قدر الله وما شاء فعل
لاسف السيراتو شوفت ليها حوادث كتير اوي
ديما بقول السرعة ملهاش كبير
ربنا يخلف عنك يارب
عرض للطباعة
قدر الله وما شاء فعل
لاسف السيراتو شوفت ليها حوادث كتير اوي
ديما بقول السرعة ملهاش كبير
ربنا يخلف عنك يارب
قدر الله وما شاء فعل
لاسف السيراتو شوفت ليها حوادث كتير اوي
ديما بقول السرعة ملهاش كبير
ربنا يخلف عنك يارب
الحمدلله ياجماعة والله على كل اللى يجيبه ربنا انا راضى بكل اللى يجيبه لأن هو وحده اللى نجانى من الموت
بس اللى مضايقنى ان العربية عاملة بس 15 الف كيلو ومكنتش من النوع اللى بيهين العربية فى السواقة غير بس هى السرعة الزياده بس كانت دايما بحذر
وبالنسبة لموضوع النيتروجين ده بصراحة مش عارف هل ليه دخل او لا بس صحيح انا اخر مره كنت ظابط نيترو على 30 مش عارف بردو اذا كان ليه علاقة ولا لا لأنى غالباً كنت بظبط على 28 او 29 ومش عارف اذا كان الكاوتش اللى جنبى فرقع ولا لا لأنى مسمعتش بس بعد الحادثة لقيته على الأرض واللى ورا اتقطع اما خبط فى الرصيف ...
وكنت عايز استفسر عن سعر السقف والبابين وطبعا هما بيبقوا استيراد صح؟
وربنا يقدم اللى فيه الخير
الف سلامة عليك وفداك مليون عربية اهم حاجة انت والباقى يتعوض ان شاء الله (قل لن يصيبنا الا ما كتبة الله لنا )
انا شفت العربيه دى بنفسى الساعه 7.30 صباحا وكانت على وشك انها تتشال بالونش ومن ساعتها وانا بقول ايه ال حصل علشان تنقلب كدا وحسب ال انا شفته وال انت بتقوله العربيه دى ممتازه علشان انت الحمد لله حى بس السرعه ال انت بتقولها دى كبيره اوى على الطريق دا دا كبيروا اوى 100 او اقل
والحمد لله انت بخير لان المنظر بجد كان مش كويس ومن ساعدها وانا بقول ايه ال حصل علشان تنقلب كدا
الحمدلله ياحمد هو فعلا كل اللى كان يشوف المنظر كان بيستبعد تماما انى انا صاحبها وواقف على رجلى
الف حمد لله علي سلمتك و تلاما سياتك كويس يبقي اي حاجة تانيه مش مهم
الحمد لله على سلامتك
حمد لله على سلامتك وربنا يخلف عليك خير منها ....
الف سلامة عليك والحمد لله على سلامتك
ممكن يكون زيت على الطريق و بتاع الكاوتش نفخه اكتر من الازم والعربيه عامت ثم انقلبت
رسالة من من واحد ساكن فى اكتوبر من 15 سنة
الف حمد الله على السلامه وطالما انت كويس كل شىء فى الدنيا يتعوض الا الصحه
وانا بركن عربية الوالد فى الجراش (باسات اد الداهيه ماشاء الله لا قوة الا بالله) وبوابة الجراش صغيره جدا يادوب تسيب 3 سنتى يمين و3 شمال والمرايات مقفوله عشان تخش والموضوع كان صعب فى الاول لاكن بعد كدا بقى سهل لاكن ساعة القدر يعمى البصر كان وقت الفطار بالظبط والمغرب بياذن وكان يوم 26 رمضان اللى فات
انا بدخل المرايه اليمين مالت كانت هتتخبط فبدوس سنه سنه لقدام تانى عشان اعدل نفسى وارجع كويس
العربيه كانت راجعه من مشوار وواضح ان الموتور كان سخن يادوب بلمس العربيه راحت طايره لقدام زى الطور الهائج فى اللحظه دى كنت مطلع ذراعى قال بقيس المسافه
ذراعى الشمال خبط فى البوابه الساعد اتكسر ولا كانك بتكسر ايد مقشه
انا محستش بالخبطه لانها تمت فى ثانيه واحده
الحمد لله على كل شىء طبعا نقلونى على طول على مستشفى الهلال برمسيس وتم عمل شريحه ومسامير والحمد لله ذراعى رجع زى الاول بنسبة 70%
فزى مبقولك كل شىء يتعوض الا الصحه
وقل (الله واجرنى فى مصيبتى واخلفنى خيرا منها
لا مكنش فى اى زيت على الطريق
الف حمد الله على سلامتك يا باشا وربنا يعوضك بالاحسن منها
الحمد لله على سلامتك
كله يهون طالما طلعت سليم و الحمد لله
الحادثة بتاعتك شبه الحادثة بتاعة المهندس غازى
و اللى يقدر يحدد ايه اللى حصل لازم يكون متخصص
حمدالله على سلامتك
ربنا يحفظك دائما
1000 حمد لله على سلامتك
هههههههههههههه
لا اله الا الله .
انت داخل تقول كلمه طيبه و لا داخل تهزر .
بجد ممكن نستفاد بيك فى مواضيع تانيه و يكون الاعضاء كلهم بيهزروا ,لكن فى موضوع زى دا ممكن تقول كلمه طيبه و خلاص . زى ربنا يعوض عليك و اهم حاجه صحتك او ا ى حاجه عاديه او تتفرج و خلاص.
انا مش بنتقدك و لا حاجه لكن انا بنصحك فقط .
ارجوا ان تتقبل كلامى بصدر رحب .الخلاف فى الراى لا يفسد للود قضيه.
الف مليون سلامة عليك وربنا يعوض عليك
اسمحلى اقول لحضرتك ان الكلام ده مالوش اساس من الصحة والدليل انه لو كان النيتروجين السبب فى انفجار الاطارات ما كانتش كل سباقات العالم من فورميلا وان وراليات والطيارات كلها اطاراتها نيتروجين لانه ما بيتمددش زى الهواء العادى وما بيسخنش كمان وبيحافظ ع المطاط ويطول عمره الافتراضى
ولو فيه عيوب او تشققات فى الاطارات دى بتكون من المطبات الغير مدروسة وعيون القطط والعضاضات اللى مالية طرقنا الجميلة :untitled 1:
اول مرة اشوف الكلام ده بصراحة :oops1:
قدر الله وماشاء فعل
حمدلله على نجاتك
حمد لله على السلامه
بس حضرتك ماينفعش تمشى 180 فى طرق مصر الحبيبه
وان شاء الله تكون حضرتك عرفت ان الفرق بين الحياه والموت جزء من الثانيه
وتذكر ان اختبارات التصادم بتم على ال60 كيلو والعربيات بتتشلفط فما بالك ب100كم فى الساعه
ربنا يحفظنا جميعا
النيتروجين غاز خامل لايتفاعل مع مطاط او غيرة
مرة انفجر الاطار امامى ابيزا 93 سرعه 120 ومرة اطار خلفى ابيزا 94 سرعه 140 ومرة عومت بلانوس سرعه 110 ومرة زيت وكانت هتلف منى سرعه 70 وعربيات كتير خمست الحمد لله ربنا ستر بس اصعب موقف كنت بجرى 130 والى جنبى شد فرامل اليد وعينك ماتشوف الا النور اخدت الطريق يمين رايح على الرصيف وارجع تانى شمال على الرصيف التانى العربيه خارج السيطرة بس ستر ربنا الطريق واسع وفاضى وكتير كانت العربيه على عجلتين وربنا ستر هديت وسيطرت عليها تانى بس روحى كانت راحت
الف حمدالله علي السلامة
يعنى الحمد لله على سلامتك, قدر الله و ما شاء فعل.
حمد لله على السلامه قدر الله وماشاء فعل
الف حمدالله علي السلامة
قدر الله و ماشاء فعل
قول دايما الحمد لله الذي لا يحمد على مكروه سواه و اللهم اجرني في مصيبتي و اخلفني خيرا منها و اهم حاجة سلامتك
اهم حاجة انك سليم فداك مليون عربيه
قدر الله وماشاء فعل
حمد الله علي سلامتك
اولا الحمد لله على سلامتك
ثانيا بص مافي حاجه اسمها كورى ولا يابانى ولا فرنساوى ولا المانى الطريق مالوش كبير ممكن حتته حصوه صغيره تقلب عربيه وخصوصا ان شوارعنا فى مصر زى الزفت ماينفعش فيها الجرى ولا حتى على 90 فى ستين داهيه الصاج المهم انك طلعت منها بخير وربنا يكفينا كلنا شر الطريق ويرجعنا لاهلنا سالمين
عربيه زباله وقلابه ومشاكلها كتير غلطه عمري روح التوكيل وشوف المناظر هناك هامله ازاي
حمدلله على سلامتك قدر الله وماشاء فعل
الحمدلله على كل شئ ياجماعة بجد وده فى الأول والأخر قدر
بس دا مايمنعش انى اقول رأيى النهارده بصراحة عن العربية دى
انا كل الحوادث اللى كنت بسمعها عن السيراتو كانت قلب دايما يقولك العربية اتقلبت العربية حدفت لوحدها وناس كتيرة اوى قالتلى كده وانا ماصدقتش بس محدش هايصدق ده الا لو عاش التجربة الغبية دى وربنا يبعدها عن كل الناس ‘‘‘‘انا قبل ماشترى العربية دى باسبوع واحد صاحبى العربية اتقلبت بيه على الدائرى وكانت ماشية زى الفل معاه قعد يخمس بيها شوية وياخد فى غرز ومره واحده وهو ماشى عادى على الدائرى تخيلوا الجنط يتكسر نصين والعربية تتقلب ست مرات دا واحد‘‘ التانى كان صديق ليا فى اكاديمية المدينة فى شبرامنت وهو خارج من المعهد وماشى عادى بردو العربية حدفت شمال عدلها يمين حدفت جابها شمال وهنا القصة بتخلص زى ماحصل معايا بالظبط بعد الحدفة الشمال مهما تعمل العربية مابتقبلش اى اوامر من الدريكسيون ولا الفرامل بتوقف وللأسف الواد اتقلب بيها فى الترعة اللى ادام الأكاديمية ومن كام يوم واحد صاحبى كان بيزورنى قالى لسه امبارح واحد صاحبه مقلوب فى اسماعلية واللى جنبه توفى وانا فعلا لو كان حد جمبى كان توفى لأن السقف نازل لحد الكرسى اللى جمبى ‘وفى موضوع عمغرق كل منتديات النت لمهندس اسمه محمد غازى كاتبه عن حادث حصله والعربية اتقلبت 10 مرات تقريبا ونفس اللى حصل معايا بردو بالظبط حدفت شمال يمين شمال خلصت.
مع احترامى لكل الناس اللى بدافع عن العربية بحده واللى انا كنت منهم العربية دى فعلا فعلا فيها مشكلة حقيقية فى العفشة او المقصات دا خلاص بجد بقى شئ مفروغ منه وغير قابل للتشكيك
وياريت اى حد معاه العربية مش هاقولك بيعها بس خد بالك جدا جدا من النقر والمطبات والغرز
وربنا يسترها على الجميع
بالرغم من ان نزول السيراتو فى الجيل الجديد ده عمل ثورة فى عالم السيارات والتصميمات فى مصر والعالم وهوس الناس بيها والكل بيحلم بركوبها او امتلاكها
بس فعلا عربية مشكلة من يومها سواء حوادثها او سرقاتها من وقت الثورة وياريت فعلا اى حد يمتلكها يتكيف مع عيوبها بعد ما نعرفها طبعا لأن الجميع بينكر ده ويجيب العيب على اخطاء فردية او عيب سواقة واولهم التوكيل وحتى الشركة الام المصنعة
بس انا مش ها اقولك انا اتأثرت بجد قد اية انا حسيت انى انا اللى عملت الحادثة يمكن علشان عندى سيراتو ولا علشان عندى مشكلة بالكاوتش ولا علشان باخد الدائرى كل يوم بس المهم من دة كلة الف الف حمد للة على السلامة و فداك مليون عربية المهم انك بخير
حمدلله على سلامتك ... رأيي ضحي في سبيل الله عن عمرك الجديد و إحمد ربك ليل نهار و ربنا يحميك و يبعد عنك الأذى .
ثانيا كلامك مظبوط فإن ماحدش يثق في الكوري زيادة عن اللزوم و لا كمان في الألماني تذكر إنك ماشي على هواء منفوخ ... فولا ألماني و لا كوري خذ حظرك و إمشي براحتك الطريق ملكك و لا تسعجل في العجلة الندامة و ربنا يوستر طريقنا جميعا.