ب 260


الجهاز شغال تمام بس وانا بدور عالنت لقيت ان في 2 كور زيادة ممكن يتفتحو مع الجهاز
مع العلم انا اصلا ضد مبدأ ال over load

المهم لقيت برنامج اسمو Easy Tune6

وبكل سهولة جدااااااااا فتحت ال 2 كور والجهاز طلب ريستارت

واصبح لدينا بروسسور 4 كور وويندوز 7 ادي للبروسسور 7.3 وكان قبل فتح ال2 كور كان 6.5

رضا من عند ربنا احنا هنفتري

المهم مطولش عليكم حسيت ببطء في الجهاز لاني كنت مركب باور سبلاي ابو 50 جنية التعبان

جبت باور سبلاي جديد تايجر 550 وات
والدنيا اشتغلت تمام

الموضوع ده تجربة شخصية ولو حد هيجرب يجرب علي مسئوليتة الشخصية
نقطة اخيرة

البروسسور يستحسن يكون black edition

ويكون بوكس مش يديك البروسسور لوحدو

يستحسن بردو يكون كارت الشاشة ati

لان ال amd + ati

بيعملو سبورت

مش معني كلامي ان الnvidia وحش لا كويس جدااا وهيشتغل

ملحوظة : البروسسور amd phenom2 x2 بيكون طالع من المصنع 2 كور فقط وليس 4 كور

وتم دمج كارت الشاشة البلت ان مع كارت الشاشة الخارجي والجهاز في الالعاب بقي احسن ولوحظ فرق

الموضوع تجربة شخصية ولو حد هيجرب يجرب علي مسئوليته
ولو في سوال انا تحت امركم

اولا الف مبروك على الجهاز الجميل
و احلى حاجة فى amd السعر مقابل الاداء
انا كنت جايب amd x6 1095 البلاك بجد حاجة رهيبة و مفيش حاجة بتقف قدامة
بس كان نفسى يوميها اجيب بوردة asus 890 او حتى giga 890 بس للاسف لفيت عليها البلد كلها ملقتش غير واحدة واغلى من تمانها ب 400 جنية علشان استغلال

الله يبارك فيك

الف مبروك الجهاز يا باشا
و نصيحه مني معلش هات باور سبلاي غير التايجر كمان
لان الباور سبلاي التجاري اللي زي التايجر او اي ماركه تعبانه اخري غير انه مابيديش ربع الوات اللي بيبقي مكتوب عليه
ممكن لا قدر الله يبوظلك المكونات الداخليه لجهازك عشان مافيهوش اي safety اساساً غير الباورات المحترمه اللي بتديك الوات الفعلي فعلاً و بيبقي فيها saftey ان لو لقدر الله الكهرباء جات عاليه او مش مظبوطه فهي اللي بتتحرق بس و مابتوصلش الضرر لاي من المكونات الداخليه
انصحك بباور Hec و هو نفس اسم Gamma 350 وات هيكون كافي جداً لمكونات جهازك و متهيألي آخر سعر شفته ليه كان ب150 جنيه باين
و ده ارخص انضف ماركه موجوده علي ما اعتقد

الف مبروك على الجهاز
طيب ممكن تقول ايه الالعاب الى اشتغلت عليه ؟

اقتباس:

---

المشاركة الأصلية كتبت بواسطة mohamed_mohsen

الف مبروك الجهاز يا باشا
و نصيحه مني معلش هات باور سبلاي غير التايجر كمان
لان الباور سبلاي التجاري اللي زي التايجر او اي ماركه تعبانه اخري غير انه مابيديش ربع الوات اللي بيبقي مكتوب عليه
ممكن لا قدر الله يبوظلك المكونات الداخليه لجهازك عشان مافيهوش اي safety اساساً غير الباورات المحترمه اللي بتديك الوات الفعلي فعلاً و بيبقي فيها saftey ان لو لقدر الله الكهرباء جات عاليه او مش مظبوطه فهي اللي بتتحرق بس و مابتوصلش الضرر لاي من المكونات الداخليه
انصحك بباور Hec و هو نفس اسم Gamma 350 وات هيكون كافي جداً لمكونات جهازك و متهيألي آخر سعر شفته ليه كان ب150 جنيه باين
و ده ارخص انضف ماركه موجوده علي ما اعتقد

---

بالنسبة للباور سبلاي هو انا واخدو من كيسة كبيرة اللي عاملة زي السرفر دي

هو كان متركب فيها وانا اخدتو ومش ملاحظ اي مشاكل منو
بس لو حد يجيب برنامج يقيس خارج الباور سبلاي ياااااريت

بالنسبة للالعاب
gta iv
pes 2011
Command & Conquer 4 Tiberian Twilight
mafia 2
r.u.s.e

ال amd جامد بس مش واخد حقه فى مصر

اقتباس:

---

المشاركة الأصلية كتبت بواسطة mrwho1982

بالنسبة للالعاب
gta iv
pes 2011
command & conquer 4 tiberian twilight
mafia 2
r.u.s.e

---

طيب والالعاب دى بتشتغل كويس ولا بتقطع وتهنج ؟

مفهمتش اي حاجه من كلامك ده بس عموما مبروك
وهات الالعاب دي على اي حاجه
انت واللي باللي بالك مش معبرني خالص
انا من ساعه ما جبت الجهاز بتاعي ملعبتش غير نيد فور سبيد
يرضي مين ده ؟
:(

الف مبروك
بالمناسبة انا بستخدم amd من2004 حتي الان ولما جبت لاب توب جبته برضه amd والحمد لله شغال تمام التمام
واخدت كورس برمجه وكانت الاجهزه كلها شغاله 4كور وانا جهازي 2 كور بس , وكنت بنفز البرنامج تقريبا فى نفس الزمن غير اني بشتغل بيه والحمد لله انسب اي مشاكل غير مشاكل الزيندوز الحقير

amd منافضل المعالجات حتي الان

الف مبروووووووك ,,
وواحد زهق من intel واسعارهم غالية على فااضى ,, انا سمعت ان amd افضل من تاحية سعر والاداء طيب اى فرق بينهم واى افضل بروسيسور فى amd ...

الـ amd طالع له سمعة من زماااااان انه بيسخن ومش مناسب للاجواء الحارة لكن للحق كل اللى اعرفهم واستعملوه بيشكروا فيه والدنيا تمام، يكفى سعره المناسب جدا مقارنة بمعالجات intel

اقتباس:

---

المشاركة الأصلية كتبت بواسطة mohamadfawzy

الـ amd طالع له سمعة من زماااااان انه بيسخن ومش مناسب للاجواء الحارة لكن للحق كل اللى اعرفهم واستعملوه بيشكروا فيه والدنيا تمام، يكفى سعره المناسب جدا مقارنة بمعالجات intel

---

Higher performance = more heat output

اقتباس:

---

المشاركة الأصلية كتبت بواسطة i_boy

مفهمتش اي حاجه من كلامك ده بس عموما مبروك
وهات الالعاب دي على اي حاجه
انت واللي باللي بالك مش معبرني خالص
انا من ساعه ما جبت الجهاز بتاعي ملعبتش غير نيد فور سبيد
يرضي مين ده ؟
:(

---

تعالى لى اظبطك وهات متسر هو معاك اخد منة الالغاب الجامدة دي
يأما نطب علية سوي ويعملنا كوبي

amd بروسيسور ممتاز
هو فعلا أول ما طلع زمان كان بيسخن مقارنة مع نفس البروسيسور من أنتل الصهيونية
بس مع الوقت هما عملوا تحديث جامد لمنتجاتهم

هو بيفكرني بالعربيات اللي سعرها حنين و نفس فئة العربيات اللي ثمنها غالي قوي .

مبروك عليك الجهاز بالكامل و ربنا يباركلك فيه

انا جبت amd X4 955 اللي هو يعادل اداء Intel core 2 Quad انا جبتوا من سنتين والحمد لله لحد دلوقتي اداء رائع في كل البرامج والالعاب , يكفي اني لحد دلوقتي مش محتاج اطور فيه حاجة , كمان انا ممكن اغير البروسسر واجيب X6 الجديد علي نفس البوردة عكس انتل اللي بتنزل بوردة لكل بروسسر :) !!

اقتباس:

---

المشاركة الأصلية كتبت بواسطة diablo1231

انا جبت amd x4 955 اللي هو يعادل اداء intel core 2 quad انا جبتوا من سنتين والحمد لله لحد دلوقتي اداء رائع في كل البرامج والالعاب , يكفي اني لحد دلوقتي مش محتاج اطور فيه حاجة , كمان انا ممكن اغير البروسسر واجيب x6 الجديد علي نفس البوردة عكس انتل اللي بتنزل بوردة لكل بروسسر :) !!

---

+1111111111111111111111111111


دي نقطة برضو استفزتني جدااااااااااااا من انتل

ربنا يديهم علي قد نيتهم
هههههههههههه

اقتباس:

---

المشاركة الأصلية كتبت بواسطة mahmos2000

Higher performance = more heat output

---

اسمحلي ...... كلام غير مظبوط
لان لكل تقنية طريقه فى الصناعه ,
ولو علي كلامك ف انتل كده محتاجه وراها مكيف !!!!

كان عند واحد صاحبي مروحة البروسيسور بتاعته اتحرقت وفضل شغال(amd) بيه حوالي شهرين لحد ماجاب مروحه تانيه ... والحمد لله بدون اعطال