ميكروباص كبير أتقلب في شارع بور سعيد من شوية
الحتة اللي هي بعد الشادر وانت رايح علي الوايلي
كنت داخل البنزينة ورجعت في كلامي عشان طلعت البنزينة فيها 80 وفيها زحمة فحتي مش هعرف أخش أجيب 92
وقفت وببص في المراية الشمال وعند اليوتيرن اللي بعد الشادر علي طول
لقيت ميكروباص ( باب الشعرية _ مسطرد ) اللي هو الكبير مش الصغير
تقريبا دخل في عربية من علي يمينه فبيلحق نفسه فجاب شمال جامد ... العربية أتقلبت ودخلت الناحية التانية من الطريق
العربية كانت مردومة بني أدمين !
والتباع شفته وهو بينط وطار في نص الطريق
وفي ناس أتفرمت .... !
انا مقدرتش أقرب أشوف في أيه ...
بس شكل في أصابات كتير وللأسف قتلي كتير
المنظر كان بشع
الله يرحمهم ويشفي المصابين
تقريبا الكلام ده الساعة 3:30