سؤال هام للغاية

**moumen_hs** · 24-10-2011 11:52 AM

تحية لاعضاء المنتدى عندى سؤال هام جدا أنا كان عندى فى السيارة الدايو فى علبة الفيوزات فيوز طربة البنزين لما كنت بركن السيارة فى مكان بعيد بشيلة علشان السيارة مدرش أبد الا بعد تركيبة حفاظا عليها من السرقة ف هل فى النيسان فيوز زى كدة لة فى حد يعرف ياريت يقلنا مكانة فين بالظبط علشان أنا خلعت الفيوزات كلها واحد ورار واحد وبرضو السيارة بدور

**M.Nabeeh** · 24-10-2011 05:58 PM

ليه؟؟

**Abdm** · 24-10-2011 07:46 PM

على ما أعتقد النيسان ليها نظام أنذار أو عدم أدارة السيارة أتوماتيك عند السرقة من غير كل اللى أنت بتعملة دة

فى حاجة تانية بردة أحسن لو أنت عايز ممكن الكهربائى يعملك زرار مخفى فى مكان صعب الوصول ألية ودة زرار فصل الكهربا عند تركك للسيارة لما تفصلة الكهربا تفصل عن العربية ومش هتشتغل الا لما تشغلة وتوصلة تانى . وربنا يسترها معانا جميعا
والله الموفق والمستعان

**Youssef.Awad** · 26-10-2011 02:14 AM

وهل كل يوم هاتفضل تشيل وتحط فيه لحد اما يبوظ
على فكرة علبة الفيوزات تعمل 800ج
خلى بالك

**Powert** · 26-10-2011 09:44 AM

النيسان فيها نظام امان ضد السرقة وهو ان اي حد حاول يفتح الباب العربية هتشغل الانذار

ولو حاول يشغل الكونتاكت من غير مفتاحها الاصلي العربية هتفصل الماتور لفترة 14 ساعة

لو انت شلت فيوز فكده انت لاغيت الاذار والعربية كده هتبقى اسهل في السرقة وماتخافش محدش بيحب يسرق النيسان علشان العربية تقيلة في البيع فمش هيعرف يبعها تاني

وكمان ماتخافش العربية مش هتتسرق وهي مركونة العربية لو لاقدر الله اتسرقت هتكون ساعدتك قاعد فيها وطلع عليك حد في الطريق ( يثبتك)

وياخدها منك. D: