علبة دريكسيون ( سكاترا ) و طلمبة باور للواجا 2006 أتوماتيك
الأخوة الأعزاء وحشنى جميعا السلام عليكم و رحمة الله و بركاته: :angelme:
بعد عمل صيانة ال 80 ألف عقبال عندكم و عند حوالى 83 ألف كم خير اللهم اجعله خير و انا راجع من القاهرة لبورسعيد إذ فجأةً ما فيش ستيرنج بسهولة و الدريكسيون بقى تقيل جدا المهم إستحملت لغاية ما وصلت بورسعيد و بعد يومين قلت أشوف فيه إيه المهم فتحت الكبوت و خير اللهم اجعله خير لقيت زيت كدة تحت الإسكاترة ( علبة الدركسيون ) من ناحية يمين السائق بشوف زيت الباور لقيت علبة الزيت فارغة تماما ملحوظة قبل حدوث ذلك بفترة كنت بلاقى صعوبة فى الركن و كان صوت المحرك بيبقى مش طبيعى و ده للأسف طلع نتيجة تلف طلمبة الباور و ده نتيجة إنخفاض مستوى زيت الباور جدا لوجود تسريب فى سيلات علبة الدركسيون المهم نتصل بمركز عصام و صفا و مشكورا سألى فى التوكيل و لم نجد لكنه قالى ممكن تجيب بتاعت اللانسر البومة لأنها هيا هيا سألت فى توكيل ميتسوبيشى القديم قاللى 3 آلاف جنيه ثمنها و ما فيش :36_2_49[1]: طب أعمل إيه و إيه الحل المهم و انا فى مشوار لمصر رحت لورشة فى شامبليون معروفة جدا لتصليح علبة الدركسيون لكن للأسف كانت حالتها سيئة و ما ينفعش معاها طقم إصلاح من سيلات و خلافه :breakpc1:
طب و الحل يا عمى قاللى نجيب علبة اللانسر البومة لأنها هيا هيا كام يا سيدى :36_2_49[1]:
1600 جنيه بس يا باشا بالتركيب :S_thum1[1]:
جديدة ياعم طبعا يا باشا بكيسها المهم ركبناها و الشغلانة أخدتلها 4 ساعات و جرب يا عمى :wink05:
الحمد لله مية مية بس طلمبة الباور كده قلبها نعم و عاوزة تتغير :oh:
بس ما عنديش وقت يا سيدنا أنا لسة هارجع بورسعيد :pffft:
و مالو يا باشا هيا بالتركيب 600 جنيه و يفضل تركب بتاعت اللانسر الكريستالة لأن الفلو بتاعها أعلى وات !!! :coolio:
فلو دا الأسطى فاهم كويس اللى بيقوله المهم رجعت بورسعيد و لعدم وجود فرصة للذهاب للقاهرة قولت أدور على الطلمبة فى بورسعيد و أركبه و كانت صدمة ... :36_2_49[1]:
ما فيش جديد خالص لا للكريستالة و لا للبومة و عليك و على الشونة يا عمى و بعد بحث مضنى بمساعدة الأصدقاء و الأحباب أخيراً ....
لقينا طلمبة على ماكينة كريستالة حالتها ممتازة :first:
بكام يا عمى كاملة بالقاعدة و مسامير التثبيت 350 جنيه :S_thum1[1]:
تمام تمام و 30 جنيه تركيب و مبروك يا باشا الباور تمام و صوت المحرك ناعم و كله ألسطة و ظبط زوايا يا معلم و مبروك :36_9_4:
و دى كانت عملية تغيير علبة دريكسيون و طلمبة باور للواجا هانم موديل 2006 أتوماتيك الشكل القديم و نشوفكم على خير :beeangel: