الموضوع: مساعده فى استيراد بايك

المشاركة الأصلية كتبت بواسطة nity

اخوكم فى الله مستجد على موضوع الموتسكيلات ونفسى اركب حاجه كويسه وعندى واحد صحبى دبلوماسى من بلغاريا بيقولى ان الموتسكيلات هناك رخيصه جداااااااااااااااااا بس طبعا المستعمل منها
السؤال بقه هو انا ممكن استورد واحد من هناك ولو مينفعش ممكن هو يستورد واحد وبعد ما يرخصه يعملى بيه مبايعه وتقريبا الجمارك على الموتسيكلات بتبقه كاملو قلنا مثلا انها مكنة هوندا 600

بص يا باشا

أنا درست الموضوع ده كويس جدا جدا
علشان أنا بأسافر كتير و بأشوف موتوسيكلات بحالة جيدة جدا و برخص التراب و بالذات في أميركا
أما أنجلترا الأسعار هناك عالية جدا بس فيه طريقة أنك تسترد الضريبة أللي هي 17,5%

الخلاصة كالأتي:
أشتري من هنا أرخص و أضمن الا في حالة واحدة أنك حاتشتري حاجة حديثة جدا و غالية جدا
ليه بقي أنا وصلت لهذه النتيجة :
التاجر بيشتري من بره أرخص بكتير من الزباين و ساعات بيشتري بالجملة من تجار الخردة بتوع اليابان (السوق الرمادية) و بيوفر جامد جدا في الشحن لأنه بيشحن كونتينر كامل و بيحشر فيه أكبر عدد ممكن من الموتوسيكلات و بالتالي تكلفة الشحن لكل موتوسيكل علي حدة بتبقي أقل ما يمكن
و في الجمارك (و ما أدراك ما الجمارك) بيكون عنده شبكة من المعارف رهيبة و ساعات بيعملوا ورق مضروب ان الموتوسيكلات دي خردة (أسكراب) علشان يدفع جمرك أقل و ساعات بيجيب فاتورة من الخارج بقيمة أقل من الحقيقية (و يعتمدها من السفارة هناك) الخلاصة دي مافيا شنيعة عمرك ماتسلك في وسطهم أبدا

علشان تستورد موتوسيكل و تكون تكلفته أقل من هنا لازم تشحنه مثلا مع قطع غيار أستيراد أو أي حاجة شبه ذلك علشان توفر في الشحن

أقولك علي حاجة غريبة جدا:
لو جربت تدخل علي أيباي أمريكا و شوف أسعار الموتوسيكلات و سوف تكتشف أن أسعار المعارض هنا أرخص (ده بعد مصاريف الشحن و الجمارك و الربح و الأستغلال طبعا)

ده تجربتي البسيطة لذلك أنا أشتريت من هنا و بسعر جيد و الحمدلله
و أي خدمة يا باشا

متشكر جداااااااااا يا جماعه على الافادة وربنا يجازيكم خير