الموضوع: رضيع ينطق الشهادتين..الاذان يسمع على القمر..إلى متى؟

بجد جزاك الله كل خير عن الموضوع ده عن نقله لنا وجزا الله صاحب البحث كل خير ويجعله في ميزان حسناتك وحسناته ان شاء الله ...............

لي تعليق يمكن يكون فيه اضافه مع انه اتقال ضمنياً في كلام الاخوه في الردود السابقه ........صحيح في حاجات من دي ممكن تكون واقع وليها اثر ممكن يكون جيد من باب الروحانيات يعني لكن مش عارف انا شخصياً بشوف 90% من الحاجات دي ناتجه من تخيل والتخيل بيكون بمرجعيه للشخص اقصد اقول ان زمان مثلاً من اكتر من 15 سنه كنت في السعوديه وفجأه الدنيا انقلبت وبقى الكوكاكولا يقولك مكتوبه مش عارف ازاي تقراها من الشمال لليمين تلاقي مش عارف ايه وكان فيه نوع احزيه اكرمكم الله مش فاكر نوعه لكن قيل وقتها ان مكتوب اسم الجلاله عليه عشان ندوس عليه ما عاذ الله وكتير طبعاً من الحاجات اللي حضرتك اسردتها في رسالتك الكريمه ..........هارجع تاني لنقطة المرجعيه الفكريه لكل واحد زمان كنت انا دائما ومازلت الحقيقه هوايه عندي ابص على النجوم والسحب وأتخيل لما كنت اجتمع انا واتنين مثلا ممكن اشوف انا السحاب دي شكلها مجسد بالنسبه ليا انا وجه مبتسم مثلاً وممكن اللي جنبي يكون جعان ولا حاجه يشوفه بطيخه :) انا شايف ان كتير من الاشكال دي ترجع للتخيل وبالتالي صعب على واحد بوذي الديانه مثلا او غير مؤمن اساساً يتخيل ان دي شجره ساجده او اي معنى آخر الله أعلم هايترجمها ايه هو ............

الحاجه التانيه هي ان للأسف الحاجات دي بتجعل من المسلمين اضحوكه وماده غنيه ودسمه جداً للجدل والسخريه ومنها حاجه من كام سنه البغبغاء اللي بيردد آيات من القرآن الكريم ........لا اعتراض ابداً ان ده شيء كويس والحمد لله لكن المبالغه في وصفه انه معجزه وخلافه ده اللي بيجيب الكلام الساخر لئن حقيقة البغبغاء وكتير من الطيور انك لو عودته على صوت معين هيردده تلقائي وكتير من الحاجات دي ........مع العلم ان فيه من الاعجاز العلمي البحت اللي بيحترم فعلاً وحتى الغرب نفسهم يؤمنوا به رغم انفهم لئن ليه مرجعيه علميه وابحاث ودلائل قاطعه ....عموما ربنا يهدي كل من شاغل نفسه بالحاجات دي لئن واضح انه بقى مجهود منظم ومتفق عليه من قبل ناس معينه الله اعلم بنياتهم طبعاً هل هو مصدق فعلاً ولا قاصد يسخر ويودي الناس الطريق ده لئن من أخطر الحاجات اللعب على وتر الروحانيات وربنا يوفقنا لما هو خير ونافع ان شاء الله

انا آسف يا جماعة أنا ممتنع عن التعليع
عندى كلام مش هايعجب أخويا إللى عامل الموضوع
والله المستعان

{بنا يفتح عليييك و يجازيك خير عنا

بجد الموضوع دة لازم ننشره يا جماعة

لسه فى ناس بتصدق بالتخريف دة و تبعتلنا كلام من عينة الجزرة مكتوب عليها لفظ الجلالة

بجد فعلا الاعجاز فى القران نفسه مش فى جزرة و لا خياره !!!

حرام علينا بجد اننا نسقه الدين و نختصره بس فى حاجات حسية

احنا كدة بتقول للناس اللى معندهاش علم بدينا انه لازم يؤمن بينا عشان فى خياره مكتوب
يها لفظ الجلالة -الله- سبحانه و تعالى . طيب ليه يبني ايمانه و افكاره و اقتناعه على صورة من الفضاء متصورة للحرمين الشريفين و منورة! طيب لما هيكتشف ان دة فوتوشوب يبقي خلاص فقد مصداقيتنا لاننا رابطين ديننا و اسلامنا و ايماننا بخدعة على الفوتوشوب

انشرووها يا جمااااااااااااااااعة و انا كمااان هنشرهاااااااااااااااا

بدل ما عاملين نعدي على بعض ايميلات بكلام فارغ بمسحه من قبل ما اقراه نبعت حاجة واحدة مفييييييييييدة فى حياتناااا

خليهم يفوقوووو و يشوفوو ازاى بقينا مهزءة ناس ملحدة كفرة كل همهم فى الحياة تشويه صورتنا و عمالين بجد يخططو تخطييط ابليسي !!! انا مسغربة من التخطيييط الرهييييييييب والله ما مصدقة

انا عمالة اقرا ردودهم و اقول اعوذ بالله .. اعوذ بالله .. فى كدة؟؟؟

ربنا يهدي كل عاصى و ينور بصيرة كل غافل و برحمنا جميعا برحمته عشان احنا مقصرين اوى فى حق ديننا بجد

انا حزينة والله يا جماعة.. اختصرنا ديننا فى كلام فارغ .. اختصرنا الحجاب فى طرحة مع بادى و جينز و و صدقنا كلام فارغ و بننشره و بقينا مهزءة ناس


انتو عارفين ان انا اول مرة قريت فعلا الكلام دة قلت ايه الكلام العجيب دة و عملت Search على اسم المجلة و الجامعة بتاعة مستر معرفش مين و حاولت اشوف فين الكلام الفارغ دة . طبعا ملقتش حاجة!!!!!!!!

نفكر شوية يا جمااعة بجد نفكر شوية!!!!

طيب ايه رأيكم حد يبعت البحث الكامل الجاهز ده لبرنامج زي العاشره مساءً او القاهره اليوم
نظراً لان حتى الاخوان المسلمين طبعوا الحجات دي على النتايج بتاعتهم اللي هما بيوزعوها
وبقا الموضوع اضحوكه جامده جدا

المشاركة الأصلية كتبت بواسطة tutankhamoun

أنا قٍرأت بعض من مداخلات الجماعة العلمانيين
و هما صحيح باين عليهم شياطين ضد الإسلام
و لكن هم يتحدثون في أشياء صحيحة و يستغلون نقطة ضعف فكرية لدى قطاع كبير من المسلمين الذي أنغلبوا على أمرهم و يريدون ايجاد أي ملجأ لهم
و طبعا غياب التعليم وغيره لهو عامل مؤثر جدا

مظبوط ..انا دلوقتي بس بقيت مستني حد يقول صور كلام الجماعة دول هيه اللي متفبركة

انا آسف يا جماعة أنا ممتنع عن التعليع
عندى كلام مش هايعجب أخويا إللى عامل الموضوع
والله المستعان

لو مش هتشتم ..انا متقبل اي كلام ممكن يتقال