ممكن أعرف المازدا ال 2011 الاوتوماتيك البيزك فيها وحدة رفع وطارة مالتى ولا لأ؟؟؟؟
عرض للطباعة
ممكن أعرف المازدا ال 2011 الاوتوماتيك البيزك فيها وحدة رفع وطارة مالتى ولا لأ؟؟؟؟
فيها وحدات رفع، الطارة مش مالتى
مافيهاش وحدات ورفع مافيهاش طارة مالتي
الهاي لاين فيها طارة مالتي ومافيهاش وحدات رفع
http://www.mazda3-eg.com/specifications.xls
المازدا البيزك 2010 فيها وحدة رفع بس مفيهاش مالتى, بس بيركب فى التوكيل ب 1300جنيه تقريبا مش فاكر كام بالظبط
عربيه فاشله بكافة المقاييس ، أنا عندي واحده موديل 2010 ، عامله 4500 كيلومتر ، وبفكر جديا إني أبيعها
ليه بتقول عليها كدة, انا مش من ملاكها بس متهيقلى ان المازدا من احسن العربيات فى الفئة السعرية دى, يعنى عمرك ما هتلاقى عربية يابانى وتقفيل يابانى ب128 الف (طبعا غير البومة عشان شكل قديم)
عندك الشارك بتبتدى من 135 الف
كورولا بتبتدى من 152الف
سيفيك بتبتدى من 158الف
سوبارو امبريزا بتبتدى من 150 الف
غريبة أوي موضوع وحدات الرفع ده......أنا عندي موديل 2011 هاي لاين ومافيهاش وحدة رفع.
أنا مش عارف غبور بيهزر ولا بيهرج
على فكرة العربية دى الحاجة الكويسة اللى فيها أن غبور مالهوش دعوة بيها .. بمعنى انه مالعبش فيها زى الهيونداى، ودة لأن الشركة الأم رفضت اى تعديلات، دى نفس العربية اللى بتنزل أوربا وتحديداً انجلترا لأنما اللى بينزل فى امريكا الـ 2.0 والـ 2.5
بدليل انهم حتى رفضوا بشدة ان التوكيل هنا يفتح السرعة اللى هم قافلنها
إحتمال وارد ان يكون فى بعض التغيرات الطفيفة اللى بتحدث لبعض الدفعات من المصنع نفسه.
عندك حق..... بدليل إن كل عوامل الأمان في العربية أساسية مش اختيارية، وبتنزل في البيسك زي الهاي لاين..... لو على غبور، كان زمانه شال الاتنين إير باج والـ abs والـ ebd من البيسك...... الحمد لله
عبدالله لو سمحت ياريت توضح سبب انك بتقول عليها فاشلة ؟
انا باحترم كل الاراء بس توضحلنا اكتر ياريت عشان انا مش لاقى سبب واحد انك تقول عليها فاشلة بس
يمكن فيه وانا معرفهوش
ممكن يكون فيه عيوب مزايا اه انما فاشل يا فاشل دى بعيدة قوى على مازدا اللى متقفلة فى اليابان
فا ياريت تفيدنا وتفيد كل المازداوية
بالنسبة يا جماعة لوحدات الرفع
اللى اعرفى البيزك مفيهاش , الهاى لاين فيها بس غالبا عمو غبور شايلهم ومستبعدشى ان سلوكها موجودة بس بيفصلها عشان تطلبها فا تدفع فهو
يوصلها بدل التركيب عادى كل شىء جايز فى الزمن ده خصوصا فى مصرنا الحبيبة
بالنسبة المالتى فنكشن فى البيزك بتيجى من غيره بس سلوكها بتبقى جاهزة
مجرد تركيب الزراير مش اكتر
ود ممكن يكون نفس فكرة وحدات الرفع
غريبه !!!!
انا عندي وحدات رفع بيزك لاين 2010
أنا سألت عند شيرين كار...........قاللى البيزيك ساعات بييجى فىيه وحدات رفع .....وساعات مافيهوش.........غبور الحرامى بيشيلها من العربيات..............ربنا ينتقم منه
انا سألت في معرض غبور مازدا اللي عمارات العبور اللي في صلاح سالم وقالي ان وحدات الرفع كانت موجودة في 2010 و مش موجودة في 2011 غير في باب السواق بس
يا جماعة
وحدة الرفع لو قصدكو بيها تعليق اليد على زرار غلق السيارة بالريموت بعد النزول منها و غلق الأبواب فهو موجود في البيزيك 2010 و أنا منأكد ( عربيتي ) و أعتقد إنه لازم يكون موجود في الهاي لاين
بالنسبة لموضوع المالتي انتو متأكدين إن عمو غبور كدة بالساهل يركب مالتي بالسعر دة ؟؟؟
أنا مش مصدق
تعليق اليد على زرار غلق السيارة بالريموت بعد النزول منها و غلق الأبواب فعلا بيقفل كل الزجاج المفتوح في ال2011 الهاي لاين... سألت كذا معرض و التوكيل و مكانوش عارفين، بس أنا جربتها بنفسي و اشتغلت.