الموضوع: نويت - ان شاء الله - اجيب شيفروليه لانوس زيرو

حاااااااااااااااااااسب ياعم الحاج البيع الحلال نقدي او تقسيط : هو انك تكون صاحب السلعة.........اما الربا هو انك تبيع مالا تملك والله اعلى واعلم يعني بالبلدي التقسيط المباشر من المعرض مالك السيارة حلال اما من البنوك فيكون حرااااااام الا في حالة امتلاك البنك للسيارة وده مش موجود في مصر لأن بنوك مصر بيبيع لك ويحسب فوايد ويضمن حقوقه وهو ما يملكش السلعة اصلا والله اعلى واعلم وده اللي فهمناه من المشايخ وياريت يا جماعة ماحدش يقول وجهة نظرة الشخصية في الموضوع ده عشان ماناخدش تاشيرة لجهنم يعني الفتي ممنوع وبرضه هاقول الله اعلى واعلم

المشاركة الأصلية كتبت بواسطة hf2m2002

حاااااااااااااااااااسب ياعم الحاج البيع الحلال نقدي او تقسيط : هو انك تكون صاحب السلعة.........اما الربا هو انك تبيع مالا تملك والله اعلى واعلم يعني بالبلدي التقسيط المباشر من المعرض مالك السيارة حلال اما من البنوك فيكون حرااااااام الا في حالة امتلاك البنك للسيارة وده مش موجود في مصر لأن بنوك مصر بيبيع لك ويحسب فوايد ويضمن حقوقه وهو ما يملكش السلعة اصلا والله اعلى واعلم وده اللي فهمناه من المشايخ وياريت يا جماعة ماحدش يقول وجهة نظرة الشخصية في الموضوع ده عشان ماناخدش تاشيرة لجهنم يعني الفتي ممنوع وبرضه هاقول الله اعلى واعلم

ما هي هي قرض السيارة..
الفرق كله انك بدل ما تقسط مع صاحب السيارة بتقسط مع البنك.. وصاحب السيارة أو التوكيل نفسه هو اللي وكل البنك ده انه يقسط بالنيابة عنه.. وضمان القرض هي السيارة نفسها يعني مش أملاك خارجية زي قروض المشروعات مثلا.

وعلي العموم اختلاف الآراء رحمة وطالما مافيش اتفاق علي رأي بعينه من حق المسلم انه يلجأ للرأي الصواب من وجهة نظره.

المشاركة الأصلية كتبت بواسطة alaafahmy

شكرا ياجماعه على النصائح الكريمه بس انا تقريبا مقتنع خلاص بيها لان اللوجان شكلها مش عاجبنى اوى عشان شنطتها العاليه وكمان قطع غيارها غاليه واهم عيب فيها هو سعر اعادة البيع
والفيرنا ناس كتير اشتكولى منها عشان خفيفه وكمان شكلها مش بيعجبنى
انتوا كلكوا اتكلمتوا عن اللانوس من ناحية التحديث والرفاهيه بس انا كنت بسالكوا عن اللانوس كعربيه كأداء وهل فيها عيب تقفيل او فى اى حاجه ؟ وكمان ايه اخبار التوكيل ؟

كأداء بتأدي الغرض.. مش حاقول عليها ركوبة بس أكيد برضه مش وحشة (مش لادا والا شاهين ولا 405 مثلا). الفرامل بتاعتها مش باللمس ومافيش abs فا حتاخد شوية عشان تتعود عليها لو نازل من ياباني أو أوروبي ومش حتاخد وقت أوي لو نازل من كوري قديم. كمان الباور بتاعها خفيف ودي ميزة. التكييف بتاعها حلو بس مزعج شوية لغاية ما يوصل للحرارة المطلوبة. حرارة العربية في التشغيل عالية شوية (قريبة من الألماني) بس ماتخافش من الموضوع ده هو ده العادي في اللانوس. التقفيل مش متواضع بس مش حاقول عليه عالي أوي خصوصا بعد ما شيلت مرة البربريز وشوفت التابلوه من ورا متقفل ازاي. ملحوظة كمان وانت بتركن حتلاقي الزجاج الخلفي صغير جدا كأنك باصص من شباك غواصة.. كمان البومبيه بيخليك مش شايف بعد العجل عن الرصيف في المرايات.. نصيحة أخوية: لما تجيبها شيل الطاسات كام يوم لغاية ما تتعود تركن بيها عشان الطاسات بارزة لبرة وحاتحك في الرصيف.
أخبار التوكيل: أنا باكشف عنده من فترة للتانية عشان أتأكد من الحساسات والكمبيوتر وخلافه.. غير كدة برة التوكيل حتي لو التوكيل طلعلي عيب عارف انه سهل يتعمل برة باعمله برة عشان التوكيل 1-مزبلة في التعامل خصوصا انهم بيعتبروا ملاك اللانوس أقل فئة عندهم بعد السبارك 2-مواعيد مش مظبوطة نهائيا 2-غاليين ع الفاضي ومصنعيتهم أي كلام بالنسبة للي معروفين برة.
كمان كتر اللانوس ساعد ان ميكانيكية كتير (وكهربائية) يفهمو فيها زي التوكيل.. دانا الكهربائي عندي عارف ازاي يعمل ايديال ليرن
أكيد طبعا انت طول فترة الضمان مع التوكيل.. ماتركبش أي حاجة برة عشان مايروحش عليك حاجة ف الضمان.. هاتلك جهاز انذار وولف و(لو عاوز) وحدات رفع بس وحدات الرفع مش حلوة أوي مع اللانوس.. وخلي التوكيل يركبهملك (بس اسأله الأول يمكن غير الأنواع اللي بيتعامل معاها في التركيب).. كمان ماعرفش هما نضفو السماعات ولا لأ فا لو لسة سماعات بهجت العقيمة هاتلك جوز بيونير بيضاوي وهات قواعد سماعات بلاستيك (عشان ماتحفرش ف العربية) وخليهم يركبوهم برضه.

أنا باتكلم كتيير صح؟ ناس فاضية بقي

المشاركة الأصلية كتبت بواسطة crayvor

كأداء بتأدي الغرض.. مش حاقول عليها ركوبة بس أكيد برضه مش وحشة (مش لادا والا شاهين ولا 405 مثلا). الفرامل بتاعتها مش باللمس ومافيش abs فا حتاخد شوية عشان تتعود عليها لو نازل من ياباني أو أوروبي ومش حتاخد وقت أوي لو نازل من كوري قديم. كمان الباور بتاعها خفيف ودي ميزة. التكييف بتاعها حلو بس مزعج شوية لغاية ما يوصل للحرارة المطلوبة. حرارة العربية في التشغيل عالية شوية (قريبة من الألماني) بس ماتخافش من الموضوع ده هو ده العادي في اللانوس. التقفيل مش متواضع بس مش حاقول عليه عالي أوي خصوصا بعد ما شيلت مرة البربريز وشوفت التابلوه من ورا متقفل ازاي. ملحوظة كمان وانت بتركن حتلاقي الزجاج الخلفي صغير جدا كأنك باصص من شباك غواصة.. كمان البومبيه بيخليك مش شايف بعد العجل عن الرصيف في المرايات.. نصيحة أخوية: لما تجيبها شيل الطاسات كام يوم لغاية ما تتعود تركن بيها عشان الطاسات بارزة لبرة وحاتحك في الرصيف.
أخبار التوكيل: أنا باكشف عنده من فترة للتانية عشان أتأكد من الحساسات والكمبيوتر وخلافه.. غير كدة برة التوكيل حتي لو التوكيل طلعلي عيب عارف انه سهل يتعمل برة باعمله برة عشان التوكيل 1-مزبلة في التعامل خصوصا انهم بيعتبروا ملاك اللانوس أقل فئة عندهم بعد السبارك 2-مواعيد مش مظبوطة نهائيا 2-غاليين ع الفاضي ومصنعيتهم أي كلام بالنسبة للي معروفين برة.
كمان كتر اللانوس ساعد ان ميكانيكية كتير (وكهربائية) يفهمو فيها زي التوكيل.. دانا الكهربائي عندي عارف ازاي يعمل ايديال ليرن
أكيد طبعا انت طول فترة الضمان مع التوكيل.. ماتركبش أي حاجة برة عشان مايروحش عليك حاجة ف الضمان.. هاتلك جهاز انذار وولف و(لو عاوز) وحدات رفع بس وحدات الرفع مش حلوة أوي مع اللانوس.. وخلي التوكيل يركبهملك (بس اسأله الأول يمكن غير الأنواع اللي بيتعامل معاها في التركيب).. كمان ماعرفش هما نضفو السماعات ولا لأ فا لو لسة سماعات بهجت العقيمة هاتلك جوز بيونير بيضاوي وهات قواعد سماعات بلاستيك (عشان ماتحفرش ف العربية) وخليهم يركبوهم برضه.

أنا باتكلم كتيير صح؟ ناس فاضية بقي :oc_sun1[1]:

المشاركة الأصلية كتبت بواسطة alaafahmy

بتتكلم كتير ايه بس ياباشا ده انتا كده افادك الله
انا مش هحس بالفرق اوى عن الجولف من ناحية الكماليات زى الـ ABS و التقفيل لانى كان معايا جولف 2 موديل 1988 يعنى مكنش عندى ABS ولا باور وكانت سخونية الموتور كلها طالعه عليا عادى يعنى متعود
بالنسبه لموضوع الزجاج الخلفى ده مش عارف بصراحه هجرب كده اركب عربية حد من صحابى واشوفه لكن الطاسات البومبيه انا بفكر اشيلها خالص واجنط العربيه .. ايه رايك ؟ هتفرق ؟
وشاكرين على اهتمامك وتعب صوابع سعادتك

أنا كان معايا جولف 1990 وعارف شعورك في أولها.. بس كانت ديتها باكو ركبت بيه باور و4 زجاج كهربا (غيرت حشو الأبواب كله من عربية مقطعة). والله حاتوحاشني كان معايا موتور 1800 باغلس بيه علي بي ام وحاجات كدة
المهم نرجع للموضوع.. أنا السخونية اللي باتكلم عليها مش طالعة عليك.. عزل التابلوه كويس للحرارة أنا باتكلم بس لما تشتري العربية عشان الناس كلها بتحسب ان العربية درجة حرارتها قريبة من ال90 يبقي فيها حاجة غلط. نسيت أقولك انك حاتحس بسخونية شوية في الحتة اللي فيها فرامل اليد (خصوصا لما تشد كتير) عشان علبة البيئة تحت المكان ده بالذات. بس يعني مش معني السخونية أوي انت بس حاتحس ان دراع الفرامل نفسها دافية شوية من تحت.

الجنوط: علي حسب... لو جنوط 13 يبقي:
1- هات جنط تقيل (وعريض) حاتحس ان العربية بقت أحسن في الثبات علي السرعات العالية.
2- غير الكاوتش بالمرة عشان الكاوتش اللي منصور بيحطه دايما أنواع مزبلة صيني يا مصري وحتلاقيه بيزحلق علي أي حبة تراب.
3- أهو بالمرة شكل أنضف.
لو جنط 14:
1- هات جنط خفيف شوية عشان مايتقلش ع العفشة وحتلاقي برضه العربية أحسن في الثبات بس العفشة حاتبقي أنشف.
2- حاتغير ف الطنابير ودا ممكن يطلعلك حاجات من الضمان الا لو التوكيل يعمل هو الموضوع ده.
3- حاتحس بفرق في الفرامل للأحسن
لو 15: مانصحش بيه لكذا سبب
1-العفشة حاتبقي ناشفة أوي زي العفشة السبور نتيجة لأنك حاتجيب كاوتش رفيع فا الحمل كله ع العفشة
2- لو عريض شوية حايحك ف الكفر بتاع الرفرف مع أي طوبة ولو مش عريض يبقي كان جنط 14 أنضف
3- أي مشاكل في العفشة الزوايا البيض الفرامل الجلب أو اي حاجة في المنطقة دي التوكيل حايقولك سوء استخدام عشان مركب جنط غلط.
4- قراية عداد السرعة حاتبقي مش مظبوطة

أحسن مقاس للجنط في اللانوس هو 195/60/14 أو 185/60/14 بس برضه اتأكد ان التوكيل هو اللي حايركبهالك وخليهم يدولك فاتورة عشان ماحدش يكلمك في موضوع الضمان بعد كدة.