انا قريت كتير عن السيفيك sir بس انا شايف ان كل اللى مسقط الموتور دا موديل تسعينات
وانا كنت عاوز اعرف هو فيه سيفيك موديل 2000 او 2001 نازلة اوريجينال بالموتور ابو 170 حصان دا ولا لأ
ولو لأ طيب ينفع الموتور دا يتسقط للسيفيم موديلات 2000
عرض للطباعة
انا قريت كتير عن السيفيك sir بس انا شايف ان كل اللى مسقط الموتور دا موديل تسعينات
وانا كنت عاوز اعرف هو فيه سيفيك موديل 2000 او 2001 نازلة اوريجينال بالموتور ابو 170 حصان دا ولا لأ
ولو لأ طيب ينفع الموتور دا يتسقط للسيفيم موديلات 2000
متابع
متابع.....
من 96 الى 2000 الشكل واحد يمكن بس في موديل 99 و 2000 الفانوس والشبكة و الاكسدام اتغيرو شوية يمكن بعض الناس ماتخدش بالها من الفرق لكن نفس كل حاجة
2001 دا شكل تاني و جيل تاني خالص و معتقدش ينفع يركبله موتور sir
عموما انا عربيتي sir original موديل 96 لان الدفعة الوحيدة اللي نزلت مصر كانت 96 بعد كدا منزلش sir original تاني لمصر على حد معرفتي بس هى نادرة قوي و صعب انك تلاقي واحدة و تكون نضيفة
عامتا الاسعار كالتالي لانها كذا فئة
LXI
موتور 1500 105 حصان
تكيف
باور
سنتر
ممكن اوتوماتك او مانيوال
من 48 ل 53 حسب الحالة والموديل 96 او 97 او 98 او 2000
EXI
نفس الامكانيات السابقة
+التالي
زجاج كهرباء و مرايات
مسند بين الكرسيين
عداد rpm
الكنبة الخلفية يمكن طيها و بتكون جزئين
السعر من 53 ل 57 حسب الموديل برده والحالة
VTI
نفس كل امكانيات ال EXI
+التالي
موتور 1600 125 حصان
فتحة سقف
ايرباج للسائق في موديلات 96 لخاد 98
2 ايرباج في موديلات 99 و 2000
السعر من 58 ل 65 حسب برد الموديل والحالة
SIR
كل اللي في ال VTI
+التالي
موتور 1600 2 كامة 160 حصان
عفشة اكبر
جنوط مقاس 15
فرامل ABS
ايرباج و ممكن تكون بدون
فرامل خلفية سكاكين
كراسى مختلفة و فرش بكل مختلف
الطابلوه اسود و ليس رمادي
يوجد شداد بين البطاحتين الاماميتين في الحوض
السعر من 65 ل 72 حسب الحالة ايضا و لا يوجد منها الا موديل 96
ملحوظة : الاسعار دي كلها على اساس ان العربيات دي سليمة
اهلا وسهلا ياباشا
اسف لتأخرى عن الرد بس ماشاء الله سنهورى باشا قام بالواجب وزيادة وطبعا كل كلامة سليم تماما
وبالنسبة لموديل 2001 هو لم يختلف كثيرا عن تابلوة الجيل السادس باستثناء الالوان الاضافية ( بيج ) + وبعض التغيرات ممكن ان تشاهدها بنفسك فى اى صورة على النت
بالنسبة بقى للتعديل شوف هو ينفع بس هيبقى التعديل صعب جدا لمحرك زى ال b16a حجمة مش قليل لان كمان الحوض بتاع ال2001 بقى اصغر من جوة وافضل حاجة تسقطها فى العربية هو محرك k20 ودة سعتة 2000 سى سى وقوتة بتبدأ من 200 حصان الى 240
وبالنسبة للsir الخاصة بالجيل السابع مابقاش اسمها sir او بيطلق عليها فى بعض الدول لكن هية معروفة باسم type r وبتنزل فى النسخة الهاتشباك
عموما نصيحة لو عايز تجيب هوندا بمبلغ مايتعداش ال70 الف جنية يبقى تخليك فى ثلاثة انواع
( سيفيك من 93-2000 si- vti - sir ) لكن هتجيب الجيل السابع يبقى ماتستناش منها اداء او ثبات
لكن صدقنى هتلاقى فى الجيلين ( الخامس والسادس ) كل اللى تتمناة فى عربية
واى تعديل لو جيبت الجيل السابع هتصرف كتير جدا