الموضوع: العربية بتاكل زيت

[QUOTE=egy_3assy;3873891776]

المشاركة الأصلية كتبت بواسطة romieh

[gdwl]نصيحة، غير الزيت بنوع تانى (وليكن شل الاحمر أو الاصفر) علشان فعلا موبيل xhp زيت خفيف وبيتبخر بسرعة[/gdwl]

طيب الزيت دة احسن حاجة ممكن اعملها؟ .. وهو فعلن الموتور خفيف .. لو تعرف اية ممكن تكون التكلفة لو عملت عمرة والنتيجة .. ولا احسن اسقط موتور الاسكورت 1600 و سعرة تقريبا .. اسف للاطالة بس انا حاسس اني في وكسة و طبعا اتضحك عليا وخدت مقلب في عربية اغلي من تمنها و محتاجة مصاريف كتيير

لأ طبعا موضوع الزيت مش هو ده حل المشكلة. واضح ان اللي باعلك العربية كان حاطط زيت شنبر علشان يمنع الدخنة البيضاء علشان متشوفهاش وانت بتشتري. وبالنسبة لموضوع العمرة ، معروف ان قطع غيار الميكانيكا في الفورد غالية والعمرة هتصرف معاك جامد والنتائج مش مضمونة لأن بيحددها عوامل كتير (الخراط ، جودة قطع الغيار ، الميكانيكي ، التليين). في حالتك دي تسقيط موتور افضل. معنديش فكرة الحقيقة سعره عامل كام. انت مشتري العربية بكام ومين الميكانيكي اللي بتتعامل معاه؟

معلومة من تجربة شخصية
زيت الشنبر اخرة يقلل الدخنة من الفايز مش من الشكمان
انا شايف انك جديد في موضوع امتلاك عربية ( ده احساس معرفش مدى صحتة ) و منصحكش انك تتعلم تليين في فورد
و منصحكش انك تسقط موتور 1600 علشان انت بتقول ان العربية غالية و موضوع تغير المكنة بـ 1600 مش هاتقل تكلفتة عن 6000 و مش هاتلاقي النتيجة الي انت متخيلها
سقط موتور 1300 زي الي فيها من غير فتى
هايتقالك اصل المواتير الـ 1300 بتيجي من برة من غير انصاص و منضمنهاش
سيبك و هات موتور استيراد 1300 سي سي اسكورت
وقت الاختيار الموتور بيتحدد 50 % من حالتة على الارض و التاكد بعد الدوارة
طبعا مفيش صنيعي في مصر هايؤولك انه بيعرف حالة الموتور على الارض بس الحقيقة انه بيقدر يحدد ياخد الموتور ده ولا لا من و هو على الارض
و لو تحب احددلك يعمل ايه علشان يعرف الموتور تحت امرك

المشاركة الأصلية كتبت بواسطة ayabooy

معلومة من تجربة شخصية
زيت الشنبر اخرة يقلل الدخنة من الفايز مش من الشكمان
انا شايف انك جديد في موضوع امتلاك عربية ( ده احساس معرفش مدى صحتة ) و منصحكش انك تتعلم تليين في فورد
و منصحكش انك تسقط موتور 1600 علشان انت بتقول ان العربية غالية و موضوع تغير المكنة بـ 1600 مش هاتقل تكلفتة عن 6000 و مش هاتلاقي النتيجة الي انت متخيلها
سقط موتور 1300 زي الي فيها من غير فتى
هايتقالك اصل المواتير الـ 1300 بتيجي من برة من غير انصاص و منضمنهاش
سيبك و هات موتور استيراد 1300 سي سي اسكورت
وقت الاختيار الموتور بيتحدد 50 % من حالتة على الارض و التاكد بعد الدوارة
طبعا مفيش صنيعي في مصر هايؤولك انه بيعرف حالة الموتور على الارض بس الحقيقة انه بيقدر يحدد ياخد الموتور ده ولا لا من و هو على الارض
[gdwl]و لو تحب احددلك يعمل ايه علشان يعرف الموتور تحت امرك[/gdwl]

ياريت تحدد نعمل ايه علشان نعرف الموتور وهو على الأرض

المشاركة الأصلية كتبت بواسطة mido51eg

ياريت تحدد نعمل ايه علشان نعرف الموتور وهو على الأرض

تدفع كام??

ههههههههههههههههههههه. عينيا ليك ياعم جوزيف انت تؤمر.

ماشي يا ريس
بص اي موتور حالة اي كلام لازم تظهر فيه حاجتين
اولا معظم الاويلسيهات بتاعتة تبقى مرشحة زيت و طبعا هو اكيد كان شغال يبقي مع الزيت ده طبقة تراب مكونة طينة حلوة
و مع الركنة بتحجر شوية و تبقي وساخة ناشفة و ازالتها بالصوابع صعبة
و من هنا الشكل مع خبرة صنيعي بيحكم
الحاجة التاني ضغط الزيت الموتور الخفيف ضخ الزيت فيه من اسفل لاعلى بيكون ضعيف و ده عيب من هلالات الكرنك مش من الطلمبة بتاعت الزيت و ده بيخلى كمية الزيت الي طالعة لعمود التكيهات قليلة و ده بيسبب نقر في التكيهات ( طبعا ده يخص الفيستا و الكا و الاسكورت الـ 1300 )
فتقدر تفك غطاء التكيهات و ده سهل جدا على الارض و تشوف شواكيش العمود بفلر
و برده مع كتر تغير الزيت بتلاقي وساخة في غطاء التكيهات من جوة
طبعا لو مشيت ورا النقط ديه و انت بتشتري الموتور هاتبقي متاكد من حالتة بنسبة 60 % و الباقي 40% هو نسبة مخاطرة بعد ما تركبة تشوف فيه ايه

شكرا ياجوزيف ... معلومات قيمة والله. بس مش اللي بيبيع المواتير عارف الكلام ده وممكن ينضف الموتور من الطينة وينضف غطاء التاكيهات ويلبس الزبون ؟ يعني تفضل نسبة الـ 40% بتوع التجربة وانت وحظك ؟