-
مشكله فى واجا 2009
السلام عليكم ورحمة الله وبركاته
صباح الفل يا أجدع شباب
تقريبا بقالى أسبوع عندى مشكله فى العربيه بحس ان الدواسات تقيله والعربيه سحبها قل عن العادى وبقى ماتورها خشن أوى حتى على المشى على سرعات بطيئه
وكنت متعود لما أشيل رجلى من على البنزين العربيه بتفضل ماشيه ومش بتقف دلوقتى بحس ان العربيه بتحشرج أو بمعنى تانى بتعانى علشان تكمل مشى ومابقيتش بالسلاسه اللى كانت عليها فى الأول
طبعا صوت الماتور عالى جدا عن الأول والسحب من 0 ل 60 تقيل عن العادى بشكل كبير
فكرت ان المشكله ممكن تكون فى الفلتر بتاع الهواء دخلت بنزينه وطنيه فكى الفلتر ونظفه وكان فعلا مليان تراب ونضفلى الماتور كله هواء بس المشكله زى ما هى لحد دلوقتى
مش عارف أعمل ايه ومش فاضى أروح التوكيل اليومين دول ولسه قدامى 2000 كم على صيانه ال 10000كم
فهل فى حل ممكن اعمله دلوقتى ولا لازم أطلع على التوكيل
أه ى كمان حاجه مهمه بقيت حاسس ان اى مطب بيرج العربيه ومفيش الراحه بتاعه الأول فى المطبات والصوت الهادى لكل أجزاء العربيه
ياريت تفيدونى يا شباب لحسن أخوكى متبهدل وصعبان عليا العربيه أوى
-
أظن كله هيتحل في الصيانة إن شاء الله
تغيير الزيت (وأظنه سبب علو صوت الموتور) مع تنظيف الفلاتر هيظبط الدنيا
موضوع الأصوات شكلها العفشة محتاجة تربيط وبرضه هتتعمل بإذن الله في الصيانة
ومتنساش تطمن على ضغط الإطارات...ولو نيتروجين هتريح بالك
31 قدام و 28 خلفي ولو خرطوم الكومبريسور عند الراجل طويل زود 1 (مش متأكد منها بس صنايعي في مركز خدمة قاللي كده)
-
شكرا على الرد والاهتمام يا أبو عائش
طيب أستنى معاد الصيانه ومفيش فى كده مشكله ولا أروح دلوقتى وأمرى الى الله وأخد أجازة يوم
-
غالبا من الزيت مثلا
المشكلة ان شاء الله تتحل مع الصيانة
وبالنسبة للعفشة فدي نفس المشكلة اللي عندي
-
طيب يا هندسه حل العفشه ده أيه وبرده هل فى مشكله انى اسيب العربيه كده لحد ما أروح التوكيل ولا لأ
-
ان شاء الله مش هيبقى في مشكلة
بس قيس الزيت وشوف اللزوجة بتاعته
وحاول تبقى صيانتك بدري شوية يعني حضرتك بتقول فاضل 2000 كيلو لو خلصت منها 1000 بس يبقى روح اعمل صيانة ال 10000 ونزل الزيت ده
وغالبا الدبدبة دي ممكن تكون من تربيط العفشة
لو مشكلة العفشة دي ظهرت علطول تاني يبقى نفس المشكلة اللي عندي لاقدر الله
وان شاء الله يطلع الموضوع بسيط ومتبقاش مشكلة
-
انا فكرت فى كده فعلا وممكن كمان ما أستناش الألف التانيه لو عصا وصفل هيبقى شغال فى اى يوم من أيام العيد هروحله بأمر الله
بس انا أمبارح كان فى سواق راكب معايا قالى المشكله دى كلها من البوجيهات لما تروح التوكيل غير طقم البوجيهات وان شا ءالله الموضوع هيتحل
مش عارف هل ده ليه علاقه ولا لأ ؟؟
Content Relevant URLs by
vBSEO 3.6.0 PL2