الموضوع: فك الطارة والايرباج؟

انا متشكر جداً لرد حضرتك
بس هل المشكلة في ان النحاسة عليها تراب؟؟ مع العلم انها بتزمر باستمرار ومبتفصلش يعني انا فصلت الكتاوت بتاعت الكلاكس علشان الفضايح وعلشان ميتحرقش
ودي تاني مررة يعمل نفس الحركة
وبالنسبة للايرباج في اسطوانة (شريط الايرباج) بيتلف مش عارف كام درجة وحاجات غريبة كدة دا بيكون في وش الطارة ولا في ضهرها ومليش علاقة بيها؟

المشاركة الأصلية كتبت بواسطة ahmedbasto

متابع

لا متتابعش احسن
أنا لفيت على كهربائية كتير وكل شوية واحد يبعتني لواحد تاني وكلهم برقولي وقالولي دا ممكن يفتح في وشي واكتشفت (أو اتأكدت) ان مصر مفيهاش صنايعية كلهم فهلوية آخرهم يغيرو لمبة
طبعاً رحت التوكيل القديم لاني مش ناوي اروح دايموند تاني ودفعت الـ500 زي الـ........
ودخلت مع العربية قلت اشوف الاستاذ الدكتور هيعمل ايه بعد ما فضل يقولي اصل ده يا باشا لامؤاخذه عايز واحد فاهم اصلك بتتعامل مع قنبلة ومش اي حد يتعامل مع قنبلة
والاقيلك البرنس فك التارة من الجنب بالمفك النجمة واتحول لجاكي شان وابتدى يرزع بكل قوته لمدة نص دقيقة في القنبلة لدرجة ان دراع المساحات نزل وشغل المساحات ودراع النور شغل الاشارة وانا مذهول وندمت اني مرزعتوش على وشه
المهم بعدها نجح في انتزاع التارة كلها راح واخدها معاه جوه وقالي لا مؤاخذة الباقي سر المهنة وانا طبعاً بعد اللي شفته متأكد انها في ايد امينة

وبالمررة غيرت قواعد موتور ومسامير ميزان ولمبة في التابلوه
واستلمت العربية وطالع على الطريق الزراعي والاقيلك التارة راكبة معووجة !! واليوترن الجاي بعد 8 كيلو عند محطة شبرا بتاعت المترو ورجعتلهم تاني لنفس الصنايعي العجيب بس المرادي غمضت عيني وهو بيرزع في التارة وعدلها واكتشفت انهم كانو مديني العربية والكبوت مفتوح كمان وساعتها تأكدت للمررة التانية ان العربية كانت في ايد امينة وان اكيد قواعد الموتور راكبة 100% وندرت على نفسي لو البتاعه دي لاقدر الله علقت تاني هفكها بنفسي اصلها مش اختراع من كوكب تاني وثبت بالدليل العلمي انها مش قنبلة وربنا يستر..........

بص ياباشا بما انى شبه صنايعى بس الحمد لله عندى ضمير وده اللى خلانى اقولك اسرار الصنايعيه نفسهم شوف سر المهنه فين انا اقولك ؟ اقناع الزبون بصعوبة الشىء وتخويف الزبون اصلا ولخبطته حتى يلجأ للصنايعى دائما انما بكل بساطه هو عندما فك الطاره لم يكن امامه مفر من عدم تواجدك فبالتالى انت رأيته وهو يخلع الطاره وهذه هى الشغلانه كلها اصلا طيب خدها جوه عمل فيها ايه هههههههههههه صنفر النحاسه او ما شابه ذلك . الحراميه دول قصدى الصنايعيه دول علمونى الادب بجد لكن طبعا مش كلهم فى صنايعيه مححترمين جدا وعندهم ضمير وارجع واقولك ياريتك فكتها انت مثل الاخ الزميل ما شرحلك عموما خير . تحياتى للكل

مانا عارف انه سنفرها اصلاً لو كان مفيش ايرباج كنت فكيتها بنفسي وسنفرتها المشكلة كلها في الايرباج ازاي اتعامل معاه لما افك التارة لما الكهربائية اللي شغالين بقالهم عشرات السنين تخلو عن مبدأهم في الفتي وخافو يقربولها هفكها انا ازاي؟ أنا عارف ان في ناس في الحرفيين بتعملها بس مشوار الحرفيين دا تقيل على قلبي

وبعدين انا عرفت ان التوكيل في امريكا وفي الكويت والسعودية بيفكها بأغلى من كدة وده اللي انا مستغربله

افهم من كده ان وجود الايرباج فى السياره خطر ؟ قنبله ؟ تذكر انه فى حال تركيبه فى البدايه مثل فكه بالضبط وبعدين لما بيفتح فى الوجه بيكون حنين ليس قنبله والا ما كان ميزه لكن اللى انا عايز اوصله ايه ؟ اى شىء مهما كانت صعوبته لو مشينا وراه واحده واحده هنلاقيه سهل جدا وتذكر دائما ان من صنع اصعب الاشياء ايا كان طائره مثلا او مركبة فضاء فهو بنى ادم وافتكر نحن بنى ادمين بدون امكانيات اه لكن نفس عقل الصانع لا با افضل وعموما تعرف احنا كمصريين لو ربنا ادلنا امكانيات مش عايز اقولك لاصبحنا رقم 1 فى الدنيا بعد الله سبحانه وتعالى بس ياخساره الحلو مايكملش مين عارف يمكن كنا نفترى الحمد لله . صدعتك معايا اسف جدا لحضرتك تمنياتى بالتقدم المستمر.