الموضوع: خروف العيد

كل سنة وانتوا طيبين ..

نصيحه
الحمد لله باضحي من اكتر من 10 سنوات
الخرفان خساره فيها الفلوس
سعر الضاني من 30 الي 32 جنيه الكيلو
لو هاتجيب خروف كويس مش اقل من 70 كيلو بحوالي يتعدي 2200 جنيه
صالفي اللحم بالعضم لا يتعدي من 25 الي 30 كيلو
اقسم الناتج علي 2 لان اللحم بالعضم يعني 15 كيلو لحم صافي
الراس ترمي
الكوارع تترمي
الكرشه والمنبار تترمي
من الاخر مفيش منه فايده مش اكتر من حاجه تفرح الاولاد يومين قبل العيد
الصح ايه
تشارك علي عجل بقر او جاموس
لو 5 افراد
وزن العجل متوسط 450 كيلو قايم
الجاموس سعره من 23 الي 24 جنيه قايم
البقر سعره من 27 الي 28 قايم
الجاموس يصفي 50% لحم صافي
البقر يصفي من54 الي 56 % لحم صافي
تلاقي نفسك دفعت تقريبا نفس المبلغ اللي هاتدفعه في الخروف
اخدت حوالي 30 كيلو لحم صافي بدون عضم
كرشه منبار
لحمه راس
كبده وكلاوي حوالي كيلو ونصف
تاخد رجل وتتعوض ان واحد من الخمسه ياخد العكوه
يعني في الاخر مستفيد ضعفين الخروف وبنفس المبلغ اللي ها تدفعه
وكل سنه وحضراتكم طيبين

+11111111111
بس عيب جااااموس عضم بتاعة تقيل وبيوزن جامد الا لو كان بتلو