انا احد اصدقائى عايز يجيب عربية لأختة... انا كنت بنصحه بالسريون بس هما بيفكرو فى بونتو الشكل القديم!
ممكن مقارنة بين العربيتين علشان أعرف افيدهم؟ :)
عرض للطباعة
انا احد اصدقائى عايز يجيب عربية لأختة... انا كنت بنصحه بالسريون بس هما بيفكرو فى بونتو الشكل القديم!
ممكن مقارنة بين العربيتين علشان أعرف افيدهم؟ :)
انا حقولك اللى انا اعرفه
السريون المانوال هتبقى ب 78 الف (ده اخر سعر اعرفه)
السريون فيها :
موتور 1300 DOHC 16v
2 ايرباج
تكييف
باور كهرباء
سنتر لوك
4 زجاج كهرباء
راديو سىدى سونى, بيشغل mp3
ضمان 3 سنين او 100 الف
اما البونتو, كان فى عرض, معرفش خلص و لا لأ
ب 75 الف فيها جنوط و فوجات (فوانيس شبورة) و مخادع رأس خلفية
ميزة البونتو ان ممكن يتعمل لها صيانة فى اى حتة, لأنها قطع غيارها متوفرة بكثرة و فى ناس كتير بتفهم و بتشتغل فيها
لكن الكماليات مش عارفها كلها, لس ممكن تسألى توت عنخ امون عنها لأن كان معاه واحدة
بلاش بونتو
انا شفت فى اعلانها انها 1300 سى سى وتطلع 65 حصان
مش عارف ازاى
مع ان ال site بتاع fiat قايل انها 1200 سى سى بس
مع العلم ان ال 1100 سى سى بتطلع 65 حصان !!!! حاجه غريبه
تصليح
البونتو الموجودة في مصر حاليا 1242 سي سي
برة بتسسمى 1.2 في مصر و بعض الدول بيقولو عليها 1.3
مش مهم - المهم ان في 2 من الموتور ده - 16 صمام و 8 صمام
ال 16 صمام بيولد 80 - 83 حصان ( مثل سيارتي )
وال 8 بيولد 60 حصان ( و ده الي في البونتو ال2008 الي في مصر )
---------
بالنسبة للأخ الي بيسال .
بالنسبة لواحدة بنت معتقدش حتقرق معاها 60 او 80 او 100 حصان
كما تفضل معاذ وشرح السيارتين كويسين جدا .. بس السريون اوسع داخليا بينما البونتو اريح بكتير في الصيانة و اسعار قطع الغيار ( اقل ) و طبعا اي حد مكيانيكي ممكن فيهم فيها لانها لم تتغير تقريبا من موديلات 2004 .
برده استهلاك البنزين كويس في الاتنين - يمكن الكماليات اكتر في السريون بس ده علي حساب السعر
البونتو مازلات في العرض - 75 الف جنيه - فوج لايت - جنوط 15" ايطالي فيات اصلي - مخادع راس خلفية .
.
البونتو
باور
سنتر
زجاج كهرباء
2 اير باج
rbm
فوجات
جنوط
مخادع خلفيه
.........
الاتنين حلوين و فيه فرق سعر و كماليات لصالح البونتو .
لكن قوه موتور و التكييف في صالح السيريون
طب و ليه الواحد يجيب عربية زيرو و يبهدل نفسه في الورش .
ما خدمة دايهاتسو 100 100 و ناس محترمين جدا .. فرق الوكيل لصالح السيريون بالتأكيد .. هي كدة هتتصلح و كدة هتتصلح بس الفكرة ان الواحد بيشتري دماغه .. خصوصا ان لبنت
و مين قالك ان فيه حد بيجيب بونتو زيرو و بيبهدل نفسه في الورشاقتباس:
طب و ليه الواحد يجيب عربية زيرو و يبهدل نفسه في الورش .
عربيات فيات اعتماديتها عاليه علي فكره
لأ انا بتكلم عالصيانات الدورية و الحاجات و الخبطات البسيطة
يعني فيه ناس بتجيب عربيات هيونداي و فيات أو اي كان ماركة العربية و تستغني عن التوكيل تماما لسوء مستواه او ضعف الخدمة
انا معرفش السمعة العامة لتوكيل فيات رغم ان ليا اصدقاء معاهم باليو و اونو اشتكوا منه .. بس لو انا هجيب عربية زيرو و يكون أحد اسباب اختياري ليها ان اي حد يشتغل فيها
طب منا عندي عربية تانية التوكيل بتاعها ممتاز و اعتمادية عالية و قطع غيار اسعارها حلو و معمرة .. هريح دماغي من الوش ده كله
بالنسبة للبونتو, هو فى التوكيل و فى مراكز خدمة معتمدة
بس وجود قطع الغيار للعربية بالخارج بيسهل الامور برده
ده غير ان فى ناس بترفض مبدأ التصليح عند التوكيل, و يقول لك دول بيسرقونى و حاجات كتير
------------------------------------
ده مرة كنت بتكلم مع واحد كان بيقول لى انه اول لما العربية تبتدى تطلب قطع غيار او تروح للتوكيل, يبيعها على طول علشان مش عاوز وجع دماغ
و نفس الشخص كان معتقد ان الزيوت و كل المستهلكات على التوكيل, طالما هو فى الضمان و مع ذلك مبيروحش علشان وجع الدماغ (ده على حسب كلامه):oops:
الاخ كان معاه جين 2, و بعدين جاب جرتند بونتو اتوماتيك
معلومة مهمة:
البونتو فى اعادة البيع اسهل عن السريون, و سعر اعادة البيع ماسك نفسه عن السريون
و ان كان السريون بدأت تشد حيلها فى الاونة الاخيرة