بأذن الله هقولكم على تفاصيل بكرة
عشان راجع خلصان انهاردة ومكتفي بالمتابعة والقراءة
عرض للطباعة
بأذن الله هقولكم على تفاصيل بكرة
عشان راجع خلصان انهاردة ومكتفي بالمتابعة والقراءة
العربية الاوبل ال 95 دة حكااااااااااااااااااااااا ااااااااااااااااااية
ياسلام لو الواحد يعرف يجيبها ويدفع عليها جمااااااااااااارك ياااااااااااااااااة
بس نعمل اية بقي في العالم ولاد التيييت اللي تقلك لازم تكون الماالك الاول ليهاااااااااااااا
بصراحة هو دة الى خلانى اشترى استيراد
قولت لما اجيب عربية مستعملة من السوق هتبقى مهما كان الشارع المصرى ملم عاليها فحاجة عفشة بقى اى اى حاجة خصوصا المبلغ معايا مكنش يجيب كسر زيرو اقل بشوية
فكرت فى موضوع المعوقين وقولت استنظف عربية وفى نفس الوقت ادور على حاجة سهلة البيع وسعر اعادة البيع فعلا العربيات نظيفة جدا وفية عربيات بتبقى فبريكة فبريكة بمعنى الكلمة وفية اللى رشة مناطق عموما بتاخد عربية اساسيتها سليمة ولسة الخواجة قاعد فيها
هو هناك خلى بالك من حجتين مهمين البارومة خصوصا العربيات اللى جاية من اوروبا واسيا والاماكن الثلجية
لان معظم الخليجى العربية عشرة على عشرة بس تلاقى الدهان بتعها مقرح من شدة الشمس فى الخليج
المواتير يابتلافية فبريكة وبيلمع وعامل كلوات صغيرة ويتلاقيها العربية بتبرق وولا خربوش بس صحبها كان شاب وجاب اجل المكنة ورماها
واخيرا بقى نقطة مهمة جدا لعب التجار بتوعنا بقى اللى بيجمعوا عربيات الحوادث برة ويشدوها كل دة برة مصر وبعدين يبعت وياما ناس معندهاش خبرة ومأخدتش ناس معاها خبرة عند المعاينة ولبسوا عربيات مغيرة اجزاء
دة اهم حاجة غر كدة فعلا العربياااات اشكال وانواع واللوان وموديلات تقيلة بجد الثفقة تجيب حتة بى ام اوروبى خواجة زى اللى بنشوفهم فى الصور على النت من المنطقة الحرة وبالعبيييييط ولا جولفاية هيا دى الثفقة بس اغلى عربيات هناك الالمانى غير كدة كلة زى بعض حسب الفئة والموديل وسعرها برة مش عارف لية
الحمد لله ربنا اهدانى بالعربية اللى معايا والحمد لله بحاول احافظ عاليها قدر الامكان انها تفضل فبريكة من جوة واحافظ على اساسيتها خلاص برة رشت نظافة ضريبة الشارع المصرى
بس كانت نينى اجيب العربية واخلصها جمارك وادفع الجمارك بتاعتها وانقل الملكية وتبقى خالصة مخلصة بدون مشاكل والجمد لله عملت الكلام دة من هنا وانقلت ملكية ونزل قانون فك الحظر بعد 3سنين ب10000 او بعد خمس سنين بمبلغ 50ج تقريبا ياعالم يكون صاحبها عايش ولا ربنا رحمة او بدلت عربية او اتنين ,,,,,, حمد ربنا الا كان زمانى مش عارف اطلع على البحر بالعربية لحد مايعدى ال3سنين ونااااس كتييير لبست عربيااات
معلش طولت عليكم بس فكرتونى بقصتى مع العربية والاسباب اللى خلتنى اجيب عربية استعمال خارج بدل عربيات السوق
هعلق على شوية حجات
اولا الطرق يا شباب
الطرق برا مش زي هنا خالص
مفيش كمية المطبات دي وحتى المطبات اللي موجودة معمولة بفن مش العك اللي بيحصل هنا وتلاقي علامات تنبيهية قبل المطب مش تفاجيء وتعرف ان فيه مطب بعد المطب ب 400 متر عشان للأسف انت مشفتهوش وكلته
دي نقطة النقطة التانية الزيوت:-
مفيش حاجة اسمها زيت بيتغير على 1000 او 3000 كم زي الدول العربية العظيمة
الزيت ميتغيرش قبل 10000 كم
ثالثا الصيانات الدورية
التوكيلات هناك مبتضحكش على الناس وبالتالي الصيانات كلها في التوكيل لأنه مش مكلف
انت بتجيب العربية الزيرو هنا تعملها صيانة 1000 كم وبعد كدة انت مضطر عشان تحافظ على الضمان انك تعمل صيانة دورية كل 5000 كم واسعار التوكيل هنا الله الغني الحقيقة
بس في اوروبا بنلاقي ان العربية الزيرو اول صيانة ليها بتكون بعد 10000 او 15000 كم ومفيش حاجة اسمها صيانة دورية كل 5000 ولكن الصيانة الدورية كل 10000 او 15000 كم حسب التوكيل نفسه هو اللي بيحدد المسافة دي
فلما تلاقي انك هتعمل صيانة كل فترة طويلة وفترة محترمة العربية فعلا بعدها محتاجة صيانة فعلية يبقا ساعتها هتروح تعملها في التوكيل وانت راضي تمام عن اللي هتدفعه لسبب بسيط جدا لأن الناس محترماك ومش بتضحك عليك
انما هنا يقلك كل 5000 كم صيانة
ومصنعيات وضرايب وقرف ويا سلام على الصيانات التقيلة زي 40000 كم او ما شابه بتدفع فيها مبالغ محترمة عشان كدة تلاقي اغلب الناس بتشتري العربية الزيرو من هنا تعمل صيانات لحد 20000 كم في التوكيل مثلا لحد ما يطمئن ان عربيته سليمة وبعد كدة يشوف ميكانيكي محترم جنبه يتعامل معاه وخلاص عشان مش كل شوية هيروح التوكيل يدفع دم قلبه
مهو احنا مش بنلاقي الفلوس في الشارع ومش معنى اننا ربنا كرمنا وعندنا عربيات اننا من أثرياء القوم يعني !
عرفتوا ليه العربيات برا احسن من هنا ؟!
مش كلها 128
يعني في منهم ب600 يورو وفي منهم ب3000 يورو (يعني زي مصر)
زائد مفيش ميكروباص يعلم عليك
مفيش واد متخلف بيحدف طوب في فوانيس العربيات
مفيش توكتوك
مفيش سواقين من غير رخص
مفيش ان اساسا لما عربيته تعمل حادثة جامدة يقعد يسمكرها ويفضل راكبها لما يجيب داغها
انا اساسا كنت شاري العربية من الصالة فيها نقرة من المصنع
هو انا الي كنت راكبهم
في انتظار ردك
طب تقول أيه لو عرفت ان الأوبل الأولانية دي 93 مش 95
شكرا علي نقل التجربة
ازيك يا اشرف ؟
كل الكلام دة جميل جدا
بس انت بتتكلم ازاي المواتير حالتها حلوة
انا كمان بسأل ليه الصاج بتشتريه بيبقي دهان الفبريكة
الفوانيس والأكصدامات اجدد من عندنا واحسن من الجديد
طب خد عندك المفاجأة من العيار التقيل
عربيات ثمانينات وفبريكة برة وطبعا جوة
http://www3.0zz0.com/2011/10/26/04/499893100.jpg
http://www3.0zz0.com/2011/10/26/04/920998773.jpg
لاحظ حاجة
http://www3.0zz0.com/2011/10/26/04/484067039.jpg
خدت بالك انه مش مركب كاسيت من 84 !!!!
http://www3.0zz0.com/2011/10/26/04/961278786.jpg
http://www3.0zz0.com/2011/10/26/04/968674692.jpg
http://www3.0zz0.com/2011/10/26/04/534375768.jpg
http://www3.0zz0.com/2011/10/26/04/551899363.jpg
بص الأمانة
مش عندنا
يصورلك العربية من كل حتة ماعدا الحتة المخبوطة
لا ، دة عامل فوكس علي الخبطة
http://www3.0zz0.com/2011/10/26/04/408776497.jpg
http://www3.0zz0.com/2011/10/26/04/432605779.jpg
كيلومتر قليل جدا علي عربية 92
http://www3.0zz0.com/2011/10/26/04/702829707.jpg
http://www3.0zz0.com/2011/10/26/04/324436950.jpg
http://www3.0zz0.com/2011/10/26/04/363113478.jpg
اولا :
الجولف الأولي موديل 84
الجولف الدبة موديل 92
الجولف 2 البيضا موديل 89
واضح فعلا انهم مش بيركبوا عربياتهم
ولو ركب مش بيقعد علي الكرسي ومش بيمسك الدركسيون اساسا
دة لو مسكه من غير حتي ما يلفو اكيد من 84 ل2011 هيعلم مكان ايده او هينعم
لنا الله
واضح ان العيب فينا
والله المستعان
،
،
الملاحظات
معظم العربيات التسعينيات بنسبة 90% فيها طبعا ايرباج والوكيل مش بيلغيه
كل العربيات عليها العلامات والأستيكرات الفبريكة
العربيات فرش الفبريكة
العربيات مش متربة
العربيات فبريكة برة (يمكن عشان بتيجي من برة)
المواتير مش معرقة زيت ولا الحوض عايز يتغسل
الله اكبر
الجولف مالهاش حل ماشاء الله
حرام عليك
انا حاسس ان انا راكب كارو