بخصوص الكاربون

**qwezo** · 25-10-2011 09:05 PM

انا ناوى انشاء اللة احط كربون على عربيتى البولو (لونها فرانى) و عندى حبة اسالة
هيكون شكلها كويس؟
نظمها اية فى اللجان؟و المخلفات غالية ولا مش اوى؟
انا من دمياط نزلت و اسلت فى 3محلات واحد قالى المتر ب 35 و واحد تانى ب80 و التالت ب100 و من سعتها حاسس انى اضربت فى خلاط مش عارف الفرق ؟

**masterzmind** · 25-10-2011 09:27 PM

بص يا باشا انا كنت عامل موضوع فى نفس الحوار دة بتاع الكربون انا هقول ليك الاراء الى شوفتها كلها
1- الكربون دة لما بتشال بيشيل اول طبقة من الدهان الى بيقولو عليها ورنيش وفى ناس بتقول
2- بيقولك الى بيشيل الدهان دة الصينى اما فى واحد المانى جامد جداا ومش بيشيل الدهان
3- فى ناس تقولك مش بيعمل حاجة

بصراحة انا مجربتش عشان اقول تجربتى مع الكربون بس دى الاراء الاعضاء ومستنى الافادة

**qwezo** · 25-10-2011 10:38 PM

ربنا يسهل و نلاقى حد يفدنا احنا الاتنين

**OZYDREAMS** · 26-10-2011 05:01 AM

باشا حبيبى والله انا من دمياط يا سيدى ولو عوزت اى حاجه انا تحت امرك وبخصوص الكاربون ده درجات وفعلا بيشيل البويه بس مش اول طبقة الفكره كلها من الشمس بتخلى العربيه لونين لو حبيت تشيله وبالتالى الناس بتقول انه بيأثر على البويه وبخصوص اللجان هم بيعلقوا عليه وممكن يقوللك شيله وبعد كده امشى ولو عاوز تعمله انا اعرف ناس ممكن تفيدك ولو عوزتنى ابعتلى رساله على الخاص وانا ابعتلك رقمى

**Seifmando** · 26-10-2011 09:37 AM

هو جميل جداً
بس للاسف ممنوع فى المرور لانه بيتعامل معاملة الملصقات
ولو فى لجنة هيبقى حاجة من الاتنين:
1- لو الظابط كويس هيقولك شيله دلوقتى وانت واقف وانا اديك الرخصة ويا دار مدخلك شر بس قلبك هيتقطع مع كل حتة بتتشال
2- لو الظابط تيييييييييت يبقى هياخد منك الرخصة ويديك الايصال وتدوخ انت على ما تجيبها ولازم العربية تدخل فحص الاول

على فكرة انا كنت عملت موضوع هنا انى عاوز احطه على العربية كلها مع انه نفس لون اعربية يعنى مفيش اي تغيير لملامح العربية بس للأسف طلع ممنوع

انا مش عارف المرور بيعاملونا كدا ليه وايه الضرر من الكربون او الملصقات بس واضح انها سبوبة
انت تعرف انك لو مركب عدة صوت وقفشك معلى الكاسيت شوية من حقه انه ياخد البازوكا يا اما ياخد الرخصة !!!!!!!!!!!!!!!

**Mido_Vip** · 26-10-2011 02:50 PM

المشاركة الأصلية كتبت بواسطة Seifmando

هو جميل جداً

انت تعرف انك لو مركب عدة صوت وقفشك معلى الكاسيت شوية من حقه انه ياخد البازوكا يا اما ياخد الرخصة !!!!!!!!!!!!!!!

اول مره اسمع الكلام ده

هيا وصلت لكده

**Seifmando** · 26-10-2011 03:18 PM

بيقولوا "القانون بحذافيره"

نفسي الاقى نص القانون اللى بيعتمدوا عليه دا
انا راجعت قانون المرور الجديد (اللى كان جديد) وملاقيتش اي حاجة بخصوص الفاميه ولا الصوت ولا الطفاية تحت الكرسي ولا اي بدنجان من اللى بيعملوه فينا دا

**madaxman** · 26-10-2011 05:35 PM

المشاركة الأصلية كتبت بواسطة seifmando

هو جميل جداً
بس للاسف ممنوع فى المرور لانه بيتعامل معاملة الملصقات
ولو فى لجنة هيبقى حاجة من الاتنين:
1- لو الظابط كويس هيقولك شيله دلوقتى وانت واقف وانا اديك الرخصة ويا دار مدخلك شر بس قلبك هيتقطع مع كل حتة بتتشال
2- لو الظابط تيييييييييت يبقى هياخد منك الرخصة ويديك الايصال وتدوخ انت على ما تجيبها ولازم العربية تدخل فحص الاول

على فكرة انا كنت عملت موضوع هنا انى عاوز احطه على العربية كلها مع انه نفس لون اعربية يعنى مفيش اي تغيير لملامح العربية بس للأسف طلع ممنوع

انا مش عارف المرور بيعاملونا كدا ليه وايه الضرر من الكربون او الملصقات بس واضح انها سبوبة
انت تعرف انك لو مركب عدة صوت وقفشك معلى الكاسيت شوية من حقه انه ياخد البازوكا يا اما ياخد الرخصة !!!!!!!!!!!!!!!

دانا كنت أقتله
بازوكا ايه ياعم ال ياخدها اخره يديني مخالفه ازعاج لو أداني اصلا مظنش انه يسحب الرخص لسه التلاكيك موصلتش لكدا

**qwezo** · 26-10-2011 05:49 PM

يعنى انا عندى الكبوت البوية ضيعةة خالص و مخلية منظر العربية وحش فقولت بدل مجيب كبوت ب350ج اعمل كاربون يعنى اعمل اية !!!!!!!
و هوا ممكن الكاربون يتثبت على الرخصة ولا لا؟
و شكراا :)

**qwezo** · 26-10-2011 05:53 PM

المشاركة الأصلية كتبت بواسطة OZYDREAMS

باشا حبيبى والله انا من دمياط يا سيدى ولو عوزت اى حاجه انا تحت امرك وبخصوص الكاربون ده درجات وفعلا بيشيل البويه بس مش اول طبقة الفكره كلها من الشمس بتخلى العربيه لونين لو حبيت تشيله وبالتالى الناس بتقول انه بيأثر على البويه وبخصوص اللجان هم بيعلقوا عليه وممكن يقوللك شيله وبعد كده امشى ولو عاوز تعمله انا اعرف ناس ممكن تفيدك ولو عوزتنى ابعتلى رساله على الخاص وانا ابعتلك رقمى

اخيرااا شفت حد من دمياط :)
لو تعرف تسالى الكربون بكام لانى انا سالت فى اكتر من محل اسعار غريبة عن بعضها و الى يقولك 35 و الى يقولك 100 و طبعا مش عارف الفرق

و لو تعرف فى دمياط نظام الظباط اية عشان انا لسة مشفتش اى لجنة و بخصوص البوية انا مش فارقة معايا عشان كدة كدة ضيعة بس انا مش عاوز ارش
و شكرا يا باشا :)

الموضوع: بخصوص الكاربون

LinkBack

أدوات الموضوع

عرض

-

-

-

-

المواضيع المتشابهه

سؤال عن الكاربون

الورق الكاربون

الكاربون فايبر على التابلوة ؟؟؟

الكاربون فايبر

اسلاك البوجيهات الكاربون

الكلمات الدلالية لهذا الموضوع

المفضلات

المفضلات

ضوابط المشاركة