مساعدة من اعضاء المنتدى بخصوص صيانة تويوتا تيرسل

**Medo007** · 26-10-2011 09:12 AM

السلام عليكم ورحمة الله وبركاته

والدي معاه تويوتا تيرسل موديل 98 ومن 98 لما جابها معملهاش صيانة الا مرات بسيطة جدا
يعني غير التيل مره والكبالن غيرها مره وهيا ماشية الى الان 130 الف كم

المشكلة بقى ان قطع غيار العربية دي ناااااادرة جدا
يعني يوم لما الفانوس الخلفي اتكسر نزلت ودوخت في الحرفيين وملقتش الا واحد استيراد بالعافية وكانوا في محلين بس

انا عايز اخد العربية دي واشدددها اعملها صيانة ومحتاج اعرف منكم الاقي قطع غيارها فين
ولو عفشجي كويس عشان الدركسيون بيترجرج خفيف ولما سالت قالوا الاسكترة ومش هتلاقيها وتعملها حشو
وحاسس ان العفشة بقت اي كلام وبتيجي عند المطبات تهربد ومبقتش ناعمة زي زمان

وشكرا

**Medo.Malek** · 26-10-2011 08:20 PM

العربية دى مع عمى و مبهدلاه فى الصيانة
هو نصيحة لو تعرف تبيع العربية يبقى احسن :) انما لو متمسك بيها فا اعتقد ممكن تدور فى قطع غيار التويوتا الملكة ممكن تلاقى حاجات مناسبة و تركب عندك ( ممكن )

**egyptiandiver** · 26-10-2011 08:39 PM

جيب قطع غيارها من التوكيل يا مان. أو لو أجزاء جوهرية من عربيات إستيراد.
لو مفيش لا دي ولا دي يبئة مفيش مناص إلا البيع. بعها يا راجل و لو بالخسارة دلوأتي، خسارة أريبة ولا مكسب بعيد .... أهي كلها عربية و بتوصل و خلاص و لما تجيب عربية جديدة هات حاجة فيه منها كتير عشان متلفش حولين نفسك عشان حتة حديدة تعبانة لكن ممكن توقف مصالحك - ربنا يعملك الصالح أحمد سامي

**pro_samir** · 27-10-2011 03:16 AM

قطع غيار الموتور عند اي حد بتاع تويوتا
الاسكاترا استيراد من الحرفيين أو الوكاله أو أي حد عنده عربيات تقطيع لأنها بتاع الكورولا

وعلشان تريح نفسك لما تيجي تشتري حاجه خد القديمه وروح قول عايز زي دي هتلاقيه جايبلك بتاع الكورولا ، انما هتقول تريسل قليل اللي فاهمين

وشوف الموضوع المثبت بتاع الاستارليت هتلاقي ناس كتير بتوع قطع غيار جديد واستيراد وارقام تليفوناتهم

**asemx1** · 28-10-2011 07:12 PM

بيعها افضل

**pro_samir** · 28-10-2011 07:27 PM

المشاركة الأصلية كتبت بواسطة asemx1

بيعها افضل

وفلوسها تجيب ايه احسن منها أو علي الأقل زيها ؟

**أبو عبدالله** · 31-10-2011 10:32 AM

شوف عند عرفه جابر في شارع دمشق
هتلاقي اكيد عنده قطع غيرا لها جديد
اما الأستيراد فحاول تسأل في الحرفيين تاني اكيد هتلاقي لها حاجات هيا مش نادرة للدرجة دي يعني

**missedbaby** · 16-11-2011 11:26 PM

انا معايا ترسيل موديل 99
العربيه ده رائعه و مريحه و مفيش عيب فيها غير قطع الغيار,
بس الموتور بالكامل هوا موتور كورولا 1300سي سي الخليجي, و تيل الفرامل هوا بتاع الكورولا الملكه
و الفرق بينها و بين الكورولا هوا المساعدين و الفواانيس و الجسم
.و دول سهل التصرف فيهم من الحرفيين
او تنزل بورسعيد و تجرب حظك هناك او تدور على نص عربيه