الموضوع: التسقيفة فى ام 11 ياترى سببها ايه؟؟؟

مافيش للعربيه دى ضبط كهرباء مشكله العربيه دى ان تكنولجيا الموتور متوافقه من نوع بنزين خالى تماما من الرصاص 95ولكن ممكن طبعا تشتغل على بنزين 92 لكن للاسف غالبيه محطات البنزين بتغش فى البنزين نصيحه حاول تفضى التنك من البنزين واخل على محطه محترمه تكون واثق فيها وحط 92 وجرب انا هنا فى القاهره مش باحط بنزين وافول العربيه الا من محطه امارات مثلا او محطات وطنيه اللى تبع الجيش كده باتاكد ان البنزين مش مغشوش او مخلوط

حضرتك معاك حق فيما يخص البنزين وانا فعلا بحاول على اد ما اقدر احط من وطنية انضف بنزين عندنا هنا فى بنها وفعلا فيه لزقة على التانك مكتوب عليها اوكتان 93 بس انا ممكن افهم ليه ملهاش ضبط كهربا؟

شكرا للافادة

بص حضرتك العربية ديه الموتور بيسقف عشان بيبقي فرحان جدا من المناظر اللي بيشوفها والعربية ماشية :)

انا معتقدش ان الموضوع ليه علاقة بالبنزين وإلا كانت ال 516 بقي فيها نفس مشكلة التسقيف. مش هو هو نفس الموتور

المشاركة الأصلية كتبت بواسطة khaled_Saga

حضرتك معاك حق فيما يخص البنزين وانا فعلا بحاول على اد ما اقدر احط من وطنية انضف بنزين عندنا هنا فى بنها وفعلا فيه لزقة على التانك مكتوب عليها اوكتان 93 بس انا ممكن افهم ليه ملهاش ضبط كهربا؟

شكرا للافادة

مافيهاش ابلاتين وكندسور وبالتالى اسبراتير الكترونى بيظبط نفسه مع كمبيوتر العربيه يعنى مافيش حاجق تقدم او تأخر بيها الكهرباء

لحل المشكلة من وجهة نظري (مجربة) :

1-غير البوجيهات الي 3 شمعه.. ولو كانت 3 خليها 4 شمعه
2-امشي علي البنزين وفضيه تماما وفول بنزين جديد من بنزينه موثوق فيها 95 (ولو مره واحده)وحط معها اضافة البنزين...تنظيف وليس رفع اوكتان, وخلي بالك انه يكون خاص بالرشاشات وليس كاربيراتير
3-لمدة 3-4 مرات تفويل (او تموين عادي 20لتر) ماتنساش تحط معاهم اضافات تنظيف الرشاشات ... تشتريه من البنزينه (حوالي 26-35جنيه)
*ملحوظه هامة: بعد وضع الاضافات فى التنك , حاول تمشي علي البنزين حتي قرب انتهاء الببنزين .... يعني كبيرك تخلي فيها تقريبا 2-3 لتر فى التنك بس وتحرق الباقي كله , لان الاضافات بتترسب فى اخر التنك ودي توصيات من شركات الاضافات كلها

بالتوفيق

شكرا لكل الاخوة على المعلومات المفيدة

تحياتى لكم

يا جماعة انا النهاردة فعلا حطيت 18 لتر 95 من امارات مصر وحسيت بفرق كبير البنزين ده انضف بكتيييير من ال 92