مالفرق بين 128 معدلة والعادية ؟؟؟؟

بسم الله الرحمن الرحيم...

كنت عاوز اخد رأى الاعضاء فى ايهما افضل 128 المعدلة ام العادية لان انا ناوى اشترى وقدامى الاتنين...بصرف النظر عن حالة كل منهم....هل العادية ليها مميزات والمعدلة ليها مميزات ؟؟

ال 128 كلها واحد العاده والمعدل زى بعض فى حاجات كتير الا بعض الحاجات

زى التابلوه فى المعدل شكله افضل وبلاستيك مش فيبر والعدادات مختلفه
والفوانيس ورا وادام برضه شكلها افضل
المقصات وكابل الدبرياج يختلف من عاده لمعدل
بلى العجل يختلف من عاده لمعدل

المعدل من بعد اواخر التمانينات مفيهاش شراعه فى الازاز الامامى حته واحده و الموتور نزل 1300 النصر وفى الابارث 77 و 78 نزل 1290 غير كده كله 1100 الا لو صاحبها مغير الموتور

يعنى من الاخر خليك فى المعدل افضل لكن لو العاده اللى ادامك نضيفه وحالتها حلوه متسيبهاش وخدها لان الفرق فى حاجات صغيره مش اساسيات

الف شكر يا كبير على الرد.. هيا سعرها حلو وحالتها نضيفة وانا نويت اخلصها ان شاء الله

انا من رايى تاخد المعدل موديل عالى و كمان هتلاقيها انضف ملحقتش تتبهدل يعنى انا كان قدامى واحدة و الله موديل 97 بس مش عارف اتباعت ولا لسة و بتاعت واحدة جابتها ركنتها مش بتمشى بيها كتير كانت طالبة 22 بس انا معرفش السعر تحديدا بس الموديلات العالية كلها شادة بس خليك فالمعدل سيبك من القديم حتى لو شايفها حلوة من جوا هيكون الشاسيه بتاعها بيستوى ده اللى اقصدة اساسات العربية نفسها لسة بعافيتها
و ربنا يوفقك للى فيه الخير

اقتباس:

---

المشاركة الأصلية كتبت بواسطة zenger

انا من رايى تاخد المعدل موديل عالى و كمان هتلاقيها انضف ملحقتش تتبهدل يعنى انا كان قدامى واحدة و الله موديل 97 بس مش عارف اتباعت ولا لسة و بتاعت واحدة جابتها ركنتها مش بتمشى بيها كتير كانت طالبة 22 بس انا معرفش السعر تحديدا بس الموديلات العالية كلها شادة بس خليك فالمعدل سيبك من القديم حتى لو شايفها حلوة من جوا هيكون الشاسيه بتاعها بيستوى ده اللى اقصدة اساسات العربية نفسها لسة بعافيتها
و ربنا يوفقك للى فيه الخير

---

بس دى كده مش معدل دى كده نوفا واللى معاه النوفا بيتكلم فى 20 الف تقل او تزيد بسيط حسب الحاله

وعلى فكره فيه عربيات منها حتلاقيها راشه دواخل وفيها بارومه و ممكن الشاسيه مفتوح او الركبه بايشه

مش شرط عشان موديلات تسعينات تبقى نضيفه دى 128

الفكرة يا باشا انها اتجابت اتحطت فى جراج ممشيتش كتير و بعدين مش علشان 128 يعنى لا هى لا راشة ولا بتاع و 22 لو انا هاخدها كنت هنزلها شوية طبعا و بعدين 97 مش هتقولى 80 فى فرق 17 سنة شوف انت يعملوا ايه انا اهم حاجة كنت اقصدها ان الشاسية لسة بعافيتة بس لكن القديم نسبة كبيرة اوى منه مشيس و ملحم كمان

اقتباس:

---

المشاركة الأصلية كتبت بواسطة zenger

الفكرة يا باشا انها اتجابت اتحطت فى جراج ممشيتش كتير و بعدين مش علشان 128 يعنى لا هى لا راشة ولا بتاع و 22 لو انا هاخدها كنت هنزلها شوية طبعا و بعدين 97 مش هتقولى 80 فى فرق 17 سنة شوف انت يعملوا ايه انا اهم حاجة كنت اقصدها ان الشاسية لسة بعافيتة بس لكن القديم نسبة كبيرة اوى منه مشيس و ملحم كمان

---

اه حضرتك بتتكلم على العربيه اللى كانت ادامك انا بتكلم عامه عن العربيات التسعينات اصل فيه ناس كتير مخدوعين فيها وفاكرين ان التسعينات دى حاجه تانيه لكن ده الشاسيه بتاعها اسوأ من شاسيه الايطالى

وطبعا اكيد فيه فرق بين حاله التسعينات وحاله السبعينات بس فيه حالات كويسه فى السبعينات والتمانينات برضه

قصدى يعنى ان مش شرط العربيه موديل كام اوى المهم حالتها ايه وسعرها ايه مهو مدفعش 22 الف فى 128 يبقى حرام بصراحه لان فيه عربيات تانيه فى نفس رينج السعر موديلات تسعينات افضل او على الاقل اشترى ريجاتا حاله كويسه وفيها تكيف كمان ب 22 الف