احترس من ابتسامه امناء الشرطه فى الاشارات

**mmharoun** · 27-10-2011 12:38 PM

شكرا على المعلومة وجارى الرد على الابتسامة

**Angel_wolf** · 27-10-2011 02:56 PM

الامناء وظفتهم لم المخلفات ليس اكتر
بس الحمد لله بعد الثورة موضوع الرشوة اتغير تماما عن الاول

الناس رفعت بوندرة الرشوة الى كان بياخد 10 بقى ياخد 50 وعاجبة ويقلك احنا فى ثورة عايزنى اخالف ضميرى

**mesaharaty** · 27-10-2011 03:23 PM

امين الشرطة لما يبتسم كل واحد يخلى باله لأن دى إبتسامة أفعوانية الغرض منها التهديد ( حتدفع ولا أقرصك ؟)
ربنا يرحمنا من الأشكال ديى

**madyyuri** · 27-10-2011 03:41 PM

المشاركة الأصلية كتبت بواسطة ashraf_ashraf

بص ياباشا هو الاسهل طبعا الدفع ليهم وفى اوقات غصب عنى هدفع لكن فى شئ زى ده لو على رقبتى مش هدفع ولو هيملى الدفتر برقم عربيتى
وصدقنى الشرطه مش هتنظف الا لما تتغير كلها من اول المجند لغايه الوزير تتغير فكريا ووطنيا واداريا وفهميا وكل شئ

غريبه يا أخي رغم ان احنا اللي بندفع، يبقي المفروض احنا اللي يتعملنا احلال مش هما،

لو انت وانا وغيرنا بطلوا يدفعوا الرشاوي ساعتها بس ممكن ينضفوا

**samcar** · 27-10-2011 04:04 PM

اليومين دول ضباط الشرطه قرفانين جدا منهم - انا شايف لو واحد عمل كده - ممكن وبالذات لو معاك واحد ولا اتنين - تفتعلوا معاه خناقه وتقولوا بعلو حسكم فى الشارع الافندى عايز رشوه- احتمال كبير كام ميكروباص يقفوا يوجبوا معاه - خصوصا لو قلتم انه بيسجل مخالفات عمال على بطال- او ضابط يكون معدى وما يصدق يفش غله ويلبس الزبون مصيبه

بصراحه الامنا شفتهم - هنا فى الاقاليم بقوا بيخافوا حتى يبتسموا - هههههههههههههه

**Ashraf_Ashraf** · 27-10-2011 05:01 PM

المشاركة الأصلية كتبت بواسطة mmharoun

شكرا على المعلومة وجارى الرد على الابتسامة

ههههههههههههههههههههههههه ههههههههههههههههههههههههه هههه
بس اوعى الابتسامه تطول من ايدك وتغزه بيها

**Ashraf_Ashraf** · 27-10-2011 05:08 PM

المشاركة الأصلية كتبت بواسطة madyyuri

غريبه يا أخي رغم ان احنا اللي بندفع، يبقي المفروض احنا اللي يتعملنا احلال مش هما،

لو انت وانا وغيرنا بطلوا يدفعوا الرشاوي ساعتها بس ممكن ينضفوا

طيب اقولك حاجه رحت فى شهر 4 اللى فات ارخص العربيه وكانت لسه الثوره سخنه وكلنا حماس ووطنيه واللى هيقولى هات كنت هقطعه اول مادخلت الشباك وطلبت الملف بعد ساعتين انتظار وحرق دم زحام رهيب ( مرور السلام ) قالى مش لاقيين الملف ازاى ومش ازاى المهم وسط الكلام قالت لى الموظفه ماتروح تجيب 5 حاجه ساقعه انا نزل على الكلام بقيت زى العبيط اللى بيساله فى انشطار الذرة

رحت جبت بقوه وانتعاش الـ 7- up لقيت الملف هيه هيه وعملت الورق وخدت 20 جنيه واخدت الرخصه قبل اللى جاى قبل منى ب 3 ساعات ولسه ورقه كمان ماخلصش تفتكر كان فى حل غير انى ادفع ولا الملف يضيع واحتار انا ولا اللى بيدور على ابره فى بحر