معايا صنى 2007 كاملة مانيوال ونفسى يبقى معايا اتوماتيك وبفكر فى المازدا نظرا لتقارب الاسعار ايه رايكم ياريت تساعدونى يا رجال النيسان المحترمين
معايا صنى 2007 كاملة مانيوال ونفسى يبقى معايا اتوماتيك وبفكر فى المازدا نظرا لتقارب الاسعار ايه رايكم ياريت تساعدونى يا رجال النيسان المحترمين
بص ياباشا المازدا سيارة جميلة بس عندى واحد زميلى بيصرخ من أسعار التوكيل والقرف الى بيحصل فى بسمعة فى التليفون ناقص يشتمو بعض بالاب والام من الى شيفة لدرجة أنة عندو مازدا فملة موديل 2000 وداها علشان يتعملها عفشة قدرو التكلفة ب11 الف وهو ثمن السيارة كام أصلا ففكر كويس قبل أتخاذ القرار
طبعا المازدا جميلة وركوبة تانية خالص
والصني حاجة وهي حاجة تانية خاااااااالص
اتاكد من ان حالتها وان حاجتها موجوده ومش هاتتعب فيها وتوكل علي الله .... انا بسمع فيها اشعار ماشاء الله
يا راجل ليه كده..... البلد دي احسن من غيرها
نصيحه اخ ليك بلاش مازدا ( ان ما كانتش اكتر من ممتازه حاتتعبك و تقرفك جدا )
لو نفسك في حاجه محترمه جدا و اوتوماتيك ما تفكر في التيدا و اديك تفضل مع اخواتك برضه .
الحاجه الوحيده اللي المازدا متميزه فيها عن التيدا هي الثبات غير كده التيد افضل بمراحل كتييييره .
و مش حاقعد اعدد في الممزيات اللي كل القسم عارفها لصالح التيدا .
تحياتي .
المازدا عربية ممتازة وغبور بقى وكيلها
لو ناوى توكل على الله
العربية تحفة فعلا وسواقتها جميلة وغير ثباتها لانها شاسيه وعفشة فوكاس
وكل الناس بتشكر فيها
يعيبها ان الصالون الخلفى برضه ضيق زى الصنى
التوكيل مقرف شوية
100 100
العفشه Multilink
100 100
متابع باهتمام ..
بص بقي هاقولك الخلاصه علشان ماتلفش كتير علشان كده كده هاتتعب من اللف
المازدا عربيه تحفه بكل المقاييس ثابته اوي ماشاء الله نعمه جدا سحبها ظريف في الاوتو و ده عن تجربه شخصيه و سوقتها كمان
عفشه جميله اوي بس معقده بعد الشئ في كل حاجه فيها ..... توكيل ماتعرفلوش حاجه و لا مين الكبير بتاعه
مافيش حاجه مابتتعملش في العربيه و اي حاجه فيها موجوده و اللي فاهم فيها كمان بعيد عن التوكيل موجود (عن تجربه)
بس ادفع بقي زيها زي اي عربيه محترمه بزياده
فيها حساسات و و لازملها جهازها و موجود بص مافيش حاجه للعربيه دي مش موجوده كله في الحرفيين و من الابره للصاروخ موجوده و اصلي و تايواني و استيراد
صالون بقي يامعلم صالون فخم و جلد و حركات
تابلوها شيك اوي و خصوصا بليل هاتتبسط يعني منه تكييف لاغبار عليه اكيد كنبه خلفيه الصني تتفوق عنها شويه مش هاقولك كتير لأ شويه
مش هاقدر اكلمك علي اخر فئه لانها مش اللي كانت مع صخبي اموا فتحت سقف و مادراك مافتحة السقف في اي عربيه :inlove::inlove::inlove:
اللي كانت مع صحبي اللي قبلها اللي هيا قبلها اول فئه اوتوماتيك .... هاتتبسط علي فكره و هاتتظبط في قطع الغيار مش رخيصه ولا صيانتها رخيصه
اي استفسار اسأل وانا تحت امرك
ماذدا تحفه
اعتقد ان سعر اعاده البيع مش هيبيقى كويس خالص لو ناوى تركبها شويه و تبيعها و كمان قطع الغيار زى ما الاخوه قالوا قبل كده غاليه
شكرا للرجالة كلها وربنا يقدم الى فيه الخير ويوفقنا لما يحبة ويرضية والى ناصيبنا فيه انشاء الله
المازدا 3 جامدة جدا
بس قطع غيارها اغلى من الصنى
فكرت نفس تفكيرك بالضبط و كنت حخلص في عربية من شهر بس ظروفي تغيرت مستني لو ربنا أراد علي نص السنة الجاية كده ربنا يدينا العمر أكون ظبط الفلوس عشان عندي أولويات تانية حاليا
صاحبي الأنتيم معاه مازدا 3 2008 أيرو بدون حساسات المطر و بدون مفتاح بصمة بسم الله ماشاء الله ربنا يباركله فيها عربية ركوب بجد فتيس و موتور و أداء و ستايل تقارن بالجيتا و السيفيك سبب سعرها الرخيص نسبيا هو أن سوقها تقيل الطلب عليها مش كتير
قطع غيارها متوفرة بمستويات من الأصلي للمضروب لكن في العربية دي بالذات لازم تحط الأصلي فقط
تيل الفرامل الأصلي بتاعها مثلا بحوالي 550 لـ 600 جنيه خد بالك أن فراملها ديسكات أمامي و خلفي
البربريز الأمامي بتاعها من سنة و نص تقريبا كان ب1500 أستثماري ( ربنا ما يحوجك ليه )
أهم حاجة في العربية دي أن موتورها سير كاتينة حديد ( زي النيسان ) يعني تمشي و متقلقش بتغير سير دينامو و تكييف بس و أنت عارف أن الياباني بوجه عام معمر و مش بتغيرله قطع غيار كتير
حاول تجيب أعلي فئة فيها حتلاقي فرقها مش كبير و حاول تركز علي موديل 2008 الفوج لايت المستطيل مش المدور لأن ده أخر موديل منها قبل الشكل ما يتغير
فيه مراكز صيانة ليها و فيه تجار قطع غيار أصلي ليها معروفين ياريت تدخل عند الأخوي في منتدي المازدا حتستفاد
الجوانب السلبية في العربية ( مش عيوب )
الكنبة الخلفية ضيقة نسبيا حتي عن الصني بس مساحة الأرجل معقولة
فتحة الباب الخلفي نسبيا اصغر من فتحة باب النيسان الخلفي
جسم العربية ( الصاج ) ضعيف شوية مش محمل زي الصني
أرتفاع العربية عن الأرض معقول بس أوطي من الصني شوية بسيطة
و انت بتشتري أكشف علي العربية كويس جدا جدا لأن لو العربية حالتها حلوة حتتبسط منها لكن لو حالتها سيئة أو اللي كان راكب مكنش بيعمل صيانات أو كده يبقي حتفتح معاك مصاريف
يعني مثلا الميكانيكي بتاعك يبص حتي علي الطنابير لأنها لو حتتغير عشان العربية مكنتش غيرت تيل فرامل يبقي حتخش معاك في أرقام عالية و هكذا
اوعي حتكون اكبر غلطة تعملها انا كانت عندي مازدا في البداية كنت مبسوط بس بعد كده كرهتها من اسعار قطع الغيار بتعتها الغالية بشكل جنوني
أنا رأيي بلاش أحسن سامع إن قطع غيار مازدا 3 غالية و ناقصة. و سعر اعاده البيع مش هيبيقى كويس.
الصني مضيقة حضرتك في إيه بظبط ؟ أهي كلها عربية و كولو ماشي و عربية حضرتك حديثة و قطع غيارها و سوقها الحمد لله تمام و لو على الشد و كدة ... هي فين الطرق إلي تستحمل الجري د كلو احنا هنا في بلد ربنا أعلم بظروفها... و لا سمح الله إلي بينزف هنا على الاسفلت بيموت أبل ما الاسعاف يوصلو عشان الطريق واقف. ربنا يعمل لحضرتك الصالح أخوك أحمد سامي
Mazda zoom zoom
رائعه
بس قطع غيارها أغلي من الصني
!!!!!!!!!!!!!!!!!!!!!! بقى وكيلها !!!!!!!!!!
غبور يا طارق باشا وكيل مازدا من التسعينات بس بعيد عنك مش فى دماغه مازدا لأنه عنده الفرخة اللى بتبيضله دهب - هيونداى - وربنا رزقه بناس بتشترى موديلات اتلغت من العالم كله على انها موديل السنة
ده راجل معدى عشان يبيع اكسنت + فيرنا + فيفا + فيرنا ستار + نيواكسنت + نيو نيو اكسنت + اكسنت rb فى نفس الوقت باسعار مختلفة :untitled 1:
هو بس بدأ يفكر فيها لما مبيعات مازدا الخليجى زادت فى مصر بفضل سونستا وفيرست كار بالمعادى اللى عملها مركز خدمة ومتوسط سعر العربية كان 120-125 الف فالاخ غبور يوم ما نزلها توكيل نزلها ب140-145 الف !!!!!!!!!!!
وبعد فترة عمل عليها اوكازيون زى بتاع هيونداى كده فى رمضان والاعياد نزلت ل130 الف وبرضه مفيش فايدة لأن العربية ما تستاهلش السعر ده والاهم من سعر الشراء هو سعر اعادة البيع وقطع الغيار ومراكز الصيانة والضمان الاصلى مش المنظر
مشكلة مازدا فى مصر توكيلها اللى هو غبور واللى لحق نفسه وسافر اليابان جرى يعمل اوردر بكام عربية اول ما سمع انهم عاوزين يسحبوا منه التوكيل
ومازدا من العربيات المحترمة جداااااااااااا كتقنية واعتمادية بس للاسف ما تنفعناش فى مصر للاسباب سالفة الذكر زيها زى سوبارو
Merci gdn ya egala m3lomaaaaaaaat geda gdn