انته كدددددددددددددددددددددددد دددددددده
عرض للطباعة
انته كدددددددددددددددددددددددد دددددددده
الف شكر يابو بيدو على المجهود الرائع ده
ربنا يجعله في ميزان حسناتك ان شاء الله
شكرا كيمو وشكرا معاذ على المجهود والخدمات اللى بجد بتعملوها لكل اعضاء المنتدى
شكرا يا باشوات علي المجهودات العالية دي
شكرا جزيلا فعلا عروض هايلة تسلم اديك يا باشا
بس ممكن اعرف ايه حوار الاسستكر
أنا كنت في بريدجستون اسكندرية (لوران علي البحر) يوم السبت 14-06-2008 وقبلها بكام يوم في مركز سموحه و كان لي الملاحظات الآتيه:
- محدش عنده فكره عن عرض نايل موتورز بالرغم من اقرارهم ان أي عرض في القاهرة بسري في اسكندرية بس الظاهر محدش بلغ بعرض نايل موتورز في اسكندرية
- في سموحة كان عايز يحاسبني علي النيتروجين، في لوران لأ
- أنا غيرت 4 فرد اندونيسي مقاس 175/70/r13 الفردة كانت بـ 265 ج شامل النيتروجين و بدون ترصيص (مع إني كنت سمعت ان الاسعار تشمل الترصيص)
- عملت غسيل للموتور و كان معي ابني و اتزحلق فأخدته بعيد و فوجئت ان غسيل الموتور كان بالجاز
طبعا العربية مادارتش و كان فيه شخص جاد زيادة عن اللزوم (مكشر جدا) حضر بسرعة و قام بعملية صيانة و تنظيف للاسبيراتير بالبنزين و اسبيرهات التنظيف للبوجيهات و دارت بالعافية
التجربة سلبيه شوية بس الخلاصة :
- لازم تطلب حقك بالضبط لانه لا يوجد نظام متبع حتي في الأماكن قيمة المظهر
- عرض نايل موتورز مش مفعل في الاسكندرية
كويس انك بلغتنا يا استاذ اسلام عشان نراعي السلبيات دي
الراجل المكشر ده واخد كورسات في المانيا في الكار كير
الفاكس اتبعت للناس كلها وكل الفروع بس واضح انه كعادة الشعب المصري لو حد عرف ما بيبلغش الناس التانية
واحنا مقصرين ان الاستيكر ما وصلش هناك عشان ماكناش لسه طبعنا الجديد
لكن ان شاء الله هايوصل الجديد مع استاذ هاني بكرة اسكندرية وهايوزعة عليهم وهايتاكد انه اتلزق عندهم لتفعيل الخصم
وكالعادة لازم تكون عارف ايه اللي ليك وايه اللي عليك زي اي مكان في مصر
اكتر واحد عارف هو استاذ نجاد مدير فرع مدينة نصر وده اللي فاهم
ول اي حد قابلتة مشكلة يقدر يبلغهم يكلموة يعرفوا منهم
مهندس نجاد
مدير فرع بريدجستون مدينة نصر-عباس العقاد
العفو يا كريم
الغرض المنفعه العامة
و غالبا علي مانا فاهم العرض لا يخص الخدمات اللي عملتها بس قلت اتأكد و صدق ظني ان معندهمش خبر
أصل أنا مصري من زمااااااااااااان
جزاك الله خيرا يا منير و جعله في ميزان حسناتك
طبعاً العرض لا غبار عليه
مشكورة إدارة المنتدى بصراحة على المجهودات اللي بتبذل في توفير العروض دي
الجملة المقتبسة من كلام إسلام جلال هي أول حاجة جت في بالي وانا طالع امبارح المغرب من بريدجستون اللي في جامع يحيى في اسكندرية
دخلت عشان كنت شاكك ان فيه فردة مريحة شوية
الولد اللي شغال هناك طلع كان فاكرني من أيام ما رحت له من 3 أسابيع أملا نيتروجين وانا لسة مستلم العربية
فحص الأربع عجلات وقاللي ان كلهم تمام من غير ما يزود أي واحدة منهم حاجة
فاباقول له الحساب كام
قاللي اللي تدفعه
انا مكرهش في حياتي غير كلمة اللي تدفعه دي
من هنا لهنا وقصاد تصميمه إنه ميقولش، ولأن واضح ان اللي هادفعه ده هايدخل جيبه الشخصي لأني مش هاخد ايصال ولا حاجة مبقتش عارف اديله ايه
رحت مديله 2 جنيه على أساس إنه معملش أي حاجة غير انه شاف الضغط
راح قالبهم في ايده وضاحك بسخرية وقاللي طب مااااااااشي
حسسني إني مش رايح أعمل خدمة في شركة محترمة
لا كإني واقف عند بتاع كاوتش على جنب الطريق الصحراوي
انا أصلاً معنديش مانع أدفع إنشالله أضعاف اللي دفعته بس أخد ايصال
مش نظام اللي تدفعه ده
المهم بعد ما اخدت بعضي ومشيت قعدت الوم نفسي إني مدخلتش اشتكيته جوة في الفرع
ياللا خير
الجايات أكتر من الرايحات