احذروا سرقه الموبايل وانت سايق في الزحمه

**sammor_28** · 27-10-2011 03:17 AM

المشاركة الأصلية كتبت بواسطة elawany13

بعمل كده منذ بداية الثورة ... وبالذات فى الأماكن المزدحمه وعند الإشارات

ياريت كلنا نحاول نعمل كده

عشان بجد والله انتو مش متخيلين مدى الرعب في المواقف دي ده مجرد مرورهم جنب العربيه ونظرتهم ليا وللعربيه بجد مرعبه بلطجيه من الأخر تحس الشر والغل بيطنطط في عيونهم وطبعا اكييييييييييد معاهم سلاح
وكمان صاحب الموبايل اللي اتسرق مافكرش حتى يجري وراهم لأنه ببساطه خايف من منظرهم

**sammor_28** · 27-10-2011 03:22 AM

المشاركة الأصلية كتبت بواسطة minicooper20

طول عمرى مبفتحش الشباك اصلن و العربيه بتقفل السنتر لوحدها
المصيبه ان الشهامه بقت مفيش خالص ككلو بقا بيقول و انا مالى مكناش كده والله

الناس من زمان وهي كده ياباشا
بس دلوقت بقى اقل عيل ماشي في الشارع معاه سلاح والناس كلها عارفه كده وكله بيخاف على نفسه
وبأمانه انا كنت خايف على نفسي وماعملتش حاجه خالص رغم ان العربيه كانت امامي مباشره
وحتى صاحب التليفون نفسه مافكرش يعمل حاجه اساسا

واخيرا ربنا يسترها ويعدي الأيام دي على خير

**prisoner** · 27-10-2011 11:15 AM

الحركة دى بتتعمل من زمان بس انتشرت دلوقتى جامد ولسة حاصلة مع واحد امبارح وللاسف الناس مش عارف ازاى مش بتاخد بالها انا طول عمرى بقفل الزجاج اللى جنبى على طول ومرة كنت ماشى وكنا واقفين فى زحمة لقيت بنت راكبة عربية والشباك اللى على يمينها مفتوح على الاخر وحاطة شنطة على الكرسى ولما حاولت انبها افتكرتنى بعاكسها رغم انى والله عمرى ما عملت كده انا بس كنت بحاول احذرها ولا كانى قولت حاجة وقلت ربنا يسترها علينا وعليها وياريت كل الناس تاخد بالها دلوقتى ربنا يرحمنا

**grand hand** · 27-10-2011 12:13 PM

رايحة على فين يا مصر، لما كل البلطجية دول فى الشوارع امال مين اللى فى السجن؟!!!!!

**mmharoun** · 27-10-2011 12:47 PM

الشعب هو اللى مسجون علشان كلنا خايفين نتحرك يا استاذى الفاضل/ محمد فوزى مادام خايفين نتحرك ونايمين على طول الخط يبقى احنا اللي مساجين والبلطجية براحتها

**MASERATI** · 27-10-2011 01:44 PM

السلام عليكم و رحمة الله و بركاته

أشكال زبالة أوى عاوزه الحرق, ربنا ياخدهم, أنا مش عارف دول بيبقوا حاسين بايه و هما ماشيين فى الشارع, يعنى بيبقوا طايقين نفسهم ازاى ؟؟!!!!.

**kar!m** · 27-10-2011 01:58 PM

لازم تكون فى حملة توعية ان الناس كلها تشارك عشان نقضى على الظاهرة دى و تمنعها.

فاكرين فيلم حياة حشرة (bugs life) لما كان زعيم الجراد بيقول لهم .. عدد النمل أكبر مننا بكتير و لو عرف المعلومة دى هيقضى علينا .. نفس الكلام هنا.

لو كل اللى واقفين بعربياتهم دو لما شافوا منظر زى ده نزلو و زعقوا بس فى الكام بلطجى دول .. هيخافوا و يجروا .. تخيل بأه لو مسكوهم و ضربوهم.

بس الفكرة ازاى نوصل الفكرة دى للشعب .. زى أيام اللجان الشعبية كده.

**poussi** · 27-10-2011 03:43 PM

ربنا يسترها بيتفننوا فى السرقه انا بقالى فتره لازم السنتر يتقفل خصوصا باليل والازاز كله

من كام يوم كنت مسافره بعد المغرب انا وصاحبتى وهطلع على الطريق خلاص لقيت تك تك ماشى جمبى على قد سرعتى فسمعت اللى جمب السواق بيقوله هم كلهم بنات قاله اه قاله خلاص تمام

والله انا قلبى كان فى رجلى كل اللى عملته ركنت نص ساعه قدام سوبر ماركت وما صدقت لقيت عربيتين عدوا جمبى فضلت ماشيه وراهم وقفلت السسنتر والازار لحد ما طلعت على الطريق وحسيت بامان شويه

ربنا يستر الواحد عمره ما عاش فى الرعب ده قبل كده