شوي حاجات...

**A7MED_PHARMA** · 27-10-2011 02:38 AM

السلام عليكم

أنا داخل ع النت من يو اس بي اتصالات .. بتشلني لحد ماتفتح صفحة
كان عندي شوية حاجات كتيرررررررررر عاوز أرغي فيها .. لكن مش هقدر أفصل كل واحدة في موضوع
فقلت أدلقهم كلهم في موضوع واحد

....
مرشحي مجلس الشعب
عندنا في الزقازيق (بلد المليون ..... جدع)تشوف لافتات الدعاية بتوع المرشحين
تقول ده بوستر ألبوم جديد ...
مرشح عامل شعره (بانك)على موضة التسعينات .. وواحد تاني راقع لياقة القميص ومايل بكتفه ,
حاجة تضحك أكتر منها مؤسفة
....
اتصـــــــــــــــــــل
سلاسل الاعلانات بتاعت اتصل على عالم الفلك فلان , وعالمة الفلك فلانة
وإتصل وقول بنعرف سن الخروف إزاي؟
وإتصل وحمل برنامج كاشف الأشباح الخطير .. والإعلان ده بالذات بيقرفني
برنامج للكشف عن الاشباح , وحياة .................... تيتتتت
وبرنامج الاشعة السيينية . تشوف عظم جمجمتك
وسلسلة الهبل السخيف ده
....
قناة الرااااااي السورية
دوروا عليها وإتفرجوا عليها .. 24 ساعة كوميديا بدون إنقطاع
القناة دي مايتحكيش عليها .. دي لازم تشوفها علشان تصدق

خدوا شوية أخبار من شريط الأنباء بتاعها
(الحاجة زوجة البطل المجاهد الشهيد معمر القذافي وأم المجاهد الشهيد البطل جيفارا العرب المعتصم القذافي تستغرب صمت قبيلة (مش عارف إيه) على مقتل إبنها فلان الفلاني)

جابوا فيديو مصور للمعتصم القذافي بعد وفاته , وبيقارنوه بفيديو مصور لجيفارا بعد وفاته , ويقولوا شوفو الشبه ياولاد ... سبحان الله , فولة وإتقسمت نصين , يبقا المعتصم ده بقا جيفارا العرب.
(تجمع الكتلة الثورية المصرية تنعي بكل الأسى الشهيد المجاهد البطل المغوار حفيد المختار الشهيد معمر القذافي)

وحاجات كتير
سلسلة كاملة متكاملة من العته والغباء والتوخولف النفساوي
....

**A7MED_PHARMA** · 27-10-2011 03:13 AM

أقول كمان
....
الفلوس المزورة , بقت كتيرة زيادة عن اللزوم
كل يومين واحد يجيلي معاه 50 جنيه مزورة , ويحلف أيمان المسلمين إنه واخدها من الصيدلية
وكل كام يوم ييجي واحد يحلف إني غلطت في الحساب وإنه له باقي 20 جنيه أو 50 جنيه
بشكل غبي
وكل كام يوم ييجي واحد معاه دوا وعاوز يرجعه ويحلف بأقوى الأيمان إنه واخدها من الصيدلية وهو كداب

....

العربجة المتزايدة للسواقين ع الأسفلت
النهاردة راجع من الزقازيق , سواق ميكروباص راح واقف فجأة ينزل ركاب من غير إشارة ولا أي حاجة ,فرملت وربنا ستر وإلي ورايا كان على وشك إن يلبس فيا
جيت جمب العربجي وأقوله " ياراجل حرام عليك" وكنت على وشك إني أكمل طريقي عادي
قالي بإسلوب الراجل الكبير لما ينده عيل صغير "" خد ياله تعالى ""
كسرت عليه ونزلت ,نازل وريحة باكابورت طالعة من بقه وكأنه مايعرفش يعني إيه غسيل الأسنان ع الأقل من 10 سنين , ريحة فم كريهة بتقول إنه شارب تيتتتتتت
الراجل الي كان هيلبس في ظهري نزل معاه الصليبة ومصمم يتخانق معاه
كنا إتنين ع السواق ,, شتيمة وشلاليت وخلافه
وكل واحد ركب عربيته ومشي
والمشي في المخالف بقا عادي جداااا

وسرقة العربيات في الشرقية بقت بشكل مبالغ فيه
وحاليا سرقة البيوت , البلد إلي أنا فاتح فيها الصيدلية مع إنها أريااااف , لكن إتسرق فيها 3 بيوت وأكتر من 6 عربيات من قدام بيوتها

..... يتبع

**pro_samir** · 27-10-2011 03:47 AM

يتبع ايه هو النت يقطع وانت تقعد تشحن

ايه ده كله يا عم

الموضوع: شوي حاجات...

LinkBack

أدوات الموضوع

عرض

شوي حاجات... - انشر الموضوع فى :

-

-

المواضيع المتشابهه

حاجات جيل التمانينات

حاجات لل Sir

أحسن 5 حاجات و أسوا 5 حاجات في العربية

يوم نحس اخر 3 حاجات

يوم نحس اخر 3 حاجات

الكلمات الدلالية لهذا الموضوع

المفضلات

المفضلات

ضوابط المشاركة