الموضوع: صيانة النيو اكسنت برجاء الدخول ومساعدتي بالمعلومات

أعتقد ان سير الكاتينة جنزير وبردو أتأكد من الموضوع ده؟ ممكن كده ما تحتاجش لبلية كاتينة ويبقى الموضوع على قد فلتر البنزين والبوجيهات والفلاتر وسير التكييف والدينامو وتربيط العفشة وتغيير الزيت وبردو تنضيف البوابة والحساسات.

المشاركة الأصلية كتبت بواسطة osos_lion

السلام عليكم
ازيكم يا شباب حد لسا فكرني انا من الناس القديمه هنا
ازيكم كلكم يارب تكونو بخير
طبعا انا اخر صيانه عملتها في التوكيل ال15 الف
دلوقت العربيه داخله علي ال 60
فكنت عايز اعرف شوية حجات كده
انا هغير فلتر بنزين البنزين بقالو 40 الف اغيرو ولا لا
و فلتر الهوا هغيرو والبوجيهات
وهربط عفشه
وهغير سير كاتينه
هل بقا اغير باقي السيور معاه ولا لا الي هما سير الباور والدينامو والتكييف
هل بلية الكاتينه بتتغير علي دلوقت ولا بتتغير امتا
زيت الفتيس اغيرو ولا لسه برضو
اخيرا عايز اعرف نوع تيل كويس انا جربت الهاي تيك هو شغال بس انا عاوز حاجه احسن
اخيرا حد يعرف ورشه كويسه اغير فيها الكلام ده كلو تكون قريبه من مصر الجديده
معلش طولت عليكو لو في حاجه تانيه ناقصه المفروض اغيرها قولولي
برجاء إفادتي عشان انا ناوي اعمل الكلام ده قريب إن شاء الله

بص يا معلم
المفروض انك هتغير فلتر البنزين لانه المفروض انه بيتغير على ال 20 الف وتكلفته 175 جنيه الاصلى
وهتغير فلترالهواء ب 60 جنيه الاصلى وبوجيهات ب 45 جنيه وهتغير سير الكاتينه لانه مش جنزير زى الالنترا وسير الدينامو وسير التكيف وسير الباور ومجموعه السيور ديه الاصلى ب 255 جنيه وطبعا بقى تربيط عفشه وتنظيف الطنابير الخلفيه ورجلاش فرامل اليد - وبالنسبه لتيل فرامل حلو عليك وعلى الجولد الكورى هو احسن تيل جربته ولا بيصفر وبيقفش حلو وبصراحه انا عن نفسى بعتبره افضل من الاصلى لانى جربت الاصلى وكان بيصفر وجننى بس بيعييش اكتر من الجولد وطبعا هتجيب زيت فرامل عشان لما الراجل يركب التيل ويسحب هواء هينقص الزيت وتزوده
اما بقى تغير زيت الفتيس على حسب الكاتلوج انه المفروض يتغير على ال 40 الف ولكن اغلب الناس مش بتغيره الا على ال 100 الف او عند المشاكل وطبعا ده للمانيوال اما الاتومتايك معرفش بصراحه ومن الحاجات برده الى المفروض تعملها انك تنزل مياه الريداتير وتنظف دورة المياه فى بنزينه وبعدين تملىء مياه خضره جديده
نصيحة بقى منى ليك اهتم دائما بتغير فلتر الهواء وتنظيفه أول بأول لانه بيفوق العربيه جدا جدا وبيخلى الماتور صوته ناعم واستهلاك البنزين مظبوط يعنى انا عن نفسى بجيب فلتر هواء كورى هاى كوبى مش الاصلى ب 25 جنيه كل شهر عشان اخلى العربيه عالطول فايقه وناعمة وسحبها كويس

المشاركة الأصلية كتبت بواسطة ashraf_ibrahim

معلش بس هي النيو اكسنت دي 128 واللا ايه؟!
هوا ايه اللي هياخده الراجل لما يغير التيل؟!
التيل القديم بيتشال والجديد بيركب مباشرة وخلاص على كدة مفيش هوا ومفيش الكلام دا يا شباب !

يابرنس الهواء ده بيتاخد فى اليابانى والالمانى الحديث كمان عشان تشد الفرامل ودائما بيتعمل لما تكون الفرامل الخلفيه طنابير وليست ديسكات عشان يظبطت الرجلاش تمام
يعنى مثلا مقياس تأكل التيل انك تلاقى الزيت بيقل وده الى مكتوب فى الكاتالوج هل بقى لما هتركب التيل الجديد هتلاقى الزيت زاد لوحدة ؟؟؟

المشاركة الأصلية كتبت بواسطة osos_lion

شكرا لاهتمامك
طيب بالنسبه لبلية الكاتينه اغيرها ولا بتتغير امتا
بالنسبه للتيل انا اعرف ان الهاي تيك احسن من الجولد بس انا عاوز حاجه احسن منهم هما الاتنين اسمع ان الاسباني فيه انواع جامده
موضوع الزيت انا غيرت التيل قبل كده والزيت منقصش ولا حاجه
هما ازاي بينضفو دورة المياه مش تقريبا بينزلو القديمه ويحطو جديده
وبعدين هيا بتاخد ميه قد ايه واجيب نوع ايه
تعرف بقا حد كويس اغير عندو كل ده

بص انا ركبت هاى تيك وركبت الجولد والجولد عجبنى اكتر بالرغم ان الهاى تك اغلى اما الاسبانى فقالب عليه الدنيا للنيو اكسنت مش لاقى كل الى موجود للانسر والتيوتا مش لاقى للنيو اكسنت خالص لو لاقيته قولنا عشان نجيبه لانه فعلا انظف واحد
موضوع زيت الفرامل ده انا من النوع الى بحب الفرامل تبقى عاليه مشدوده من اول لمسه العربيه تقفش وللمعلومه الزيت بينقص فى الرجلاش الخلفى اكتر عشان بخلى الميكانيكى يسحب هواء وبخلى بدال الفرامل عالى ومن لمسه عليه بتكلبش
بالنسبه لبليه الكاتينه بصراحه معرفش بتتغير امتى وهل مع السير ولا لأ
موضوع مية الردياتير اعملها فى بنزينة موبيل وهات الميه بتاعتهم