عرض للطباعة
حصلت معايا كذا مرة حاجه غريبة
إن ألاقى شرطتين بس فى مؤشر الحرارة وده لاحظتها بتحصل على الطوالى وبكون ماشى بقالى فترة على 4 شرط وبعدين بترجع 4 وتعد شوية وهكذا
هل ده بسبب إن الطوالى الهواء بيضرب فى الموتور وبيبرده ، مع إنى أعرف إن هيه 4 شرط فى السخن والبارد وثابته على أى ظروف
ولا ده عطل فى الحساس
ياريت إذا حد صادفه الموضوع ده أو يقدر يفيدنى يرد
طالما العربية سخنت بتوصل لاربع شرط وتثبت تحت اى ظروف للسرعة ولا تنزل لشرطتين او اقل الا فى حالة ايقاف تشغيل السيارة وبرودة الموتور وغير كده يبقى فيه مشكله
اعتقد عيب فى الحساس
عندي المشكلة دي و اعتقد عيب في الحساس
بس متقلقش المروحة ملهاش دعوة بالحساس ده
المروحة شغالة مع الترموستات
يعني متقلقش و اعملها في التوكيل في اي وقت
كان دكتور احمد عبد الرحمن غيروا لنفس السبب في الضمان
أنا قلت كده بردهاقتباس:
المشاركة الأصلية كتبت بواسطة cheetos_892005
هقولهم عليه فى الصيانة الجاية وربنا يسهلها
هي كانت حصلت معايا مرة واحدة قبل كدة و كنت على الطوالي بردو
علشان نعرف ان كان فيه مشكلة او لأ جوة اللد بعد الطوالي بترفع ثاني ولا لأ؟؟
والله انا شايف ان الموضوع عادي وبيحصل عندي هو صحيح مش كتير بس ساعات فعلا في الطوالي ودايما في الشتا مش في الصيف - والموضوع دا برضة في عربيات كتير مش اللوجان بس
لما تكون العربية مش على طريق مفتوح والحركة بطيئة بتكون ثابتة على 4 شرط
الكلام ده بيحصل لما أكون فى طريق مفتوح
يبقى كدة الوضع طبيعي يا باشا و عموما اسأل في التوكيل مش هتخسر حاجةاقتباس:
المشاركة الأصلية كتبت بواسطة ahmedbakr50
بالضبط انا عملتها في التوكيل لما الحساس باظ على 35000 تقريبا
المهم اني دلوقتي عامل 57000 وبرضه رجع يلعب ثاني بعد تغييره في الضمان
عادي حروح اغيره ثاني بس على العموم حرارة العربية ثابته
إن شاء الله فى الصيانة القادمة هقولهم عليها
بس ياريت ميقولوش الرد الطبيعى (عادى)
طبعاً هتغيره فى الضمان برضه ..اقتباس:
المشاركة الأصلية كتبت بواسطة د.أحمد عبد الرحمن
بس يا ريت من باب العلم بالشئ تعرف لنا سعره كام بما إنه عيب متكرر.
ولا تنسانا أيضاً فى تقرير صيانة الـ 60 ألف
ويارب تكون حوشت تمنها :)