اولا شكرا لكل الناس اللي وضحوا وجهه نظري
ثانيا انا مش عم بس عادي برضه مش اشكال
رابعا : لو حضرتك زعلتي من الهزار فحقك علي راسي
انا بعامل الناس هنا علي انهم اخواتي بس يظهر اني غلطان
عرض للطباعة
نايل موتورز فيه بصمة مميزة جدا تحمل دوما توقيع""شنوري ""
صعب حد يزعل منه وصعب حد يفهمه غلط لأننا إعتدنا على اسلوبه الساخر
ونقااااء قلبه ...لكن كلمة "عم " اللى وردت على لساني كانت بهزار ..
وبعدين مفيش بين الأخوات لا حق ولا حاجة ....
فممكن ننسى الموضوع ده بقى ؟ ونرجع لموضوع الصراصير اللى عايز تعملها
كيرلي وسبايك دى هههههههههه
بعتذر منك وبعتذر للجميع إن كانت كلماتي تحمل أى تهكم أو شىء
دمتم بكل الخير أجمل إخوات وأغلى صحبة
توتااااااااااااااااااا
امبارح اكتشفت ان مصدر القلة المندسة من الصراصير تخيلو فييين
في غسالة الاطباق .... بين جسم الغسالة الخارجي والاطار الاستانلس الداخلي
روحت جايب العدة
وفاكك البطانة الاستانسل اللي بداخل الباب وطبعا هما كانو مش متوقعين الحركة الجريئة دي
وكنت محضر علبة كيروكس ومركب انبوبة الرش الطويلة دي وقمت مغرق الفتحات اللي ف الغسالة بالكيروكس ..... طبعا انا متوقع رد عنيف منهم .... مثلا عملية تمشيط و قصف طيران ..... اعتقالات ..... ربنا يستر
....
وسيبتها طول الليل والنور منور ف المطبخ عشان احرمهم من نعمة النوم الهانئ ورشيت كمان الاماكن التي يتوقع ان تكون ملاذ آمن لهم .... والمتمثلة في المنطقة اسفل الحوض و جنوب التفريعة بتاعت صرف الحوض .... وشمال شرق السخان ....
....
وطبعا المدام زمانها غسلت الغسالة وشغلتها ع الفاضي بمياة ساخنة
انا كنت باقول ان الغسالة دي بتشتغل دايما بمية سخنة .... وكنت مستبعد تماما انهم يكونو فيها
لكن برضو الاهمال .... وجود بقايا الطعام في الغسالة احيانا جذبهم اليها .... واعتبروها حمام ساونا جميل ممكن يكون منعش ومجدد للنشاط
لما نشوف آخرتها معاهم
اذا كنت بأقدر على الواد ابراهيم اللمض العفريت .... يبقى مش ح أقدر على شوية صراصير .... هأو .... يبقو ماسمعوش عن الحاج احمد بقى :Oc_sun1[1]:
كان الله فى عونك يا حاج / أحمد
عقبال ما هعمل كدة انا كمان بس اكتشفت انهم داخل قاعدة الكاتيل وغداً بأذن الله حملة تطهير للمطبخ كلة
للأسف المبيدات الموجودة فى الصيدليات و السوبر ماركت لا فائدة منها إلا بالرش المباشر على الصراصير و هى تجرى فى المطبخ
و لكن الطريقة الفعالة هى رش الشقة كل سنة أو سنتان بواسطة الشركات المتخصصة فى التبخير
حيث أنهم يستخدمون مادة فعالة فى القضاء على الصراصير و النمل
و لكن لكى يؤتى الرش ثماره بفائدة لا بد من ترك الشقة مدة كافية مقفولة (أسبوع مثلا)
و ينصح بذلك فى فترة المصيف كل سنة أو سنتان .
ملاحطة : عند التعاقد مع شركات الرش ينصح باللجوء إلى الشركات المجربة مع الأصدقاء و المعارف
و ليس أى إعلان على شريط التليفزيون أو المطبوعات التى ترفق كإعلانات مع الجرائد حيث أنه معظمها نصب