عرض للطباعة
بسم الله الرحمن الرحيم
انا نويت اشتري صيني ومعايا حوالي 6000 جنيه وعايز اجيب حاجة استايل الهارلي وقدامي دايون 7 وحلاوة معرفش اسمها بس نفس الشكل الحلاوة بسعر 6000 والدايون 5000 جديد الراجل قالي ان الدايون ارخص لان المستورد بيعرف يدخلها الجمرك علي انها قطع غيار عكس الحلاوة اللي بتدخل موتوسيكل كامل
الاستفسار هل اجيب الدايون واوفر 1000 جنيه وابقي اظيط بيهم المكنة ولا الحلاوة تستاهل لان جودتها اعلي
ارجو الرد من الخبراء وشكرا
ممكن تجيب هوندا ريبال 250 هى تقريبا عامله 7500 مستعمل وممكن تخلص فيها على 6 ودى احسنلك من الصينى وهى مكنه جميله جداااا وشبه الهارلى برده وبلعكس دى افضل من الصينى بكتير اووووى لانها هوندا يبانى وقطع غيرها متوفره جدااا
طيب حضرتك منغرفش متوفرة فين انا من اسكندرية وحالتها هتكون ايه بالظبط وشكرا علي ر حضرتك
ممكن تجيب فسبا ب 6000 جنيه تقريبا 150 سي سي اوتو
حضرتك انا مبحبش الفسبا خالص انا عايز موتوسيكل
بص يا باشا انا ركبت الصينى كتير وتقريبا ركبت كل انواع الصينى .. الفرق بين الحلاوه والداين العادى كلام اهبل .. هيقلك فى مبرد فوق المتور وعضم المكنه احسن والكلام دا كله
سيبك من الكلام دا كله اشترى دايون عادى بى 5000 وفى اسعار اقل من كدا كتير جديد على فكره انا مش بكلمك على المستعمل
اشترى الحاجة وحافظ عليها تغير زيت نضافه ورق دبرياج علشان بيتاكل بسرعه .. وعلى حسب الاستخدام برده ...لاكن الفرق بين الاتنين كلام اهبل
من الاخر لو لقيت موديل قديم يعنى دايون موديل 2008 او 2009 تبقى استاذ علشان دى كانت احسن موديلات نزلت من حيث عضم المكنه والماتور .. شكرا ياجميل :*
السلام عليكم
اولا الحلاوه تايجر ملهاش حللانها بتتجمع في بلدها
ثانيا بتنزل بكل اكسسواراتها
ثالثا بيليق عليه اي تعديل
رابعاخاماتها احسن بكتير من الدايون او غيره
خامسا في منها 200 سي سي لسه نازله خطيره جدا عامله5800
انا مش بتكلم كلام من فراغ انا عندي تايجر من سنه والحمد لله زي الفل وجاري جايب دابون معايا فعلا اداء مختلف من اول لحظه وبردو الصيانه عليها عامل كبير............تقبل مروري
يعني اتوكل علي الله واشتري الدايون جديدة علي 5000 جنيه وكان فيه واحدة استعمال دايون برده علي 3800 بس حالتها كويسة معرفش موديل كاماقتباس:
المشاركة الأصلية كتبت بواسطة ahmednabeeh
ومعني كلام حضرتك ان مفيش فرق كبير في الموتور والمكنة بس هل في فرق في الشكل او الحجم بين الاتنين لاني مدققتش فيهم علي الطبيعة
بص يا باشا عندك الدايون 4 والتايجر .. الاتنين ملهمشى حل
بس التايجر اغلى واكسسوارها غالى شويه
بس فى الماتور 90% من الصينى ال 150 كله واحد انا من رأى حرام تضيع فلوسك على الفاضى انت لو اشتريت دايون 4 هتعملها دلواتى 3900 وعلى حسب المكان الى انت فيه وهتشد المكنه اول لما تجبها بى 150 جنيه ويفضل معاك فلوس
والى تشوفه قلبها فى دماغك .. الاتنين دول الى اضمنهم فى الصينى الدايون 4 ولو لقيت منها الموديل القديم كان صاحب معرض راكنها ولا حاجة مبعهاش يبقى من حظك .. والتايجر جميله وتقيله بس عيبها اكسسوارها غالى حاجة بسيطه
بس معرفشى الان الاسعار رفعت اوى كدا.. انا فاكر ان الدايون 4 العادى عامله من 3500 الى 3900 بأختلاف المكان بس والى حلاوه عامله من 4500 الى 5000 بس معرفشى الاسعار رفعت اوى كدا ... الكلام دا كان من حوالى 5 شهور
ياباشا انتم فهمتوني غلط انا مش بتكلم علي الدايون 4 والحلاوة تايجر انا بتكلم علي الحلاوة كينج والدايون 7 والاسعار اللي كاتبها 5000 للدايون و6000 للحلاوة ايهما افضلاقتباس:
المشاركة الأصلية كتبت بواسطة ahmednabeeh
انا مع الراجل اللي بيقول هات هوندا ربيل احسن من الصيني انا كنت معايا صيني وفاهم اللي في لو معاك 6 كمل وهات ربيل احسن واشيك والراجل للي بيقول ان الحلاوة بيجي متجمع من بره دا غير صحيح علي الاطلاق كله بيجي قطع وبيتجمع هنا وبيكتب في المبايعة ان منتج مصري من مصانعنة وعادي الدليل علي زالك
ممكن ارشحلك هوجان 7 مكنه قويه و ضخمه
اولا انا بشكر كل الاعضاء المحترمين اللي ساعدوني في هذا المنتدي الرائع ولكتي خلاص هجيب وقدامي دايون 7 وحلاوة والفرق 1000 جنيه اقل لصالح الدايون اجيب اي واحدة فيهم هو ده الاستفسار بالنسبة للهوندا الريبل ممكن اكمل واجيبها بس الاقيها فين والهوجان 7 مفبش منه في مصر خالص غير مستعمل ياريت تحصروا المقارنة بين الدايون والحلاوةاقتباس:
المشاركة الأصلية كتبت بواسطة kingrace
الحلاوه كينج افضل
حضرتك انا عارف ان الحلاوة افضل بس هل الفرق يستاهل 1000 جنيه ولا لااقتباس:
المشاركة الأصلية كتبت بواسطة kingrace
الفرق اكيد يستاهل كفايه انها مافيهاش الرعشه اللي في باقي الصيني
شكرا علي مداخلة حضرتك بالنسبة للرعشة دي يعني ايه يعني الموتوسيكل مش ثابت ولا ايه وهل كل موديلات الحلاوة مفيهاش الرعشة دي ولا الموديل ده بس وعلي فكرة انا استخدامي اني هروح بيها الشغل وتجي بيها كل يوم بس يعني استخدام محدود فلو الدايون تقوم بالمهمة بكفاءة انا اولي ب 1000 جنيه فرقاقتباس:
المشاركة الأصلية كتبت بواسطة kemohabib
هات دايون ووفر فلوسك اى نوع يعجبك من الصينى يعنى لو لقيت دايون 4 او 10 او 14 او الى انت عاوز كله واحد فى الصينى وكله فىه الرعشه الى ورا ممكن من مكنه الى مكنه تانية تختلف بس كله فىه الرعشه دى
وكله صينى وكله 99فى الميه الماتور واحد وفر فلوسك بقدر االمكان
اهم حاجه الصيانه بتاعته بمعنى تغير زيت على طوول وتهتم بنظاته على طوول
وربنا معاك
بس لما تجيبة متجريش بيه خالص لحد ماتعرف فرامله عامله ازاى علشان الصينى يعتبر مفهوش فرامل ولو مسكت فرامل قدام يبقى عليه العوض
معلش سؤال لخبراء الموتوسيكلات ملوش دعوة بالموضوع. هل يوجد موتوسيكلات صيني تريلا (اللي هو موتوسيكل عالى ، برفرف عالي ووزنه خفيف)؟ ولو فيه منين ممكن أجيبه وسعره كام وموديلاته ايه الكويسة؟ وهو ترخيصه سهل؟ ورخصة السواقة بتاعت الموتوسيكل بتطلع ازاي؟ امتحان صعب ولا سهل؟ معلش أنا آسف على الأسئلة الكتير بس أنا لسه مستجد ومحتاج مشورة من خبراء الموتوسيكلات في المنتدى
ممكن اقولك اقتراح بسيط
ابعد عن الصينى وبلاويه
95 من الحوادث اللى باشوفها على الطريق كلها بسبب الصينى
انا عارف انه رخيص وهو الحل الاول اللى كل الناس هتفكر فيه عشان تبعد عن هم المواصلات بس بجد سلامتك اولا واتعب واتبهدلك شوية لحد متلاقى حاجة نضيفة
وهؤلك شوية امثال
المكنه الصينى بيتحطلها عداد وسرعة الماتور مايستحملهاش ولما الناس تجرى على العداد وتقفله لو فضل شوية ماشى على اخر العداد شحات الماتور يحصلة حاجة والمكنة راحت على كده
السرعة اللى بتجرى عليها لا تتناسب مع مع الموتوسيكل كفرامل او كعجل او حتى كجنزير سعات بيقطع ومبيستحملش
العجل نوعه ردييئ واى حاجة تزحلق وتوديك فى داهية
الوزن خفيف جدا لا يتناسب كليا او جزءيا مع السرعة الموضوع ليها الماتور فى بعض السرعات لاقيتها مكتوبة على مكن صينى 160 كيلو تصور انته فعلا لو جريت بالمكنة ديه على 160 لو شوية جامد هتلاقى الموتوسيل بيروح منك يمسن وشمال لو عربية عدت جنب على سرعة عالية انه هتطير انته والمتوسيل او هتلزق فى حاجة جنبك
الموتوسيكل ده بجد اختراع فاشل ومالوش اى مواصفات لاى حاجة تحس ان اللى عاملة غبى وبيستغل عشوائى عشان يبيع وخلاص
من رأيي ده مينفعش يكون عداده اكتر من 60 كيلو فى الساعة لان فوق كده لافرامل هتسعفك ولا ماتور هيستحمل ولاكاوتش هتساعدك على الطريق
ومتقنعنيش ان ممكن تجيبة وتمشى بيه على 60 عشان ده مستحيل
لو عايز حل فعلا خليك فى المواصلات وتجيبلك عجلة تساعدك فى المشاور الصغيرة وتستحمل لحد ما تقدر تجيب اى حاجة يابانى او اعمل جمعية واول ما تستلمها اشترى خاجة نضيفة واهى كأنها مشترى قسط ولا ايه
وربنا يكرمك ان شاء الله وتجيب حاجة محترمة
كلامك صح عن تجربة مع المكن الصينى اللى بيركب يابانى يعرف ان الصينى ده عجلة بموتور وانا بتكلم عن الانواع الشائعة مثل الدايون والهوجان والحلاوة انما موجود صينى نضيف وسعره بعدى 10 الاف جنيه واكتر للموتوسيكل ده مفيش عليه كلام تصنيع نضيفاقتباس:
المشاركة الأصلية كتبت بواسطة hero_xp10
اخي الحبيب عن تجربة دايون او حلاوة او ايا كان اغلب الموتوسيكلات الصيني شبة بعض
اللي هيخلي الموتوسيكل يعيش معاك باحلي اداء الحفاظ عليه وصيانتة بشكل شهري منتظم ايا كان نوعة
لسة جايب دايون استعمال بحالة فوق الممتازة علي 2500 جنيه (لاني حرمت اشتري جديد من كتر السرقات)
ربنا يباركلك فيه وحافظ عليه
حضرتك الدايون اللي جبته نوعه ايه دايون 7 ولا لا لاني لقيت دايون 7 جديد ب5000 جنيه واستعمال شهر ولسه معلقش نمر عامل 4000 جنيهاقتباس:
المشاركة الأصلية كتبت بواسطة tourism81
اقتباس:
المشاركة الأصلية كتبت بواسطة ozozfox
هو حضرتك 5او6 مش فاكر والله لانه عند الميكانيكي لحد الان مش عاوز اجيبة البيت لايتسرق زي اخواتة شكلة موديل ((مسطرة)) لان صاحبة كان جايبة اقساط علي 4شهور دفع المقدم وجالة فرصة عمل في الخارج اضطر يبيعة عشان يدفع ال4شهور للاقساط ويخلصة مرة واحدة اخدتة منه علي 2500 من غير نمر .
وانا جايب ده حاجة مؤقتة لاني ناوي بامر الله اجيب هوندا ريبال 250 او اعلي حاجات بسيطة
ودي وتقديري
إشتري راحة بالك وهات هوندا ريبل 250 ولو قادر تسافر في واحد في دمياط إسمه مسعد ملك الريبل في مصر وقطع غياره عنده من الألف إلى الياء وريح دماغك هات رقم تليفونه وكلمه قبل ما تروحله أو أكيد في ناس كتير في المنتدى من دمياط ممكن يستفسرولك منه ويفيدوك وعلى مصراوي هتلاقي كذا واحده للبيع وممكن تلاقي عند محمود السعدني في بور سعيد
شكرا
إبراهيم أسعد
شكرا علي رد حضرتكاقتباس:
المشاركة الأصلية كتبت بواسطة nour_safwan
اولا انا هشتري الموتوسيكل قسط يعني صعب اني اجيب ستعمل تاني حاجة انا من اسكندرية وصعب اني اروح دمياط وانا نفسي اركب هوندا بس سعرها كام لاني اخري 6000 جنيه
سعرها فى بورسعيد موديل 88 عملة 21 الف كيلو ب 11 الف معرفش اخبار الاسعار فى القاهرة ايهاقتباس:
المشاركة الأصلية كتبت بواسطة ozozfox
السلام عليكم
ياجماعة انا في حيرة شديدة انا لقيت الاتنين الفرق بينهم 800 جنيه الحلاوة كينج 2 والدايون 7 اجيب اي واحدة انا معايا واحد صاحبي معاه الهوجان 7 وعاجباني بس مبتنزلش خالص الدايون 7 شبها بس شكلها اصغر معرفش هي اصغرولا بيتهيالي والحلاوة شكلها ضخم بس الفروق اللي بينهم ان الحلاوة مفيهاش العداد اللي في التنك والامبير سرعته 160 وحاسس انها ضخمة والكاوتش اللي قدام اعرض واتنين شكمان اما الدايون الامبير 120 بس وبيتهيالي ان الكاوتش اللي قدام رفيع وشكمان واحد بس وحاسس ان حجمها اصغر هل فعلا هي اصغر ولا نفس الحجم معلش انا بتقل علي حضراتكم ولو حد تعرف نوع تاني بس استايل الهارلي ويكون كويس انا معايا لحد 6000 جنيه بس مش مستعمل وانا من اسكندرية وشكرا لحضراتكم
السلام عليكم
ياجماعة انا في حيرة شديدة انا لقيت الاتنين الفرق بينهم 800 جنيه الحلاوة كينج 2 والدايون 7 اجيب اي واحدة انا معايا واحد صاحبي معاه الهوجان 7 وعاجباني بس مبتنزلش خالص الدايون 7 شبها بس شكلها اصغر معرفش هي اصغرولا بيتهيالي والحلاوة شكلها ضخم بس الفروق اللي بينهم ان الحلاوة مفيهاش العداد اللي في التنك والامبير سرعته 160 وحاسس انها ضخمة والكاوتش اللي قدام اعرض واتنين شكمان اما الدايون الامبير 120 بس وبيتهيالي ان الكاوتش اللي قدام رفيع وشكمان واحد بس وحاسس ان حجمها اصغر هل فعلا هي اصغر ولا نفس الحجم معلش انا بتقل علي حضراتكم ولو حد تعرف نوع تاني بس استايل الهارلي ويكون كويس انا معايا لحد 6000 جنيه بس مش مستعمل وانا من اسكندرية وشكرا لحضراتكم
كلمنى على الرقم د\ا واناقولك كل حاجة0143092128__ 01200091425 عن الموتوسيكل ومميزاتة
عندى موتوسيكل 200 سى سى لسة جديد اقدر اريحك فى تمنولو انت عايز تشوفو ابقىارقعلك صرتو وهو كمان رخص الاسكندرية يعنى مش يتعبك فى تجديد الرخص ولسة فى سنة نفس البلد وعلشان كدا انا عرضتالموضوع ودا رقمى 01200091425___0143092128 ..._hamada_elctoronic@yahoo.com