الموضوع: أشتري أيه بالمبلغ ده

بص 305 لو نظيفة اوى جبها لو نظيفة نص نص اوعى تجيبها مقرفة جدا فى اعطالها و فيها عيبين كانوا عندى اولا بتسخن جامد حتى و لو على السريع و كانت بتعوم بس الصراحة كانت واسعة جدا من جوه

فى المستعمل أنا دايما بفضل الفيات, لأنها حتى لو حالتها وحشة ممكن تعيد بنائها بسعر معقول جدا و كل الميكانيكية بيفهموا فيها ده طبعا الى جانب انتشار قطع الغيار.
حاول تشوف 128 بالسعر ده اعتقد انها أفضل خيار فى السعر ده, لو ملقتش الجولف 1 كويسة.
لكن لو عايز حاجة للسفر أعتقد تشوف عربية أكبر شوية فى نفس السعر ده, و أعتقد مثلا انو البولونيز ممتازة هى سعرها قليل لأن الناس مش بتحب شكلها, بس عربية ناشفة جدا و قوية.
بس فى مجال الى معروض عليك, أعتقد انو البيجو 305 الأفضل. لو انت مش مهم عندك الجرى و الشكل, بس اسمها بيجو برضه.

hoko_mosha

جزاك الله خيرا على ردك بس عندي استفسار بالنسبة لموضوع السخونة هل موجودة في 305 عموما ولا اللي كانت عندك بس بمعني هل العيب ده منتشر ولا قليل وايه ظروفها معاك على الطريق كويسة ولا ممكن تعطل منك كتير وياريت تقولي إزاي أتأكد لأنها كويسه


فادى

أنا فعلا متشكر ليك جداً على ردك ومساعدتك . بس بصراحة حيرتني ومش عارف رأيك أيه وعلى العموم أنا مش مهتم بالجري وياريت لو عندك خبرة سابقة عن 305 تقولي

اظن الجولف لانها اعتماديه اكتر
و اظن قطع غيارها هتكون متوفره عن السمارا

يا باشا انت تأمر بس للعلم العربية متباعة بقالها اكتر من 7 سنين دلوقتى بس بص هو عيب السخونة كان عندى انا بس مكانش عندى انا بس ( كان برده في عربيات تانية فيها نفس العيب ) بالنسبة للطريق انا قولتلك انها لازم تبقى مشدودة جامد علشان لو عطلت منك هتبقى مشكله علشان مش كل الميكانيكية بيفهموا فيها و 90 % اذا اتعطلت منك هتبقى بسبب الكهرباء بتاعتها
علشان تتأكد انها مفيهاش عيب السخونة ده تبقى حريص انك تجربها وقت الظهر و فى يوم حر و لازم مؤشر الحرارة مايزدتش عن الثلث كده كان عندى انا بيعدى النص و كل شويه انزل افتح الكبوت شويه

المشاركة الأصلية كتبت بواسطة hoko_mosha

يا باشا انت تأمر بس للعلم العربية متباعة بقالها اكتر من 7 سنين دلوقتى بس بص هو عيب السخونة كان عندى انا بس مكانش عندى انا بس ( كان برده في عربيات تانية فيها نفس العيب ) بالنسبة للطريق انا قولتلك انها لازم تبقى مشدودة جامد علشان لو عطلت منك هتبقى مشكله علشان مش كل الميكانيكية بيفهموا فيها و 90 % اذا اتعطلت منك هتبقى بسبب الكهرباء بتاعتها
علشان تتأكد انها مفيهاش عيب السخونة ده تبقى حريص انك تجربها وقت الظهر و فى يوم حر و لازم مؤشر الحرارة مايزدتش عن الثلث كده كان عندى انا بيعدى النص و كل شويه انزل افتح الكبوت شويه

أنت اللي باشا وربنا يسلمك من كل سوء
طيب لو أنا ركبت لها مؤشر حرارة اتوماتيك يعني المروحة تشتغل أول ما العربية تسخن. برده العيب ده بيكون موجود

بص. بجد الفيااات 128 هى اللى تنفعك بالمبلغ ده.وخصوصا لو انت لسسه جديد فى السواقه.يعنى عربيه مريييحه من كله. وربنا يوفقك