السلام عليكم
رحت النهاردة اشتري زيت للعربية وكنت ناوي على كاسترول ايدج بعد الاعلانات والمشاركات و رأي اصدقائي الخليجيين فيه. واجلت تجربة فالفولين للمرة القادمة لحد ما اشوف اراء الناس اللي جربته.
المهم رحت واخد الدائري وطالع على بنزينة طاقة اللي هناك. بكام دا ياعم؟ ب275 طيب هاته وب270....قالي ماشي يابيه
لما روحت البيت بقا لاقيت الصدمة....الزيت مكتوب عليه 5w-40
ولاقيت في الكتالوج الموصى بيه هو 10w-40 وليس 5w-40..... دلوقتي ايه العمل :( ؟ وهل دا ينفع ولا اغيره احسن بحاجة تانية ؟
مواصفات الزيت الى انت جبته احسن من المواصفات المطلوبة فى الكتالوج توكل على الله واستعمل الزيت عادى
عادى جدا ومافيش اى مشاكل احنا داخلين على الشتاء برضو
5w-40 بستخدمه عادي في الفيرنا
شل مش حلو ..فيسكو 5000 و كاسترول افضل
عادي
مافيش مشكلة خالص دة احسن بس ياريت ماتقرصش على المحرك فى الاول
انا حاطه في عربيتي وهو كويس جدا
وسعره اصلا ب 270 جنيه هتلاقيه سعره كدة في قائمة الاسعار اللي في بنزينة طاقة
العامل كان عايز يعمل عليك مصلحة
وعامل بالزيت دا دلوقتي 14400 كم يا صديقي
وصدقا هو رائع جدا الحمد لله سواء في اللزوجة او معدل البخر
الله يطمئن قلوبكم دايما ان شاء الله جميعا زي ما طمنتموني...الف شكر ياجماعة.
وهغيره بكرة ان شاء الله والخيرة في ما اختاره الله.
بفكر فيه بحديه
مفيش مشكلة ان شاء الله
ده افضل
الموضوع بيتعلق بدرجات حرارة التشغيل في البرد
ملاحظة عالماشي بعد تركيب الزيت :
العربية بتاخد وقت أطول عشان تسخن....ولما اعمل 5 الالاف هعمل عنه تقرير ان شاء الله
انا برضه لاحظت كدا لما غيرت من 20w-50 ل5w40
مفيش مشكلة اطلاقا من استعمال الزيت ده هايبقى احسن كمان من الموصى بيه