132 مجددة بالكامل بالصوررررررر

**pher3oo** · 26-10-2011 12:07 PM

بسم اللة الرحمن الرحيم

132 موديل 73 متالفنه ( تابلوة وفوانيس وشبكة كله 2000 ) جنوط بلادها المروحة موتور 1600 استيراد من بور سعيد لسه ثابته على الرخصه الاسبوع دا اربع مساعدين جداد طقم دبرياج جديد شكمان كامل لسه امبارح بس مركبه بطارية من اسبوع صالون جلد الاستاذ لسه جديد شغل كهربا كامل بفوانيس شبورة بنور للتابلوه عفشة مجددة غير المساعدين عربية بيتى والله مركونة طول الاسبوع لوجود عربيه للشغل مابخرجش بيها غير اخر الاسبوع الشكل الخارجى زى الفل ومركب الشبكة المامية وفوانيس جديدة مش محتاجه اى حاجه غير انك تتكل على الله وتدور وتمشى
مطلوب 17500 نهائى نهائى
ودى بقى الصور ويارب تظهر

**sir_welo** · 26-10-2011 04:20 PM

العربية دى اخرها والله 13000 وابقى مكارمك كمان

**pher3oo** · 27-10-2011 10:28 AM

المشاركة الأصلية كتبت بواسطة sir_welo

العربية دى اخرها والله 13000 وابقى مكارمك كمان

لا ياسيدى متشكرين لكرمك والله وفر كرمك لحد تانى انا مش عارف الناس اللى بتتكلم وخلاص دى انت جيت اتفرجت على العربيه ولا شفتها على الطبيعه مش يمكن ماتساويش التلاتشر بتوعك دول دا ال 28 موديل 75 شوف بتتباع بكام والله الواحد مابقاش عارف الناس بتعمل ليه كده دابدل ماتقول ربنا يوفقك ولا اى كلمه حلوة والمشكله انك لابتشترى ولا غيرة

**sir_welo** · 27-10-2011 10:55 AM

المشاركة الأصلية كتبت بواسطة pher3oo

لا ياسيدى متشكرين لكرمك والله وفر كرمك لحد تانى انا مش عارف الناس اللى بتتكلم وخلاص دى انت جيت اتفرجت على العربيه ولا شفتها على الطبيعه مش يمكن ماتساويش التلاتشر بتوعك دول دا ال 28 موديل 75 شوف بتتباع بكام والله الواحد مابقاش عارف الناس بتعمل ليه كده دابدل ماتقول ربنا يوفقك ولا اى كلمه حلوة والمشكله انك لابتشترى ولا غيرة

والله بشترى وبالغالى كمان اسأل اى حد كده على ال32 موديل 73 تعمل كام ؟

**pher3oo** · 27-10-2011 11:21 AM

المشاركة الأصلية كتبت بواسطة sir_welo

والله بشترى وبالغالى كمان اسأل اى حد كده على ال32 موديل 73 تعمل كام ؟

هو انت بتشترى موديل ولا بتشترى حاله انا اتباعت قدامى دوجان موديل 93 ب 19000 عايزة اكتر من 10000 علشان تبقى عربيه بس اهى موديل 93 وشوف اتباعت بكام العربيه المستعمله حاله مش موديل

**monzer_500** · 27-10-2011 11:49 AM

بالتوفيق في البيع

**mohamed9999** · 27-10-2011 12:16 PM

بالتوفيق فى البيع يا ريس ومتزعلش نفسك اللى بيبيع بيسمع اكتر من كده ربنا يوفقك

**pher3oo** · 27-10-2011 01:21 PM

لا والله انا مش زعلان انا بس صعبان عليا الناس اللى بتدخل فى الموضوع وتتكلم لاى غرض مع ان الحاجه دى بتاعتى وانا مقدرها بكده عجباك على كده اوك او عايز تتكلم تتكلم فى المعقول لكن تدخل وتبخس الحاجه كده لمجرد ان الموديل بتاعها بيتباع بكده

**engaass** · 27-10-2011 01:29 PM

بالتوفيق فى البيع

**misoalex** · 28-10-2011 03:49 AM

المشاركة الأصلية كتبت بواسطة pher3oo

لا والله انا مش زعلان انا بس صعبان عليا الناس اللى بتدخل فى الموضوع وتتكلم لاى غرض مع ان الحاجه دى بتاعتى وانا مقدرها بكده عجباك على كده اوك او عايز تتكلم تتكلم فى المعقول لكن تدخل وتبخس الحاجه كده لمجرد ان الموديل بتاعها بيتباع بكده

بص بغض النظر عن ان السعر عالى او مش عالى اللى يكتبلك سعر كده على العام ويقولك اخلص يبقى يا اما تاجر وبيرمى سعر وخلاص يا اما مش حيشترى اصلا وفى الغالب بيبقى التانيه

انا واخد على كده عشان بعت عربيتى قبل كده عن طريق النت ودلوقتى برضه ببيع عربيتى عن طريق النت فواخد على الكلام ده

بس حاول تخلى السعر مش نهائى يعنى يبقى فيه تفاوض لان كلمه نهائى دى مبتعجبش ناس كتير وبتطفش الناس اصل احنا شعب بيموت فى الفصال
واعمل اعلان فى كونتاكت

وربنا يسهلك بيعها