اليوم قمت بزيارة توكيل شيفورلية في العامرية
عشان صيانة 5000 حجزت قبليها بيوم بالتليفون وحددولي ميعاد الساعة 11 ورقمي كان 17
رحت حوالي 10.45 ووقفت في طابور كان قابلي عربيتين
مخدتش 10 دقايق وجالي مهندس شاب مؤدب اعتذرلي علي التاخير(( تاخير اية ))
شالني اذا كان في حاجة في العربية قلتلة الساعة مش شغالة بس والباقي تمام وقلتلة اني زودت زيت الفرامل مع ان مفيش تسريب قالي ممكن يكون واخد الزيت ناقص من المعرض و اخدني لغرفة الاستقبال
وقالولي ان المصنوعية مش حدفعها عشان دي اول مرة((حلوة دي)) لان التكلفة الكلية بالمصنوعية 407
واخدوا العربية وادوني بون بمشروب ربنا يكرمهم بس انا كنت رايح احلل صايم فمشربتش واديت البون لعامل البوفية .
ودخلت قعدت في الاستراحة كان نفسي ابقي موجود مع العربية واشوف حيعملو اية بس لقيت في الاستراحة شاشة جايبة الورشة من جوة باربع كاميرات بس تبقي راجل لو عرفت عربيتك فين.
قريت جرايد وعلي الساعة 12 طلعت شوية سالت المهندس علي اللي حيحصل جوة مع العربية قالي ان في صيانة5000 بيرفعوها ويربطوا عفشة ويشيكو علي السوائل وبيروشوا بالاسبراي الفرامل والموتور وبس كل دة المفروض المصنوعية فية198 بس زي مقلت اول مرة ببلاش ((يابلاش))
العربية خرجت 12.20 المهندس اخدني للحسابات ودفعت 175 مقابل الزيت والفلتر والرش وبعدين اخدوها غسلوها وبعدين نشفوها وخرجت بالسلامة من هناك ودي اول تجرب صيانة لية .
