الموضوع: مرور مصر الجديدة والمخالفات راايح بكرة

المشاركة الأصلية كتبت بواسطة mohamed_selim

خد الدائرى فى اتجاه مدينة السلام (تعدى من تحته و تاخد المطلع يمين) و تنزل نفق السلام و تكمل حوالى 8 كيلو هتلاقى مدخل للمطار و بعديه على طول نزلة الماظه يمين ... تنزل النزله دى و تمشى شويه هتلاقى كوبرى الجيش تطلعه و تمشى شويه هتلاقى قدامك كوبرى بالعرض تخش يمين من جنبه (كأنك نازل من عليه) و تمشى شويه هتلاحظ بنزينة وطنيه على يمينك و فى موبيل على شمالك هتاخد يوترن (هتلاقيه بعيد حبتين ... ) و ترجع عند بنزينة موبيل و خش فيها ... المرور فى ضهرها ...

بعد ما تخلص تمشى كأنك طالع من البنزينه و طوالى و تطلع الكوبرى و طوالى شويه حلوين ... عند اول اشارة مرور تقابلك (دى بعد حوالى 8-10 كيلو و هتلاقى قبلها طيبه مول على الشمال و عندها جامع رابعه على الشمال برضه) تخش يمين و طزالى هتعدى على شريط مترو و بعديه هتلاقى نفق تنزله و هيلف بيك شمال و تطلع طوالى من النفق (فى طلعه شمال ملكش دعوه بيها) كده انت مسكت صلاح سالم هتفضل طوالى (خليك على اليمين دايما) هتعدى من تحت كوبرى الفنجرى و شويه هتلاقى مطلع كوبرى اكتوبر ملكش دعوه بيه و خليك على اليمين هتلاقى كوبرى صغير كده تطلعه و تكمل طوالى و خليك ماسك يمين برضه ... هتلاقى نفق انزله و اول ما تطلع منه هتخش شمال و هتلاقى مسجد الشرطه على الناصيه على يمينك ... الدراسه بعديه ب 200-300 متر

يانهار ابيض كل ده دا انا توهت وانا هنا امال لما اروح هااعمل ايه
اصل عمرى مارحت ولا مكان من دول ربنا يستر بقى مضطر
اذاكر بقى فى الوصفه لغايه يوم الاحد وربنا يستر واحفظها

الف شكر اخى العزيز

طيب سؤال تانى لو سمحت
وكيل النيابه كان قال ان ممكن اتظلم فى الدراسه
فياترى بدل مااروح النزهه الاول ثم الدراسه ممكن اروح على طول الدراسه واوفر وقت

المشاركة الأصلية كتبت بواسطة mohamed_selim

معرفش بس اظن عشان تتظلم لازم يبقى معاك ارقام القضايا و دى تاخدها من النزهه ... صح؟
بص انا على قد مقدرت وصفت بالتفصيل اسهل سكه ... ببساطه خليك على الدائرى لحد منزل الماظه و بعدين تطلع كوبرى و تخش يمين من جنب الكوبرى اللى بالعرض بعده ... تاخد اول يوترن (مفيش غيره البعيد قوى) و ترجع على بنزينة موبيل المرور فى ضهرها ...
فى الاتجاه و انت خارج من البنزينه تمشى طوالى و تطلع الكوبرى و طوالى كتير لحد اول اشارة مرور تلاقيها من عندها يمين و هتنزل النفق (هيلف بيك شمال) و تطلع طوالى و تمسك يمينك لحد ما تخش يمين عند جامع الشرطه ....
مفيش اسهل من كده الا انك تركن العربيه و تقضيها بتاكسى :)))))

الف شكر ياباشا انا عملت العقد النهارده ورايح بكره ان شاء الله المرور وربنا يسهل يارب