كلامك والله مقنع جدا بس انا كنت مقتنع بيه من قيل ما تقوله
واى رساله تجيلى زى دى على الميل بمسحها على طول
واحب ازود الحته دى كمان الاخوه اللى بيبعتوا رسايل ويقولك بالله عليك لازم تبعتها ل98000 واحد ولو مبعتهاش ربنا هيحرقك وهينسف بيتكوا ويشرد عيالك ولو بعتها الحياه هتبقى زى الفل وهتسمع اخبار حلوه وهتجيلك فلوس وهتعيش احلى حياه (اكن كل ده عشان انا عملت فورورد للمسدج مش مهم)
والحته التانيه بتاعت الدكتور اللى اسمه احمد عبدالله الوحيد فى العالم اللى لقى علاج للسرطان مصرى لوحده من غير مركز ابحاث وطلاما انه لقى العلاج وبيستخدمه ازاى متبرعش بيه لمستشفى سرطان الاطفال طلاما هو عايش فى قصه ان ده كله عشان ربنا وعشان المصريين
طيب بلاش الحته دى امريكا واوروبا عموما ازاى مقدروش ياخدوا تركيبه الدوا اللى عم الدكتور اخترعها لوحده بدون اى مساعدات خالص خالص
ارجو من الشباب انهم يكبروا دماغهم ومش اى كلمه تتقال نلاقى الناس مصدقينها وكله تمام واسف يا جماعه لو كنت طولت عليكوا بس حقيقى الموضوع ده غايظنى جدا