الموضوع: محتاجة رأيكم في موضوع

المشاركة الأصلية كتبت بواسطة syd

ازاي 50 جنيه في السيشن session ؟؟؟؟؟؟

يعني معني كدة ان الساعة بأقل من 20 جنيه لو افترضنا أن كل مرة من ساعتين ل3 ساعات

لا طبعا قليل جدا علي واحد تعرفوه من 20 سنة يعني اكيد بيسوق من اكتر من 25 سنة

حرااااااااااااااااااااااا ااااام

انا أسف جدا
بس انا لو مكانه وعندي خبرة في مجالي 20 سنة او اكتر يبقي اكيد ساعتي مش اقل من 50 جنيه علي اقل تقدير

يعني المفروض حضرتك تحاسبيه علي الأقل من 400 ل 500 علي الأربع مرات الي فاتو

والأجمالي مش اقل من 600 جنيه

دة حتي كفاية انه معرفة

لأن خلي بالك لو جيتي تديلو اقل من حقه مش هيرضي ياخدهم واحسنله يعتبرها جميلة لكن تشغيله وتعطليه وكمان ماتديلوش حقه وفي الأخر يتقال انه واخد فلوس ؟؟؟

بلاش تحرجيه وتحرجي نفسك

ادي الراجل حقه وبزيادة وتبقي انتي الي مجملاه

دة رأيي

والله المستعان
،
،

دة تقريبا بيسوق من 40 سنة كمان
وكان بيسوق تريلات وبيسافر بيها بين المحافظات وبيكسب فلوس كتير جدا
بس هيا النقطة انه ما علمنيش من الصفر
انا كنت باسوق زمان
بس كان ناقصني الجرأة

انا ساكنة في المقطم
ولما جبت العربية من مدة
سقت جوة المقطم بس وكنت خايفة اخرج بيها برة
هوا اخدني وخلاني سقت عالدائري وعالكورنيش ورحت شبرا والمعادي ومدينة نصر وطريق مص اسكندرية الزراعي
يعني وجوده معايا للتوجيه والتعويد على السواقة مسافات طويلة
وازالة الخوف والجرأة
زوجي كان معايا في بداية السواقة
بس للأسف زوجي كان بيتعصب عليا ويزعقلي كان بيوترني
اخدت والدي معايا بس هوة سنه كبير وعصبي وبردو وترني
عقدوني وافقدوني الامل اني ممكن اسوق
خاصة ان عربيتي زيرو وعليها اقساط
فخايفة على نفسي وعالعربية

قلت لا اشوف متخصص
خاصة انه هادي جدا في سواقته وفي تعليمه كمان
انا هازود شوية بس مش لدرجة الساعة ب 50 لأنه ما بدأش من الصفر
ممكن اقسم البلد نصين واخليها 30
وانا فاضل لي حوالي حصتين بالكتير واكون ان شاء الله تمام

المشاركة الأصلية كتبت بواسطة asemx1

انا مؤيد انك تقوليله خلاص لما نخلص نتكلم وبعد ما تخلصى تقوليله حسابك كام وكدا وتصرى وبعدين لما يقولك سعر شايفاه مناسب اديهوله لو قالك سعر عالى فاصلى معاه وشوفيه هيقول ايه

اولا مش هيقول انا عارفة
ثانيا حتى لوقال عمري ما هافاصله
لانها في وشي طبعا
ليا مكانتي ادامه في الشغل
ما ينفعش اقلل منها
واللي هيقول عليه (دة لو قال) هاديهوله