يا جماعة العربية بتاكل زيت اوي .. حطيتلها زيت 3000 موبيل من 800 كيلو و ببص انهاردة لقيتها في النص .. واتجننت .. حد يعرف حلها اية ... او اية المشكلة وتتحل ازاي؟؟
عرض للطباعة
يا جماعة العربية بتاكل زيت اوي .. حطيتلها زيت 3000 موبيل من 800 كيلو و ببص انهاردة لقيتها في النص .. واتجننت .. حد يعرف حلها اية ... او اية المشكلة وتتحل ازاي؟؟
وعلي فكرة لما غيرت زيت المرة اللي فاتت اصلا اكتشفت فجاة ان مفيش زيت في العربية و لما وديتها غيرت فلتر و اتأكدت ان مفيش تسريب
خلي حد يدوس لك بنزين وانت واقف ورا العربية وشوف العادم اللي طالع من الشكمان لونه ايه. ومد صباعك في الشكمان شوف فيه ترسيب زيت في الشكمان من جوه ولا لأ. لو دخان العادم ابيض والشكمان مزيت من جوه يبقى الموتور بياكل زيت.
هو العادم ابيض بس مفيش ترسيب زيت .. يبقي اية ؟؟
يبقى الموتور خفيف. مين الميكانيكي اللي بتتعامل معاه؟ روح له وشوف هيقولك ايه.
لون العادم ابيض يبقي الموتور مفوت و الطبيعي انه ياكل زيت و سحبة يبقي ضعيف و العربية تموت لما تشغل التكييف و يبقي كانه مش شغال
نصيحة، غير الزيت بنوع تانى (وليكن شل الاحمر أو الاصفر) علشان فعلا موبيل xhp زيت خفيف وبيتبخر بسرعة
لو مع الزيت الجديد حصل برضه التآكل ده ، يبقى فعلا الموتور خفيف
هو فعلا الموتور خفيف .. بس اية الحلول الي ممكن تمشي كدة .. يعني اية اللي تقترحوه عليا ؟؟
[QUOTE=romieh;3873890583][gdwl]نصيحة، غير الزيت بنوع تانى (وليكن شل الاحمر أو الاصفر) علشان فعلا موبيل xhp زيت خفيف وبيتبخر بسرعة[/gdwl]
طيب الزيت دة احسن حاجة ممكن اعملها؟ .. وهو فعلن الموتور خفيف .. لو تعرف اية ممكن تكون التكلفة لو عملت عمرة والنتيجة .. ولا احسن اسقط موتور الاسكورت 1600 و سعرة تقريبا .. اسف للاطالة بس انا حاسس اني في وكسة و طبعا اتضحك عليا وخدت مقلب في عربية اغلي من تمنها و محتاجة مصاريف كتيير
[QUOTE=egy_3assy;3873891776]
لأ طبعا موضوع الزيت مش هو ده حل المشكلة. واضح ان اللي باعلك العربية كان حاطط زيت شنبر علشان يمنع الدخنة البيضاء علشان متشوفهاش وانت بتشتري. وبالنسبة لموضوع العمرة ، معروف ان قطع غيار الميكانيكا في الفورد غالية والعمرة هتصرف معاك جامد والنتائج مش مضمونة لأن بيحددها عوامل كتير (الخراط ، جودة قطع الغيار ، الميكانيكي ، التليين). في حالتك دي تسقيط موتور افضل. معنديش فكرة الحقيقة سعره عامل كام. انت مشتري العربية بكام ومين الميكانيكي اللي بتتعامل معاه؟
معلومة من تجربة شخصية
زيت الشنبر اخرة يقلل الدخنة من الفايز مش من الشكمان
انا شايف انك جديد في موضوع امتلاك عربية ( ده احساس معرفش مدى صحتة ) و منصحكش انك تتعلم تليين في فورد
و منصحكش انك تسقط موتور 1600 علشان انت بتقول ان العربية غالية و موضوع تغير المكنة بـ 1600 مش هاتقل تكلفتة عن 6000 و مش هاتلاقي النتيجة الي انت متخيلها
سقط موتور 1300 زي الي فيها من غير فتى
هايتقالك اصل المواتير الـ 1300 بتيجي من برة من غير انصاص و منضمنهاش
سيبك و هات موتور استيراد 1300 سي سي اسكورت
وقت الاختيار الموتور بيتحدد 50 % من حالتة على الارض و التاكد بعد الدوارة
طبعا مفيش صنيعي في مصر هايؤولك انه بيعرف حالة الموتور على الارض بس الحقيقة انه بيقدر يحدد ياخد الموتور ده ولا لا من و هو على الارض
و لو تحب احددلك يعمل ايه علشان يعرف الموتور تحت امرك
ههههههههههههههههههههه. عينيا ليك ياعم جوزيف انت تؤمر.
ماشي يا ريس
بص اي موتور حالة اي كلام لازم تظهر فيه حاجتين
اولا معظم الاويلسيهات بتاعتة تبقى مرشحة زيت و طبعا هو اكيد كان شغال يبقي مع الزيت ده طبقة تراب مكونة طينة حلوة
و مع الركنة بتحجر شوية و تبقي وساخة ناشفة و ازالتها بالصوابع صعبة
و من هنا الشكل مع خبرة صنيعي بيحكم
الحاجة التاني ضغط الزيت الموتور الخفيف ضخ الزيت فيه من اسفل لاعلى بيكون ضعيف و ده عيب من هلالات الكرنك مش من الطلمبة بتاعت الزيت و ده بيخلى كمية الزيت الي طالعة لعمود التكيهات قليلة و ده بيسبب نقر في التكيهات ( طبعا ده يخص الفيستا و الكا و الاسكورت الـ 1300 )
فتقدر تفك غطاء التكيهات و ده سهل جدا على الارض و تشوف شواكيش العمود بفلر
و برده مع كتر تغير الزيت بتلاقي وساخة في غطاء التكيهات من جوة
طبعا لو مشيت ورا النقط ديه و انت بتشتري الموتور هاتبقي متاكد من حالتة بنسبة 60 % و الباقي 40% هو نسبة مخاطرة بعد ما تركبة تشوف فيه ايه
[gdwl]و لو تحب احددلك يعمل ايه علشان يعرف الموتور تحت امرك[/gdwl]
انا فعلا جديد في الامتلاك دة .. و كانت شورة سودة .. علي فكرة انا صاحب محمود الحريري .. و الميكانيكي اللي بتعامل معاه أحمد رجب اللي جنب السنترال .. في جراج جسر السويس ... بس انا كدة عايز اعرف اية اللي ممكن اعملة عشان اعرف الموتور علي الارض حالتة اية ....
شكرا ياجوزيف ... معلومات قيمة والله. بس مش اللي بيبيع المواتير عارف الكلام ده وممكن ينضف الموتور من الطينة وينضف غطاء التاكيهات ويلبس الزبون ؟ يعني تفضل نسبة الـ 40% بتوع التجربة وانت وحظك ؟
[gdwl]انت بتتعامل مع احمد فرج مش رجب[/gdwl]
تمام هو كدة بالظبط .. طيب متشكرين جدا يا باشا علي المعلومات .. هنزل يوم الجمعة كدة و اشوف ممكن اعمل اية ... و ربنا يسهل ادعولي بقى يا رجالة
انا زودت زيت امبارح ومقفلتش كويس .. المهم لقيت بعد شوية العربية بترجرج و الدخان زاد و الار بي ام نزل لحد 500 و جنان و مفيش سحب تماما .. اخر العربية جابت 60 كم ... المهم رحت علي الميكانيكي اشوف اية الكارثة اللي حصلت اتاري الزيت وقع و اتدلدق .. و في بوجية باظ وهو اللي عمل كدة فغيرتة والعربية رجعت لحالتها و قالي بعد العيد بقي هنفتح الموتور و تقريبا كدة في بستم واحد هو اللي فية مشاكل .. لو كدة هغير طقم شنابر و اعمل نص عمرة .. ولو لاقدر الله الباقي خربان لازم طبعا اشتغل في الوتور كلة و كدة تبقي عمرة كاملة ... السؤال بقي لو جبت طقم الشنابر دة يعمل كام تقريبا و الطبيعي الميكانيكي مصنعيتة كام في القصة دي عشان انا بيضحك علية جدا في الحوارات دي .. لو غيرت شنابر والعربية اتظبطط انشاء الله يبقي لازم اطلع السخنة :] بس عايز اسئل على حاجة كمان .. المفروض اعمل تليين في حالة نص عمرة ؟؟ ولا لا؟
خد عندك ... ده رقم تليفون الصيرفي بتاع قطع غيار فورد في جسر السويس جنب مستشفى مصر الجديدة العسكري: 22406740 ، اتصل بيه واسأله. وفي حالة نص العمرة لازم تليين برضه.
اه انا عارف الصيرفي ... لسة جايب منو فانوس من اسبوعين .. طيب عندي سؤال بس سريع .. طقم الشنبر دة تقريبا بيتكلف مصنعية قد اية .. و احمد فرج موثوق في كفائتة في الكلام دة ولا في احسن ؟؟
معنديش فكرة مصنعية طقم الشنبر قد ايه لأنها بتختلف من صنايعي لصنايعي. وانا مش من انصار احمد فرج ، حاسس انه على قده اوي. ممكن تروح لسيد خليل (مركز الأخوة) اللي في ترعة الجبل ، ده مهندس وكان مدير الورشة في التوكيل ايام رجب. وبيتعامل مع العربية بالشوكة والسكينة ... هتنبسط من شغله جدا بس ممكن يكون غالي شوية .. يعني اغلى من اللي زيه. ده رقم تليفونه : 01003717717
روح ووريله العربية الأول علشان انا مش واثق في تشخيص احمد فرج اساسا
ملحوظة : احمد فرج كان بيشتغل عند سيد خليل
اخيرا ، جبت الفانوس من الصيرفي بكام؟
ماشي مع اني بلجأ لاحمد فرج عشان قريب مني بس هروح لخليل واشوف .. الفانوس خدتة ب 175 .. و قاللي المراية الجانبية ب 100
كل سنة وانتم طيبين و عيد سعيد علينا جميعا
انا لسة مغير موتور العربية الاسكورت 1300 من محل رحيمة فى بورسعيد ياسر 01009555599
موتور 1300 هاف انجيكشن (كاربيتير ) من غير الفتيس و من غير المارش 2500
شليت مجموعة التغذية ( المنافولد + الكاربرتير ) وحطيت مجموعة التغذية بتاعتى ( المنافولد القديم + الكاربيرتير القديم ) و ركبت طلمبة بنزين خارجية كورى 125 و لغيت راجع البنزين - مصنعية 300 + اسطوانة 125
و الحمد لله حاسس انه فى فرق فى العربية بس كان فى تسريب زيت من عند الطبة لحمته وجارى التجربة
ملحوظة : الخرطوم اللى خارج من فتحة تعبئة الزيت للعمة بيطلع هوا خفيف مش دخان ده عادى ولا فى مشكلة فى الشمبر
لا العادي انه يطلع هواء ساخن او ممكن تلاقي فيه دخنة بسيطة جدا مع التركيز الجامد جدا معاه
الله يطمنك يا صديقى و كل سنة وانت طيب