الموضوع: احترس من ابتسامه امناء الشرطه فى الاشارات

المشاركة الأصلية كتبت بواسطة ashraf_ashraf

اللى حصل امبارح انى جاى حوالى 7.3 من الخليفه المأمون فى اتجاه روكسى قابلنى الاشاره اللى قبل شريط المترو الدنيا زحمه مووووووت زى العاده الاشاره خضراء والكل مركز فى انه يعدى من كتر البهلونات اللى فى الشارع فانا بعدى ورا عربيه وقبل مااعدى شريط المترو قبلت الاشاره اصفر فى احمر فى ثانيه والعربيات اللى جايه من روكسى هوا كبست بقيت انا واقف وش عربيتى قافل جزء من الشارع ومش عارف ارجع من اللى ورا وففضلت مطرحى فجأه ظهر امين شرطه تستغربوا واقف على يمين الاشاره تحت عمود مظلم ماتشوفش والاهم بقى انه الباشا لابس بلوفربيجى فى بنى فوق اللبس الميرى ( اول مره فى حياتى اشوفها )
المهم جالى بصلى وهو بيضحك فانا ابتسامت قلت له والله انا ماكسرت الاشاره هى فجاه قلبت ضحك وقالى ولا يهمك ياباشا وفضل يشاور لباقى العربيات اللى ماشيه وكل شويه يبص للعربيه وهو بيبتسم وبعدين عمل نفسه بيحمع رقم ولا حاجه وكتبه على طرف الدفتر فتحت الاشاره عديت المترو ببص فى المرايا لقيت بيكتب مخالفه انا متاكد انها لى رغم انى مظلوم والله
طبعا كان صعب انى ارجع له لسببين الاول الزحمه الرهيبه مش هتخلينى حتى اعرف اقف تانى شئ انى مش هنزل اتكلم معاه ولا اتفاهم ولا هدفع له ولا اى شئ خلاص الموضوعات دى انتهت
عموما انا بحذركم من ابتسامه اى امين شرطه ففى الابتسامه مخالفه سامه

هى انتهت فعلا بس اللى انتهى فيها هى السريه
حاليا علنى بدون رشوه هتقف محلك سر اكتر من موقف حصل معايا بعد احداث يناير يخلينى اقولك انك لازم تدفع رشوه مع اسفى الشديد جدا انى اقولك ان قبل الاحداث كان ممكن تدفع وممكن لا واللى بتدفعه الموظف بيرضى بيه
النهارده علنى ومتحدد المبلغ كمان