كيا ريو طبعا ... عربية موديل 2012 ولا عربية موديل 2004 ؟
كيا ريو طبعا ... عربية موديل 2012 ولا عربية موديل 2004 ؟
بالظبط كدة .
عريبية طرحت لاول مرة في مصر في 2004 وكانت ياباني وقتها كاملة ...
و تقريبا لم يتغير فيها شيء من 2004 .. يعني في 7 سنين ممكن تكون نزل "جيلين" جداد من السيارات المنافسة و هي مازالت مصممة على البقاء , وكمان بقت تجميع مصري !
لحد دلوقتي انا مقولتش هي وحشة ولا حلوة .. بس هل من العدل انها تقارن مثلا مع سيارة موديل 2012 ؟ بلاش حتى الريو ..
لو حنقارن الصني باول فئة في السيراتو ... يكفيني شكلا حتى مش موضوعا :)
بلاش .. سعرها مناسب ؟ نسبيا اه .. بس خلي بالك برده انت بتسعر عربية موديل 2004 في عام 2011 !
--
في ناس مش فارق معاها موضوع التكنولجيا و المحركات و العفشة و التصميم و وسائل الامان (الصني في موديل فيها اعتقد في abs) وطبعا كماليات شبه معدومة بالنسبة لعام 2011.
انا شخصيا بيفرق معايا. و لو الكلام على انها رخيصة و قطع غيارها متوفرة و معمرة و كل الكلام ده .. يبقى من الاوقع بقى وفر فلوسك خالص .. و هات لانوس !! ماهي نفس الفكرة :)
سؤال بس
هي علشان العربية فضلت تنزل ورا بعض 10 سنين ومش بتكلم علي الصني ... عامة يعني
ده يعيبها في ايه ؟؟
وخاصة ان كل سنه ونسبة المبيعيات بتزيد كل سنه عن اللي قبليها
زي ما حضرتك بيهمك اكتر الكماليات والشكل .... ديه اذواق
انا يهمني الانتشار و التوكيل وسهولة الصيانة وانتشار قطع الغيار ... حتي لو العربية مفياش الا دريكسيون
سؤال بجد نفسي اساله عن السيراتو والالنترا والار بي والريو
ايه الكماليات اللي قصدك عليها ؟ ... بجد والله ..... يقولك الكوري كله كماليات زي ايه يعني ؟
انا اول مره افكر فيها لما قريت كلمتك
لو قصدك تكييف تاتش و مالتي فانكشن ... ديه مش كماليات ... ما هي موجوده في الصني بس تكييف بكر وريموت للكاسيت .... انا قصدي ايه الحاجة اللي بتفرق في الموديلات ديه ...
الف شكر وجزاك الله خيرا
ماهي ذي محضرتك قلت .. اذواق :)
انا بالنسبة لي الصني شكلها كلاسيكي و قديم جدا و من موديلات التسعينيات كمان ! ده شكلا ..
كماليات ووسائل زيادة ؟ عامة مش في موديل معين :
بدون ترتيب للاهمية :
- دركسيون متعدد الوظائف
- ABS/EBD
- Airbags
- جنوط 16 - 17 اصلي
-كاسيت اصلي بفتحة AUX و USB
- تكييف Climate Control
- تخكم الكتروني في زاوية اضائة اللكشاف الامامي
- فتحة سقف
- بلوتوث
- حساسات ركن اصلية مع شاشة توضيح في التابلوه
- فتيس اوتوماتيك 6 سرعات في بعض الموديلات
- تحكم كهربائي في وضع الكراسي في بعض الموديلات
ده غير طبعا المحركات الجديدة و التكنولوجيا المتقدمة بها من توفير بنزين وخلافه .. (مشكلة استهلاك البنزين في الصني مثلا) ...
دول شوية حاجات كدة موحودين في السيارات الصيني و الكوري ... مش حخش على الاوروبي :)
و زي ماقولت .. لو الموضوع قطع غيار رخصية و سعر رخيص .. يبقى الانوس بقى والشاهين ايام ماكانت موجودة تكسب :)
---------
ولو السيارة مش مشكلة انها تعد 10 - 15 سنة تتصنع امال هما بيعملوا موديل جديد ليه ؟ علشان يصلحوا اي عيوب ظهرت في الموديل السابق بالاضافة الى شكل عصري و امكانيات و تكنولجيا عصرية .
والا كان كلنا زمانا ماسكين موبايلات الي لسة فيها ANTENA :) و نغمات Polyphonic ولا ايه يا باشا ؟ :)
ياجماعة مين اللي rb ضيقة و فئة أقمن الصني
rb وسع معقول بس مش عارف زي الصني ولا أقل حد يكون ركب الأتنين يقولنا
الار بى فئة اقل من الصنى طبعا
زى ماقال sarawe511
المفروض فعلا انها فئه اقل من الصنى والصنى اكبر فى الطول الاجمالى
لكن تعالى شوف باقى الابعاد
العرض الاجمالى الاكسنت اعرض بنص سم والعرض بين العجلتين الاماميتين الاكسنت اعرض ب 1.5 سم وبين العجلتين الخلفيتين اعرض ب 4 سم
قاعدة العجلات فى صالح الاكسنت بفارق 3.5 سم
الارتفاع الاكسنت ب 1.5 سم
يعنى فى كذا حاجه فى صالح الاكسنت من حيث المساحه
والعربيتين نفس نظام التعليق وفتيس اوتوماتيك 4 سرعات والموتور فى صالح الاكسنت 124 حصان
الاكسنت محتاجه كاوتش عريض وتبقى تمام