كنت بركن الأول فى جراج بس طلعت منه علشان فيه مطلع عالى حاد جدا جدا "وانت طالع من الجراج مش بتشوف الشارع "
عرض للطباعة
كنت بركن الأول فى جراج بس طلعت منه علشان فيه مطلع عالى حاد جدا جدا "وانت طالع من الجراج مش بتشوف الشارع "
الحمد لله.الحاله عندنا فى الاقاليم ارحم من كدة بكتييير.يعنى اعتلها جراااج بياخد فى الشهر 50 جنيه بالبقشيش.ومن حوالى سنه كانو 40.وانا عن نفسي مأجر مخزن ب40 جنيه فى الشهر بحط العربيه فيه وانزل بابه واقفل القفل.وسلااام يا معلم.ربنا يكون فى عونكم يا جماعه
انا بركن فى الجراج و مش مبسطومة منه عشان السايس مش بياخد باله من العربيات و عربيتي متخبططتش قد ما اتخبططت من الجراج دة!!!!
قمة الاهمال !!! :(
انا كمان بركن فى جراج عبارة عن قطعه ارض فضاء (مكان عمارة) جنبنا وبدفع 100 جنيه شامله غسيل مره كل اسبوع ومش بدى حاجة للسايس الا نادرا
وعربيتى مش بتتخبط الا فى الجراج وبس
المشكله انى بلاحظ اى خدش فى العربيه حتى لو مش باين حتى السايس بقى بيقلق منى اوى وبيحاول يبعد الناس اللى بتركن معايا عنى على قدر المستطاع
فى البلد(انا من دمياط) بركن تحت البيت عندنا وفى راس البر لينا جراج بتاع الفيلا
بركن في الشارع بس قدام العماره ولو متأخر بركن بعيد شويه بس مش في ملطش ,
و بدي للبواب 20ج لتلميع العربية .
الحارس ربنا
فى البيت بركن ببلاش علشان فى اماكن للعربيات.
فى الشغل بركن فى الشارع "تحت رعاية جراج" بـ 50 جنيه فى الشهر.
المشكلة كلها في الصيف و العيال في الاجازة بتلعب في الشوارع كورة و هبد و رزع
انا مرة نازل من البيت لقيت عيل صغير واقف بطولة علي كبوت العربية و بيتنطط (الله يمسيها بالخير 128)
والله انا عند البيت بركن فى الشارع وانا ساكن فى التجمع التالت وامام البيوت هناك فى بارك مقفول امام كل مربع سكنى فهى امنه نوعا ما اما عند الشغل فهى ديه المشكله فانا شغلى فى الدقى فاامن مكان ممكن اركن فيه عند البحوث امام فولفو ديه حتى مخصصه للركن لموظفى هيئة البحوث بس لو اتأخرت عن الساعه 7.45 احسن انى اروح العربيه ولا انى اركن فى اى شارع جانبى