السلام عليكم و رحمة الله و بركاته
هجرة أميركا فاتحة اليومين دول و التقديم فيها مجانى تماما, اتصور الصورة بالمواصفات اللى هما قايلين عليها بالظبط و قدم, و مين عارف, يمكن تضرب معاك و تكسب و تبقى لعبت معاك لعب عالى أوى و تخلص من قرف البلد دى.
بس اوعى تعمل زى كتير من المصريين مابيعملوا و يروح يجيب أى صورة قديمة عنده و يعدل فيها و يقولك, يعنى هو أنا هكسب صحيح, و يستخسر ال10 جنيه بتاع التصوير فى الاستوديو, بعد مابتتصور الصورة حسب مواصفات التقديم بالظبط و من الألإضل أنك أصلا تروح لاستوديو عارف المواصفات, بتخلى الراجل يديك الصورة على فلاشة و لا CD و تقدم بيها, الصورة بعد مابتتصور, الاستوديو بيحطهالك على الفلاشة أو الCD عالطول و من غير مايلعب فيها و لا يعدل فيها أى حاجة خالص و لا يلعب فى النمش اللى فى الوش و لا الحبوب و لا أى حاجة, و ربنا يوفقك.
اللينك أهوه و آآآآآآآآآآآآآخر معاد 5 نوفمبر:
https://www.dvlottery.state.gov/