عرض بريدجستون للكاوتش والخدمات(خاص نايل موتورز)

**أشرف العدوي** · 10-06-2009 06:45 PM

لو حضرتك تعرف العمارة اللي فيها ماكدونالدز ومستششفى الندى هاتلاقي الشارع اللي قدامهم على طول على ناصيته بريدجستون.

هههههههههههههه
شكراً ليك قوي
طبعاً انت بتسأل نفسك انا بضحك ليه
اصل اختي ولدت امبارح في مستشفى الندى
و روحت كذا مرة هناك و كل مرة اروح فيها امسح الشارع كله بمنعى كلمة مسح و في البنزينات الي هناك على بريدجستون و مش لاقي
و المكان الي مدورتش فيه هو الي جنب المستشفى
شكراً لأهتمامك و سرعة أستجابتك
انهاردة و انا رايح المستشفى هعدي عليه
شكراً ليك تاني

**Hondawy_2008** · 10-06-2009 06:56 PM

المشاركة الأصلية كتبت بواسطة أبـو آســـــر

سؤوال صغير قوي
هو بريدجستون الي في شارع المنيل فين بالظبط
اصلي عايز اعمل العجل نيتروجين
ياريت تدلوني
على اقرب فرع من الجيزة او فيصل او الهرم او وسط البلد او المهندسين

الشارع اللي على اليمين بعد خير زمان بس خلي بالك الشارع اتجاه واحد يعني خروج بس ممكن تلف من شارع اللي بعديه

**أشرف العدوي** · 10-06-2009 07:21 PM

الشارع اللي على اليمين بعد خير زمان بس خلي بالك الشارع اتجاه واحد يعني خروج بس ممكن تلف من شارع اللي بعديه

شكراً للنصيحة و ان شاء الله هعدي عليهم على الساعة 9 كدة

**أشرف العدوي** · 11-06-2009 09:29 AM

مستنيينك اول اما ترجع تقولنا عملت ايه واتكلفت كام وايه الانطباع والكلام ده كله

روحت امبارح و كنت متوقع الموضوع ياخد وقت
لكن الموضع خد حوالي 10 دقايق فقط
و كله بقى تمام
اتكلف 20 جنيه للأربع عجلات شاملين الضرائب
يعني الفردة الواحدة من غير ضرايب بـ 4.55
و بيديك فاتورة كمان
و المهندس و الناس الي شغالين هناك ذوق قوي
و دخلت عادي من الشارع هو اتجاه واحد فعلاً بس المحل يعتبر تاني عمارة في الشارع و بصراحة ما كنتش عارف الفه منين
فروحت للمهندس الي هناك و قولتله ينفع ادخل من هنا
قالي خش عادي بس لما الطريق يفضى
بالنسبة للأحساس بالتغير هو يكاد يكون مش ملحوظ يعني الفرق بين الهواء العادي و النيتروجين و انت ماشي مش هتحس بقرق رهيب بس هو فيه فرق
يعني ما بقتش اسمع صوت الخبط في المطبات زي الاول ( هو بيتسمع بس قل شوية بسيطة )
هو انا حطيته بس علشان انه غاز خامل لايتأثر بالحرار
يعني الواحد يمشي و هو مطمن شوية من موضوع فرقعة الكاوتش ده
و شكراً ليكوا