ساعدونى الاقى عربيه اودى a4 موديل 1998 او توليدو 2000

**mazdaprotege** · 25-10-2011 02:25 AM

اخوتى الاعزاء
مع كامل تقديرى لكم و للمجهود و المتابعه التى تبذلوها فى هذا المنتدى الراقى
انا عايز مساعدتكم فانا بادور على عربيه حلوه و شرط انها تكون حلوه من الموديلات الاتيه
1- اودى a4 موديل 1998 شرط الاوتوماتيك
2- سيات توليدو موديل 2000 2001 شرط الاوتوماتيك
3- كرايزلر نيون موديل 1998 1999 2000 شرط الاوتوماتيك
فارجو ذوى القلوب الرحيمه ان يساعدونى لانى تعبت من البحث عن سياره بيتى و بسعر مناسب لانى لاحظت ان الاسعار مبالغ فيها بشكل غير طبيعى
و كمان لو حد له ملحوظات عن تلك السيارات يا ريت يقولى افادكم الله
و لكم جزيل الشكر و الاحترام
خالد

**TOOLA** · 31-10-2011 01:14 PM

الأول: انتا حاطط رنج فلوس كام.
ثانيا: اعتقد يستحسن تبعد عن الكرايسلر, اسمع ان فيها مشاكل و متعبة فى قطع الغيار والله أعلم.
ثالثا: بدام بتبص على الأودى و التوليدو فانتا بتبص على بديل ارخص و لكن ليس أقل قيمة من الأوكتافيا 4 و البورا و الباسات, خصوصا قطع غيار كتير مشتركة و كلهم موتور وفتيس واحد و الباسات و الأودى يشتركوا كمان فى العفشة, و البورا و الأوكتافيا و التوليدو بردو بيشتركوا فى العفشة و زود عليهم ال الأودى 3 بردو.

**mazdaprotege** · 03-11-2011 12:01 AM

ممكن تعرفونى مستوى الاسعار لو عربيه توليدو موديل 2000 او 2001 بحالة ممتازه اوتوماتيك تتراوح من كام لكام و هل هى افضل و لا البورا من نفس الموديل لانى بصراحه حاسس انى تايه و مش قادر اعرف اسعارهم ايه
و جزاكم الله خير على النصيحه و الاهتمام
خالد

**TOOLA** · 03-11-2011 01:42 PM

بص سعر التوليدو مش هقدر أفيدك أوى لأن متغير ,بس أعتقد بيتكلم من 58 ل 65 ج.
الفروق بينها و بين البورا بسيطة, لكن البورا بيعها أسهل و سعر أعلى و قطع غيار خارجية متوفرة أكتر, و سعرها من 65 ل 75 على حسب الحالة و الموديل بس فى الغالب متدفعش فيها أكتر من 72 لو حالة جيدة جدا. و نصيحو لو معاك فلوس البورا خليك فيها أضمن من التوليدو.

**mazdaprotege** · 03-11-2011 11:19 PM

المشاركة الأصلية كتبت بواسطة toola

بص سعر التوليدو مش هقدر أفيدك أوى لأن متغير ,بس أعتقد بيتكلم من 58 ل 65 ج.
الفروق بينها و بين البورا بسيطة, لكن البورا بيعها أسهل و سعر أعلى و قطع غيار خارجية متوفرة أكتر, و سعرها من 65 ل 75 على حسب الحالة و الموديل بس فى الغالب متدفعش فيها أكتر من 72 لو حالة جيدة جدا. و نصيحو لو معاك فلوس البورا خليك فيها أضمن من التوليدو.

اخى الفاضل احمد
و الله اشكرك جدا على اهتمامك و ردك الوافى و فعلا بسؤالى عن التوليدو عرفت فعلا ان قطع الغيار سواء ميكانيكا او عفشه مشتركه مع البورا بس الاكسسوار الخارجى فهو قليل و يكاد يكون نادر جدا جدا و ان وجد فسعره مرتفع اكتر من البورا
بس للاسف راحت منى بورا موديل 2001 و كان صاحبها بيبيعها ب 50 الف و للاسف علبال ما صاحبى قاللى عليها كانت اتباعت يلا ماليش نصيب و ادينى مستنى نصيبى

**TOOLA** · 05-11-2011 11:57 AM

المشاركة الأصلية كتبت بواسطة mazdaprotege

اخى الفاضل احمد
و الله اشكرك جدا على اهتمامك و ردك الوافى و فعلا بسؤالى عن التوليدو عرفت فعلا ان قطع الغيار سواء ميكانيكا او عفشه مشتركه مع البورا بس الاكسسوار الخارجى فهو قليل و يكاد يكون نادر جدا جدا و ان وجد فسعره مرتفع اكتر من البورا
بس للاسف راحت منى بورا موديل 2001 و كان صاحبها بيبيعها ب 50 الف و للاسف علبال ما صاحبى قاللى عليها كانت اتباعت يلا ماليش نصيب و ادينى مستنى نصيبى

أخى الفاضل, لا شكر على واجب, و عسى أن تكرهوا شيئا فى ضياع البورا, بس عموما نصيحة متتجذبش للأسعار القليلة ديه فى الألمانى, لأن سعر ال 50 الف ده صعب يجيبلك حتى جولف 4 حالة 1400 سى سى حالة جيدة.

خالى بالك الألمانى عموما فى منع عربيات كتير بتعمل حوادث و تلحم نص أو نصين, و ينقلوا رقم الشاسيه و تتباع على انها سليمة و فى منهم كتير و عربيتى البورا السابقة (كنت عاملت حادثة توتال لوس) اتباعت حوادث و عرفت بعد كده انها لحمت نصين و خرجت عادى.
غير كمان لو العربية متهانة (عافشة و موتور و كهرباء) هتصرف عليها دم قلبك و هتكرهك فى الالمانى.
لابد ان تكشف عند اخصائى فولكس و أحسنهم عموما هانى سمير ورا حديقة بدر فى جسر السويس ,و رينج الأسعار زى مقولتلك من 65 (و غالبا مانيوال م 99 او 2000) و تصل ل 75 أوتو م 2001 أو 2002 (أقل تبتدى تشك و أكتر نفض طبعا و عموما 70 أو 71 تجبلك حالة جيدة أوتو و م 2001)