بشرى لمن يعانى من مشكلة الكوندنسر

**dr_asaos** · 25-10-2011 04:50 AM

أعتقد ان فى أعضاء كتير كانوا بيتكلموا عن الكوندنسر اللى فى علبة شفافة انه محترم المهم أنا دخت عليه السبع لفات ومالقتهوش فى أى مكان بالصدفة رحت عندم محل أكرم حمدى فى شارع دمشق وهو للعلم أسعاره الى حد ما مرتفعة ولكن حاجاته قيمة...المهم كنت بجيب فلتر بنزين وبالصدفة الكهربائى كان معايا ونقر كوندنسر غير اللى كنت بجيبه أبو كرتونة الزبالة اللى بيضرب من قبل تركيبه...جابهولى الراجل لقيته بيقولى ده لسه جايلى وكان ناقص فعلا وان كل الماروتية بيشتكوا من الكوندنسر!!بضرب فيه عين لقيته الكوندنسر اللى فى العلبة الشفافة وطلع نوعه دنسوووووووووووووو ما صدقتش عنيا ولقيت فى رقم مكتوب ورا الكفر الكارتون هو هو نفس الرقم اللى موجود من الداخل والله أعلم أعتقد ان ده يدل انه مش مضروب!! أنا قلت أقولكم وربنا يسهل ويطلع هو الكوندنسر اللى يحققلنا المراد وللعلم فسعره 35 جنيه وجبت لنفسى اتنين تعمل ايه فى طمع الانسان!!!

**hamaza81** · 25-10-2011 11:01 AM

لو انت قريب من هناك وجاي مقابلة الجمعة هاتلي واحد وأحاسبك عليه
عشان المشوار بعيد عليا
وجزاك الله خيرا

**LORD.ADeL** · 25-10-2011 02:57 PM

دوك هوا جيه كيس كدة فى شحم؟ وكمان لو السلك بتاعه اسود ولا ايه ؟
ومبروك عليك الاتنين بس كنت جربه الاول واذا تمام كنت رحت اشتريت تانى ((:

**dr_asaos** · 25-10-2011 10:33 PM

دى صورته
By dr_asaos at 2011-10-25

By dr_asaos at 2011-10-25
أنا حقيقى مش هأقدر أحضر اللقاء بتاعكم ...والله كان نفسى أجى ونتكلم عشان أتعلم منكم أكتر ...أنا لسه مركبه ومن وقت للتانى هاقولكم على التجربة بالكوندنسر ده ان شاء الله..على فكرة أنا ممكن أجيبه لحضرتك ونتقابل وأديه لحضرتك فى أى وقت تقرب منى ان شاء الله

**hamaza81** · 25-10-2011 11:36 PM

المشاركة الأصلية كتبت بواسطة dr_asaos

أنا حقيقى مش هأقدر أحضر اللقاء بتاعكم ...والله كان نفسى أجى ونتكلم عشان أتعلم منكم أكتر ...أنا لسه مركبه ومن وقت للتانى هاقولكم على التجربة بالكوندنسر ده ان شاء الله..على فكرة أنا ممكن أجيبه لحضرتك ونتقابل وأديه لحضرتك فى أى وقت تقرب منى ان شاء الله

جزاك الله كل خير
هي قدرا كدة النهاردة كنت في مدينة نصر وكان معايا واحد صاحبي رايح روكسي ويعرف شارع دمشق
رحت نزلت هناك واشتريت الآتي:
2 كوندنسر زي اللي حضرتك جبته سعر الواحد 35 جنية(انا جايب واحد ليا وواحد تاني لأي حد محتاجة "لأعلى سعر")
1 أبلاتين نفس النوع نفس العلبة بالظبط وثمنه 40 جنية

وأنا كنت لسة هاصوره وأنزله بس الصورة اللي حضرتك منزلها أحسن (ماشاء الله لاقوة إلا بالله)

**dr_asaos** · 26-10-2011 12:36 AM

المشاركة الأصلية كتبت بواسطة hamaza81

جزاك الله كل خير
هي قدرا كدة النهاردة كنت في مدينة نصر وكان معايا واحد صاحبي رايح روكسي ويعرف شارع دمشق
رحت نزلت هناك واشتريت الآتي:
2 كوندنسر زي اللي حضرتك جبته سعر الواحد 35 جنية(انا جايب واحد ليا وواحد تاني لأي حد محتاجة "لأعلى سعر")
1 أبلاتين نفس النوع نفس العلبة بالظبط وثمنه 40 جنية

وأنا كنت لسة هاصوره وأنزله بس الصورة اللي حضرتك منزلها أحسن (ماشاء الله لاقوة إلا بالله)

كويس جدا جدا...بصراحة أنا مشفتش الأبلاتين..بس مش عارف هل الأبلاتين اللى احنا مركبينه أبو كرتونة ممكن يكون سبب فى مشكلة؟ شكلى هتشجع وأجيب الابلاتين الدنسو وأريح دماغى بس ما تخيلتش انه يبقى أغلى من الكوندنسر..بس عشان الموضوع يبقى من الأخر ويبقى الواحد عمل اللى عليه

**karimfahmy99** · 26-10-2011 05:56 AM

يا ريت لو اى حد نزل احمد حلمى عند ميدو مثلا يشوف اذا كان برضوا وصلة الابلاتين و الكوندسر الدنسو دا و لا لا او حد من فيصل يسال عن شركة الجيزة اللى ف المطبعة او سوزوكى سنتر ف التوفيقية و اللى يلاقى ياريت يبلغنا . لان طالما المستورد ورد لشارع دمشق فاكيد هيورد لكل محلات بيع قطع الغيار المعروفة . لان شارع دمشق دا مش مشوار دا سفر لما اكون جاى من اكتوبر بس احمد حلمى يعنى خير الامور الوسط

**hamaza81** · 26-10-2011 10:13 AM

المشاركة الأصلية كتبت بواسطة dr_asaos

كويس جدا جدا...بصراحة أنا مشفتش الأبلاتين..بس مش عارف هل الأبلاتين اللى احنا مركبينه أبو كرتونة ممكن يكون سبب فى مشكلة؟ شكلى هتشجع وأجيب الابلاتين الدنسو وأريح دماغى بس ما تخيلتش انه يبقى أغلى من الكوندنسر..بس عشان الموضوع يبقى من الأخر ويبقى الواحد عمل اللى عليه

الأبلاتين مالوش علاقة بالموضوع
أنا قبل كدة حصلت معايا تنتيشة جامدة والعربية بطلت وكنت على كوبري أكتوبر الحتة اللي بعد رمسيس
وكنت مركب الابلاتين والكوندنسر اللي بكرتونة دول (من الشركة اليابانية اللي في التوفيقية)
المهم ربنا رزقني بميكانيكي راح فتح وبص وقالي هاتلي أبلاتين
رحت جبته وركبناه برضه الدنيا زي ما هي
بنبص على الابلاتين الجديد لقيناه لدع (رغم إننا لسة مركبينه)
اتصلت بالميكانيكي بتاعي قالي خليه يغيرلك بس كوندنسر
قولت للراجل اللي واقف الكلام دا راح قالي طب انا هاتصرف
وراح حاطط مفك في الكوندنسر ولقيته بيدق عليه
قولتله بتعمل ايه يا باشا، قالي الكوندسر لما بيتدق عليه لو بايظ بيتصلح
رحت قفلت الكبوت وقولتله شكرا
وقطرت العربية لحد التوكيل (كنت ساعتها عملت صيانة الـ 10000 برة التوكيل ولما العربية عطلت رحت وديتهالهم وهم غيروا طقم الكهرباء واتظبطت)

المهم انا من كلام الخبراء هنا سبعاوي والدكتور حازم إن الابلاتين والكوندسر بيتغيروا على فترة أطول من الـ 10000 غير ما انا بعمل
فأنا قولت أجيب الغالي في الاثنين وأغيرهم على 20000 يعني كل سنة تقريبا وأبقى أغير بوجيهات كل 10000
هاتحسبها هتلاقي فرقها في الآخر كلام فاضي

**hamaza81** · 26-10-2011 10:40 AM

وآدي صورة الأبلاتين الدنسو

[sor2]http://imageshack.us/photo/my-images/41/25102011004.jpg/[/sor2]

http://imageshack.us/photo/my-images...102011004.jpg/