عرض للطباعة
السلام عليكم
منا كثير من الازواج المصريين
لا يعرف ازى يربى ابنه او بنته والام هى المسؤله عن ذلك ولو كانت الام موظفه او تعمل اى عمل كا الاب فمن يربى ابنائنا ((الحضانه - او المدرسه - الجيران ))
فايريت كل واحد مننا يحكى كيف يربى اولاده ان كان اب او كانت ام
وان كان الاب يشتغل اكتر من 12 ساعه فى اليوم يحكى كيف يربى الاولاد
والام كذلك
لكى يعم النفع على كل اب وام لسه دخلين دنيا جديده
ولكم جزيل الشكر
انا عن نفسى رافض نهائى فكره العمل للام وده علشان التفرغ لتربيه الاولاد وتطبيعهم والاهتمام بيهم لان الاولاد بيحتاجوا متابعه 24 ساعه خلال اولى سنوات حياتهم وكل سن وليه تغيراته وليه معاملته الخاصه انا عن نفسى تقريبا بقضى معظم وقتى فى العمل بعيد عن البيت وده زى ما ليه مميزات ليه عيوب
انا كلامى هايكون لغايه سن سنتين ونص اللى هو سن ابنى لقيت انى لما باكون فى البيت بيكون متعلق بيا جدا وده بسبب ان معظم وقتى بيكون بره البيت فابيكون استفادتى من الموضوع ده هو طاعته ليا وازاى يسمع الكلام والسن ده لازم تعرفه ان فى عقاب وفى مكافاءه امبارح حصل الاتنين كافئته وعاقبته
1- خلي الشكوى منه تكون ادامه بمعنى ان والدته قالتلى اياد شد الكرسى لغايه البلكونه ووقف عليه مجرد انه بيسمع اسمه بينتبه وبيفهم الكلام وانا مجرد انى اسمع الكلام وابصله فى عينه واقوله انت عملت كده ليه مش احنا قولنا كده غلط كده مش هانخرج ومش هاتروح النادى وشيلت العجله بتاعته فوق الدولاب , لقيته جالى وحضنى وفضل وشه فى الارض ( كده عرف ان فى عقاب وهايتحرم من حاجه هو عايزها ÷
2- ماكنش عاوز ياكل قولتله كل الاكل بتاعك علشان تشرب العصير تلقائى هتلاقيه بياكل علشان ياخد المكافاءه بتاعته
______________
اهم نقطه فى التربيه انك تستغل كل حاجه عند طفلك من طباع
انا ابنى بيحب يقلدنى جدا فى كل حاجه فابقيت اصلى ادامه النتيجه انه لما يسمع الادان يجيب سجاده الصلاه ويصلى وتقريبا بيعمل كل اوضاع الصلاه حتى رفع الصباع عند الجلوس
___________________
لازم يختلط باللى فى سنه
مش لازم كل حاجه يطلبها تجاب
اكتر حاجه تعبتنى انا ووالدتى هو انه يطلب يدخل الحمام والحمد لله اننا نجحنا فيها
ماتغصبش عليه حاجه
ابعده عن افلام الكارتون وخليك فى قنوات الاطفال التعليميه زى قناه طيور الجنه
اى حاجه عاوزه يتعلمها لازم تعملها ادامه وتكرارها لغايه لما يتعود عليها
اقتباس:
المشاركة الأصلية كتبت بواسطة kareemz
موضوع جميل
احب اامن على كلام ابو اياد
واحب اتكلم برضه في نقطة هامة جدا وهي ضرب الأبناء
اسلوب الضرب مهما كان هو افشل اسلوب لتربية ابنك لأن الضرب أضرارة أكتر بكتير من نفعها
الضرب هيعلم ابنك الكذب عندما يخطئ حتى لا يتعرض للضرب
الضرب فيه اهانه لجسمة ونفسيته وهيطلع انسان غير محترم لنفسه وللآخرين
الضرب هيعلمه بمرور الوقت تبلد الاحساس وعدم الامبالاه
ودي بعض مضار الضرب وليس كلها حتى العقاب يكون آخر ما تفكر فيه لتأديب ابنك وليس اول شيئ
حاول دائما ان توجد مساحة من الصداقة بينك وبين ابنك مهما كان صغير ساعتها هيستجيب لنصايحك ويسمع كلامك وعوده على تقبل الراي الآخر من خلال تقبلك لآراءه بعض الوقت حتى لو كانت خطأ ثم الفت انتباهه بعدها انه كان على خطأ
موضوع هايل يا mohammedabdallh
شوف أنا ممكن أكون محل إنتقاد ناس كتير - بس هو دا اللي بيحصل مع أبني - أنا بشتغل من الساعة 9 حتى 5.30 والمسافة بين بيتي والشغل ساعة تقريباً لو الطريق كويس ولو زحمة ( ودا العادي ) بكون في البيت 7 - ومافيش حضانات في منطقتي بتشتغل الفترة دي كلها - فأنا قررت أن أبني يعتمد على نفسه ( ست سنوات ) فلما يرجع من المدرسة الساعة 2 - معلقة له مفتاح في صدره - يفتح الباب ويكون لوحده ( ما شاء الله ) كان كويس في الأول ( السنة اللي فاتت ) وفرحان أوي بإعتماده على نفسه - بس دلوقتي - أبتدى يزهق ويتضرر من كتر النقد اللي بيسمعه من بعض الناس ليا ويعيد الكلام اللي بيقوله ( حرام عليكي - دا صغير - ما بتخفيش عليه - .... ) - لأ طبعاً بخاف عليه - وبحاول أأمن الشقة - وبوصي البواب أن أول ما الباص يجي يطلع على طول - وما ينزلش تاني - والحافظ هو الله - أما في ملخص المفروض :
- ألعب معاه وصحبه وأدبه لو أخطأ
- روح معاه المسجد - هو طبعاً - مع الرجال - وأنا في مصلى النساء
- زيارة الأهل(أهلي وأهل والده بأستمرار علشان صلة الأرحام )
- الذهاب لرحلات بقدر الإمكان .
- الذكر بصوت مسموع أمامه وتعويده عليه.
- الاصطحاب عند فعل الخير . إلحاقهم بحلقات تحفيظ القرآن مع المراقبة والمتابعة.
- ملاحظة أن أفعال وأقوال الكبار تنعكس على الصغار.
- عدم قول إن شاء الله إلا لما تنوى أن تفعله فعلآ.
- معرفة أصدقاءه وحثه على الصحبه الطيبه.
- أن يتعوّد الطفل على الأكل مماهو موجود .
- تعوديه على عدم السهر ، والصحو مبكرا.
- غرس الأخلاق الحميدة في نفوسهم (الكرم – الصدق - الشجاعة - الإيثار..).
- تكوين مكتبة خاصة والتركيز على قراءة قصص الأنبياء
- تعليمه أداء الصلاة بخشوع ، وتعليمه الأمر بالمعروف والنهي عن المنكر تدريجياً.
- إذا أمرته بشيء فتابع تنفيذه.
- عدم تلبية كل رغباته
- توجيه الطفل بالترغيب أكثر من الترهيب ، والإتزان في العقوبة.
- استئصال عادة الحلف دائماً بالله.
- كثرة التحذير يولد الخوف،كثرة التدخل تفسد العلاقة.
- تعليمهم عادة الشكر للناس عموماً وللأب وللأم خصوصاً.
- التربية على الاعتماد على النفس ، وقضاء الأمور بنفسه.
- عدم إظهار شجار الأبوين أمامه .
- تعليمه الإهتمام بالمريض والكبير ورعايته ، تعليم الإستئذان في كل الحالات .
موضوع ممتاز. عاوز حد يدلني على طريقة اخلي بيها ابني (علي الدين) يقعد يذاكر مع مامته من غير مايضايقها. هو في اولى ابتدائي ومبدع في اهدار الوقت واللعب ومش عاوز اقرص عليه. هو مؤدب ودمه خفيف بس لعبي وشقي وعاوز اعرف لو شديت عليه يبقى ازاي؟ انا مش متعود على ضرب اولادي خالص وعمري ماضربتهم. وده كويس لأنه مخليهم حساسين مش جبلات وبيتأثروا بسرعة حتى من الشخط بعكس اطفال تانيين في العيلة من كتر مابينضربوا بقوا مابيحسوش. برجاء الأفادة وجزاكم الله خيرا.
زوجتي مش بتتشتغل ومتفرغه للتربيه بس دلوقتي بقو اتنين واشقياء جدا ومع شغل البيت الموضوع بقي صعب وبقيت لازم انا اتدخل
طبعا الولاد محمد 3 سنين ونص وابراهيم سنه الأتنين متعلقين بيا بغباء
محمد بالعافيه بروح منه الشغل وابراهيم لما يشوفني ماشي اي حته يعيط
كل اللي بعمله اني بحاول اكون كويس قدامه وهو بيلقط لواحده وبحاول اتجنب اي حاجه وحشه يعني بالمختصر هو اللي بيربيني
محمد بيقلدني في كل حاجه ودلوقتي الصلاه كل الفروض معايا في المسجد ولما بيعمل حاجه غلط وانا مش موجود مراتي بتشتكي منه قدامه وساعات بيحاول ينكر بس بفضل وراه لحد مايعترف بخطاه
المشكله هي فعلا التقليد
لما بكون سايق وابقي متنرفز بسبب غباء السواقين واقول كلمه مثلا الاقيه هو كمان بيقول
يعني مثلا مره واحد مش عايز يتحرك قمت قايل لا يارخم بصيت لقيته طول مانا ماشي اي حد يقف قدامي يقوم قايل يلا يارخم فبقيت بتجنب اي حاجه وحشه قدامه
المشكله الكبيره لما بكون عند اهلي وقاعد شويه - اليوم هناك بيهد تربية شهر كامل
بسبب الدلع من جده وجدته والعيال الصغيره اللي بيطلع يلعب معاها ولأسف مفيش اي تربيه ليهم ومرمين في الشارع طول النهار وبيلقط منهم حاجات كتيير
ياريت من كل الاعضاء المشاركه لكى يعم النفع على كل اب وام جداد ولكى نربى ابنائنا تربيه دينيه سلميه
موضوع هايل
أنا بشتغل برده ساعات كتير و مامتهم اللي بتذاكر ليهم و ساعات من الزهق بتضربهم هما عندهم 4 سنين بس أنا مش بحب اسلوب الضرب فالي بعمل غلط بذنبه واخليه يرفع اده على الحيطة
الى كل المقبلين على الزواج . عندما اردت ان ارتبط بفتاه ففكرت واهتميت بالجمال والعيون والمش عارف ايه والهيمنه والحب الجميل والمشاعر الجميله والاحاسيس وووووووووالخ وكانت غلطة عمرى . لم افكر ابدا فى طباعها حيث يترتب عليها تربية الاولاد فالاولاد يأخذون طباع الام لانها المربيه فى الغالب . فأنصح وبشده مراعاة الطبع والاسلوب والاهتمامات اولا بعد ذلك المشاعر والاحاسيس . لم اعثر على احد يدلنى على النصيحه قبل الزواج فأنا اليوم انصح لانجاب بيئه صالحه فى المجتمع من حيث الالتزام والانضباط والترتيب وطبعا الكلام فى الموضوع ده لا ينتهى
ماهى فترة الخطوبه معموله علشان ايهاقتباس:
المشاركة الأصلية كتبت بواسطة tjp
تعرف طبعها وتشوف حضرتك ان كانت اذا كانت ههتقبل التغير ولا لا
وربنا يوفق لما فيه الخير
ماهي المشكله ان الناس مش بتعرف الكلام ده وبيبقو فاكرين ان فترة الخطوبه دي فترة عشان يعيشو حياتهم ويحبو ويتكلمو في التليفونات للفجر وسلمي علي ان كل واحد يعرف شخصية التاني وتلاقي كل واحد بيتجمل ويشتغل في التاني لحد اول اسبوع جواز وبخ كل واحد يظهر علي حقيقتهاقتباس:
المشاركة الأصلية كتبت بواسطة mohammedabdallh
القواعد اللي كاتباهه ممتازة فعلا,اقتباس:
المشاركة الأصلية كتبت بواسطة friendship7897
و ربنا يعينك علي تربيته فيظل الظروف الصعبة دي.
موضوع اكتر من رائع وبجد ربنا يكرم كل صديق منكم رد وحاول يقدملنا النصايح الجميله دي المهمه جدا لينا علشان نتعلم الطريقه الصح
انا ولاد اختي اتعلمت فيهم الادب عصبيه اتعصبت هزار هزرت عند عندت معاهم عليت صوتي وحاولت اادب بالطريقه القويه والشده وكده مجبش نتيجه
النتيجه دلوقتي مبقوش يخافوا مني خالص
ضرب ضربت بس لما بتعصب خالص بقا الضرب الي باجي علي اخر ثانيه ده واخليها متجيش يعني الا لما بتبقا ف العصبيه الجامده جدا
النتيجه عفاريييييييت جدااااا وبيعدنوا معايا وبيعصبوني واجاركم الله بس بسم الله ما شاء الله عليهم ازكياء جدا وعندي امل مع تقدم السن بيهم يعقلوا اكتر واكتر
عمر الكبير 7 سنين عقل شويه جدا يعني
الصغير هو الي لسه في مرحله الافورة وبيلعب علي طول وبيعند مع اخوة وبيظهر الوحش جواهم هما الاتنين
ف انا متنبأ خير باذن الله فيهم وربنا هو الموفق كمان ف التربيه + كل النصايح الجميله الي قلتوها وباذن الله ربنا يكرمنا كلنا ويجعل ذريتنا الذريه الصالحه يارب باذن الله
تربيه الاولاد اهم حاجه
الاهم منها اختيار الزوجه الصالحه اختيار جيد والزرق فيها بان ربنا يرزقك الزوجه الصالحه
الي تساعدك وتعينك علي انك ربنا يكرمك بالزريه الصالحه
ربنا يكرمكم جميعا يارب واياكم
انتوا عارفين حتى لو الاب غير جيد سلوكيا ليس مهم على قدر ماهو مهم ان الام لابد ان يكون عندها وعى كامل لانها هى التى تطبع الاولاد لان الاب باستمرار مشغول فمش هاتفرق بالنسبه للاب كتير . المشكله ياساده فى ان فترة الخطوبه يتم فيها ابراز كل المزايا والمحاسن والجمال فقط زى ما ياكلوا مع بعض مثلا كل منهما حريص على ان لا يفتح فمه الا بسيط طبعا فترة الخطوبه علشان ابراز الطعامه والسمسمه والرقه لتفاجىء بعد الجواز ب180 درجه تغيير لذلك احترسوا ههههههههههههههه من الفم الواسع اوى وده مثال بسيط اكيد لكن للاسف الموضوع ده الغلطه الاولى فيه هى الاخيره يالله عايشين والحمد لله واسف لو كنت جرحت شعور اى احد دون قصد تحياتى لكم جميعا .
اشكر الاستاذ محمد عبد الله على تفاعله فى الموضوع وخصوصا معى وكل عام وانت بألف خير.
ماهى دى المشكلهاقتباس:
المشاركة الأصلية كتبت بواسطة shaddadfalcon1
بيبقوا عيشين دور الحبيبه واحسن لبس واحسن برفان
ومحدش بيهتم بانه يشوف الى قدامه هيقدر يشيل مسئولية البيت ولا لا
او الاب يشوف ويدرس اخلاق مراته ويشوفها هتقدر تربى ولا ده تربيه صالحه ولا لا
اشكر الاستاذ محمد عبد الله على تفاعله فى الموضوع وخصوصا معى وكل عام وانت بألف خير.[/quote]
تحت امرك يا فندم وربنا يعينك على تربية الاولا د تربية صالحه
وكل سنه وحضرتك طيب